ကရင်အမျိုးသားအစည်းအရုံး(KNU) တပ်မဟာ (၅) နယ်မြေ ဖာပွန်(မူတြော်)ခရိုင်၌ ဖေဖော်ဝါရီ လဝက်အတွင်း တိုက်ပွဲပေါင်း ၉၁ကြိမ်ဖြစ်ပွားခဲ့ကြောင်း တပ်မဟာ(၅)က သတင်းထုတ်ပြန် သည်။
ဖေဖော်ဝါရီ ၁ရက်မှ ၁၅ရက်အတွင်းဖြစ်ပွားခဲ့သည့် တိုက်ပွဲများ၌ စစ်ကောင်စီတပ်မှ ၂၈ဦး သေဆုံးပြီး ၁၁ဦး ဒဏ်ရာရရှိခဲ့ကြောင်းဖော်ပြထားသည်။
တပ်မဟာ(၅)ဘက်က တစ်ဦးဒဏ်ရာရရှိခဲ့ပြီး စစ်ကောင်စီတပ်က ပစ်ခတ်သတ်ဖြတ်ခဲ့၍ ရွာသားတစ်ဦးသေဆုံးခဲ့ကြောင်း ထုတ်ပြန်သည်။
စစ်ကောင်စီတပ်က တိုက်လေယာဉ်ဖြင့် ကျေးရွာများ၊ လယ်ယာ၊ တောင်ယာလုပ်ငန်းခွင်များနှင့် စာသင်ကျောင်းများသို့ ဗုံးကြဲတိုက်ခိုက်ခဲ့ရာ စုစုပေါင်း ဗုံးအလုံး ၄၀ကြဲချ တိုက်ခိုက်ခဲ့သည်ဟု ဆိုသည်။
Public Service Announcement
လက်နက်ကြီးများဖြင့် ရမ်းသမ်းပစ်ခတ်ခြင်း လေယာဉ်ဖြင့် ဗုံးကြဲခြင်းတို့ကြောင့် စာသင်ကျောင်းနှင့် လူနေအိမ်အပါအဝင် အဆောက်အဦး၂၆ လုံး ပျက်စီးခဲ့သည်ဟု အသိပေးထားသည်။ ထို့ပြင် စပါးကျီ၊ စျေးဆိုင်၊ မော်တော်ကား၊ ဆိုင်ကယ် ၊ လယ်ထွန်စက်စသည့်ပြည်သူလူထုပိုင်ပစ္စည်းများ ပျက်စီးဆုံးရှုံးခဲ့ရကြောင်း ထုတ်ပြန်သည်။
