ကရင်ပြည်နယ် ၊ ကော့ကရိတ်မြို့နယ်ကို စစ်ကောင်စီ ရဲ့လေတပ်က ဒီနေ့မနက်ပိုင်း ၉ နာရီခွဲဝန်းကျင်မှာ ၂ ကြိမ် ဗုံးကြဲသွားတယ်လို့ ကရင်အမျိုးသားအစည်းအရုံး (KNU ) က ထုတ်ပြန်ပါတယ်။
ကော့ကရိတ်မြို့နယ်ဟာ KNU ရဲ့ ဒူပလာယာခရိုင်ထဲမှာပါပါတယ်။
ထိခိုက်ဒဏ်ရာရှိမှုအခြေအနေကို မသိရသေးဘူးလို့ KNU ဒူပလာယာ ခရိုင်သတင်းနဲ့ပြန်ကြားရေးကဆိုပါတယ်။
ကော့ကရိတ်ဟာ ထိုင်း − မြန်မာ နယ်စပ်မြို့ မြဝတီကနေ မိုင် ၄၀ ကျော်အကွာမှာရှိပြီး ကုန်သွယ်ရေး လမ်းကြောင်းပေါ်မှာတည်ရှိနေပါတယ်။
Public Service Announcement
ပြီးခဲ့တဲ့ နှစ်ကုန်ပိုင်းက ကော့ကရိတ်မြို့မှာရှိတဲ့ စစ်ကောင်စီတပ်စခန်းတွေကို ကရင့်ပူးပေါင်းတပ်တွေ ဝင်ရောက်တိုက်ခိုက်ခဲ့ဖူးပါတယ်။
