မုံရွာနမခကိုလက်နက်ကြီးဖြင့်၄၅မိနစ်ကြာပစ်ခတ်တိုက်ခိုက်

စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်းစစ်ဌာနချုပ်(နမခ)ကို လက်နက်ကြီးများဖြင့် ပစ်ခတ်တိုက်ခိုက်ခဲ့ရာ စစ်သား ၆ ဦး​သေဆုံးကြောင်း မုံရွာခရိုင်ပြည်သူကာကွယ်ရေးတပ်မတော် (Chindwin Attack Force)၏သတင်းနှင့် ပြန်ကြားရေးတာဝန်ခံက​ပြောသည်။

ယမန်နေ့ (မတ်လ ၁၄ ရက်နေ့) ည ၉ နာရီ ၁၅ မိနစ်ခန့်က စတင်ပြီး အနှောက်မြောက်တိုင်းစစ်ငှာနချုပ်ကိုလက်နက်ကြီးများဖြင့် ( ၄၅ ) မိနစ်ကြာပစ်ခတ်တိုက်ခိုက်ခဲ့ခြင်းဖြစ်ကြောင်း ၎င်းက ပြောသည်။

စစ်အုပ်စုဘက်က လက်နက်ကြီးလက်နက်ငယ်များဖြင့် ပြန်လည်ပစ်ခတ်သော်လည်း ရဲဘော်များအထိအခိုက်မရှိဟု Chindwin Attack Forceက ဆိုသည်။

“ခရိုင်ရုံးကိုထိတာ။ ခြောက်ကောင်သေတယ်။”ဟုအထက်ပါ သတင်းနှင့် ပြန်ကြားရေးတာဝန်ခံက People’s Spring သတင်းဌာနသို့ပြောသည်။

Public Service Announcement

စစ်​ကောင်စီတပ်​သေဆုံးထိခိုက်မှုကို People’s Spring ကသီးခြားအတည်မပြုနိုင်ပါ။

အဆိုပါစစ်ဆင်ရေးကို မုံရွာခရိုင်ပြည်သူကာကွယ်ရေးတပ်မတော် (Chindwin Attack Force) တပ်ရင်း – ၂ တပ်ခွဲ – ၄ Fight For People – F.F.P PDF ၊ တပ်ရင်း – ၃ တပ်ခွဲ – ၃ ဂဋ္ဌုန်နက် PDF ၊ တပ်ရင်း – ၃ တပ်ခွဲ – ၄ ၊ တပ်ရင်း – ၄ တပ်ခွဲ – ၂ ခွေးသတ်မုဆိုး PDF ၊ ကျားသစ်နက် (LPDF) ၊ ယက္ခညီနောင် (LPDF) နှင့် 9 – One People’s Defence Force PDF အဖွဲ့များ ပူးပေါင်းတိုက်ခိုက်ခဲ့ကြောင်း အသိပေးထားသည်။

မတ်လ ၁၃ ရက်နေ့ကလည်း မုံရွာမြို့၊ GTC ကျောင်းဝင်ပေါက်ရှိ ကင်းစောင့် စစ်ကောင်စီတပ်ဖွဲ့ဝင်များကို ပစ်ခတ်တိုက်ခိုက်ရာ ၅ ဦးသေဆုံးခဲ့သည်ဟု ဒေသတွင်းPDFများက ထုတ်ပြန်ထားသည်။