အကြမ်းဖက်စစ်ကောင်စီက ရန်ကုန်မြို့တော်ဝန်သင်္ကြန်မဏ္ဍပ်ကို စတင်ဆောက်လုပ်နေပြီဖြစ်သည်။
မြို့တော်ဝန်မဏ္ဍပ်ကို ယခင်ဆောက်နေကျ နေရာမှာပင် ဆောက်နေခြင်းဖြစ်ပြီး မြို့နယ်အသီးသီးတွင်လည်း သင်္ကြန်မဏ္ဍပ်များဆောက်မည်ဟု စစ်ကောင်စီကကြေညာထားသည်။
ယခုနှစ်အတွင်း အထိမ်းအမှတ်နေ့များတွင် ပျော်ပွဲရွှင်ပွဲများပြုလုပ်လေ့ရှိသည့် ပြည်သူ့ရင်ပြင်ထဲတွင်လည်း ဖျော်ဖြေရေးမဏ္ဍပ်နှင့် ရေကစားမဏ္ဍပ်များစတင်ဆောက်လုပ်နေသည်ကိုတွေ့ရသည်။
မန္တလေးမှာလည်း ကျုံးဘေးပတ်လည်နှင့် လမ်းမကြီးများပေါ် ရေကစားမဏ္ဍပ်များကို အခွန်မကောက်ဘဲ ဆောက်လုပ်ခွင့်ပြုမည်ဟုစစ်ကောင်စီ က စည်းရုံးလျက်ရှိသည်။
Public Service Announcement
ကျုံးပတ်လည်နှင့် မြို့ပေါ် မြို့နယ် ၆ ခုတွင် ရေကစားမဏ္ဍပ်များကိုအခွန်ပေးစရာမလိုဘဲ နေရာကို ဦးရာလူစနစ်နှင့် ခွင့်ပြုမည်ဟု မန္တလေးစည်ပင်က ကြေညာထားခြင်းဖြစ်သည်။
တစ်နိုင်ငံလုံးအတိုင်းအတာဖြင့် မီးရှို့၊ လူသတ်မှုများကျူးလွန်နေသည့် စစ်ကောင်စီက တိုင်းပြည်ပုံမှန်အခြေအနေသို့ ရောက်ရှိနေသည့် ပုံစံပြသနိုင်ရန် သင်္ကြန်အတွက် ပြင်ဆင်နေခြင်းဖြစ်သည်။
ယခင်နှစ်များကတော့ ရန်ကုန်၊ မန္တလေးအပါအဝင် စစ်ကောင်စီစစ်ရုံးချုပ် အခြေစိုက်ရာနေပြည်တော်မှာပါ အများစုဖြစ်သည့်ပြည်သူလူထု ဟာ ရေမကစားဘဲ တော်လှန်သင်္ကြန်အဖြစ် ပါဝင်ခဲ့ကြသည်။
