Connect with us

Hi, what are you looking for?

LuduNwayOo

သတင်း

သာကေတရဲစခန်းအနီးပစ်ခတ်မှု နယ်ထိန်းရဲအပါ အဝင် နှစ်ဦးသေ

သေဆုံးသည့် နယ်ထိန်းစောလေးဖောမှာ သာကေတမြို့နယ်တွင် ပြည်သူများအပေါ် အနိုင်ကျင့်ပြုမှု၍ နာမည်ဆိုးဖြင့်သတင်းထွက်နေသူဟု ဒေသခံများက ပြောသည်။

(ပစ်ခတ်မှုဖြစ်ပြီးနောက် စစ်ကောင်စီလက်ပါးစေများ ရောက်ရှိလာစဉ်။ ဓာတ်ပုံ - CJ)
(ပစ်ခတ်မှုဖြစ်ပြီးနောက် စစ်ကောင်စီလက်ပါးစေများ ရောက်ရှိလာစဉ်။ ဓာတ်ပုံ - CJ)

ရန်ကုန်မြို့၊ သာကေတမြို့နယ် ရဲစခန်းအနီး ပစ်ခတ်မှုတွင် နယ်ထိန်းရဲအပါအဝင် နှစ်ဦးသေဆုံးကြောင်း ဒေသခံသတင်းရင်းမြစ်များက ပြောသည်။

ယနေ့ (မတ်လ ၁၇ရက်) နေ့လည် ၁၂ နာရီခန့်က (ဏ)ရပ်ကွက်၊ ဧရာဝဏ်လမ်းရှိ မိတ္တူဆိုင်အတွင်း၌ ရဲနှစ်ဦးအား ပစ်မှတ်ထားတိုက်ခိုက်ခံရခြင်းဟု ဆိုသည်။

“ နယ်ထိန်းစောလေးဖောကတော့ နေရာတင်သေ တယ် ပြောတယ်။ထိတဲ့နှစ်ယောက်မှာ တစ်ယောက်က ရဲ။သူလည်း ဒဏ်ရာပြင်းတယ်။နောက်သေတဲ့ အရပ်ဝတ်ကတော့ ဘယ်သူမှန်သေးချာမသိရသေးဘူး” ဟု သာကေတ မြို့နေသူတစ်ဦးက ပြောသည်။

သေဆုံးသည့် နယ်ထိန်းစောလေးဖောမှာ သာကေတမြို့နယ်တွင် ပြည်သူများအပေါ် အနိုင်ကျင့်ပြုမှု၍ နာမည်ဆိုးဖြင့်သတင်းထွက်နေသူဟု ဒေသခံများက ပြောသည်။

Public Service Announcement
Public Service Announcement

သို့သော် အခြားဒေသခံတစ်ဦးကမှု ဒဏ်ရာရပြီး သေဆုံးသူမှာလည်း ရဲတစ်ဦးပင်ဖြစ်ကြောင်း လူထုနွေဦးသို့ ပြောဆိုသည်။ သို့သော် သီးခြားအတည်မပြုနိုင်သေးပေ။

လက်ရှိတွင် သာကေတမြို့နယ်အတွင်း လမ်းများ ပ်ိတ်ဆို့စစ်နေပြီး စစ်ကောင်စီက ကင်းလှည့်ယာဥ် အများအပြားအသုံးပြုနေကြောင်းလည်း သီး ခြားဒေသခံ တစ်ဦးက ဆိုသည်။

“ ဧရာဝဏ်လမ်းပေါ်မှာတင် DC သုံးစီးလောက် ဖြတ်နေတာ။သာကေတ အဝိုင်းနဲ့ ကမာကြည်တံတားဘက် တွေမှာလည်း စခ(စစ်ကောင်စီ)တွေ ပိတ်ပြီး စစ်နေတယ်လို့သိရတယ်” ဟု ၎င်းက ပြောသည်။

ယခု ပစ်ခတ်မှုဖြစ်စဥ်ကို မည်သည့်အဖွဲ့က လုပ် ဆောင်ခဲ့ကြောင်း မသိရသေးပေ။

You May Also Like

သတင်း

စစ်ကိုင်းတိုင်း၊တမူးမြို့နယ်တွင် ယမန်နေ့ (မတ်လ ၂၃ရက်)နှင့် ယနေ့(မတ်လ ၂၄ရက်) နှစ်ရက်ဆက် တိုက်ပွဲဖြစ်ခဲ့ပြီး အထိနာသွားသည့်စစ်ကောင်စီကနှစ်ရက်စလုံး လေကြောင်းအသုံးပြုတိုက်ခိုက်ခဲ့သည်။

သတင်း

ရန်ကုန်-သန်လျင် ဆက်သွယ်ထားသည့် တံတားနှစ်စင်းကို စစ်တပ်က ပိတ်ဆို့ထားခြင်းကြောင့် ခရီးသည်တင်ယာဥ်များနှင့် အခြားယာဥ်အများအပြား တံတားများအား ဖြတ်သန်း၍မရဘဲ ယာဥ်ကြောများ ပိတ်ဆို့လျှက်ရှိသည်။

သတင်း

နွားထိုးကြီးနှင့် မြင်းခြံမြို့တို့သ​ည် မန္တလေးတိုင်းအတွင်း၌ စစ်အာဏာရှင်ဆန့်ကျင်တော်လှန်မှုအားကောင်းရာ ဒေသများဖြစ်သည်။

သတင်း

ကိုသစ်ဆန်းဦးနှင့် CDM ကျောင်းဆရာမတစ်ဦးကို စစ်ကောင်စီတပ်က လွန်ခဲ့သော ငါးလခန့်တွင် ဖမ်းဆီးခဲ့ခြင်း ဖြစ်သည်။ကျန်းမာရေးမကောင်းဖြစ်နေသည်ကို ဆေးကုသခွင့်မပေးခဲ့ဘဲ တမူးရဲစခန်းအချုပ်၌ ချုပ်ထားရာမှ သေဆုံးသွားခြင်းဟု သိရသည်။