Connect with us

Hi, what are you looking for?

သတင်း

ရွှေဘိုနယ်တွင် မိုင်းရှင်းလာသည့် စစ်အုပ်စု မိုင်းထိ၍ ပျူ လေးဦးသေဆုံး၊ ပျူခေါင်းဆောင်လည်း ဒဏ်ရာရ

တည်သီးတော၊ ဇီးဖြူကုန်း၊ ညောင်ကိုင်း အစရှိသည့်ကျေးရွာများသည် ပျူအားကောင်းရာရွာများဖြစ်ပြီး စစ်ကောင်စီတပ်က လက်နက်တပ်ဆင်ပေးထားသည်။

(မဟာမိတ်ညီနောင်များက အဝေးထိန်းမိုင်းစနစ်ဖြင့် ဖောက်ခွဲတိုက်ခိုက်ရန် ပြင်ဆင်နေစဉ်)
(မဟာမိတ်ညီနောင်များက အဝေးထိန်းမိုင်းစနစ်ဖြင့် ဖောက်ခွဲတိုက်ခိုက်ရန် ပြင်ဆင်နေစဉ်)

စစ်ကိုင်းတိုင်း၊ ရွှေဘိုမြို့နယ်ရှိ ပျူစောထီးရွာဖြစ်သော တည်သီးတောနှင့် ဇီးဖြူကုန်းကျေးရွာ ကြားတွင် စစ်အုပ်စုအား မိုင်းဆွဲတိုက်ခိုက်ရာ ပျူ လေးဦးသေဆုံးပြီး ခေါင်းဆောင်ဖြစ်သူလည်း ထိခိုက်ဒဏ်ရာရရှိကြောင်း DOG KILLER Shwebo LPDF အဖွဲ့က ပြောသည်။

ဧပြီ ၅ ရက် နံနက် ၈နာရီခန့်က ရွှေဘိုမြိုနယ်၊ တည်သီးတောပျူကျေးရွာမှ စစ်ကောင်စီခန့်အုပ်ချုပ်ရေးမှူး ပျူခေါင်းဆောင် မောင်ဆန်းအဖွဲ့နှင့် ဇီးဖြူကုန်း‌ကျေးရွာရှိ စစ်ကောင်စီတပ်သည် ၎င်းတို့၏ ရွာနှစ်ရွာကြား မိုင်းရှင်းရန် ထွက်လာစဉ် လမ်းပိုင်းတစ်‌နေရာအရောက်တွင် ပဒေသာမိုင်းဖြင့် သုံးကြိမ် မိုင်းဆွဲတိုက်ခိုက်ခဲ့ကြောင်း DOG KILLER Shwebo LPDF အဖွဲ့က ပြောသည်။

ထိုသို့တိုက်ခိုက်မှုတွင် ပျူ လေးဦး သေဆုံးပြီး တစ်ဦးပျောက်ဆုံးနေကြောင်း၊ တည်သီးတော ပျူခေါင်းဆောင် မောင်ဆန်းနှင့် သက်ဇော်ဦးတို့ အပြင်းထန် ဒဏ်ရာရရှိကာ ဆေးရုံတင်ထားရကြောင်း DOG KILLER Shwebo LPDF အဖွဲ့က ဆိုသည်။

“တည်သီးတောနားက ရွာ ၅ ရွာလောက်က PDF တွေက ညောင်ကိုင်းနဲ့ တည်သီးတောက စကစ စခန်းတွေကို မကြာခဏ ဒရုန်းနဲ့လာလာချတယ်။ ဒီပဲယင်းနယ်ဘက်က PDF တွေနဲ့လည်း အချိတ်အဆက်ရှိတယ်။”ဟု ဒေသခံတစ်ဦးက ပြောသည်။

Public Service Announcement

Public Service Announcement

အဆိုပါ စစ်ဆင်ရေးကို DOG KILLER – SHWEBO(LPDF)၊ ​ဗိုလ်ကျားရိုင်း-ရွှေဘို (LPDF)၊ ဗိုလ်ဂျပန်ကြီး(😭.T)- SHWEBO (LPDF) ၊ တောင်သူကြီးများ- LDF၊ ဖား‌ရွှေ‌ကျော် – ဒီပဲယင်း ပြည်သူ့ကာကွယ်ရေးတပ်ဖွဲ့၊ မတစ်ထောင်( တစ်ကောင်ဘွား ) – ဒီပဲယင်းနှင့် ရွှေဘိုမြို့နယ် တိုက်နယ်-၂ မဟာမိတ်အင်အားစုများက တိုက်ခိုက်ခဲ့ကြောင်း အသိပေးထားသည်။

တည်သီးတော၊ ဇီးဖြူကုန်း၊ ညောင်ကိုင်း အစရှိသည့်ကျေးရွာများသည် ပျူအားကောင်းရာရွာများဖြစ်ပြီး စစ်ကောင်စီတပ်က လက်နက်တပ်ဆင်ပေးထားသည်။

ဆက်စပ်သတင်းများ

သတင်း

ရှေ့တန်းလွှတ်မယ့် စစ်ကောင်စီတပ်ဖွဲ့ဝင်တွေကို စစ်အုပ်စုရဲ့ တာဝန်ရှိသူတဦးက စစ်မြေပြင်မှာ သေနတ်နဲ့ ပစ်ခံရမှာကို ကြောက်စရာ မလိုဘဲ၊ ကျည်ဆန်မှာ အမည် ပါပြီးသားမို့ ကိုယ့်အမည် မပါရင် မသေဘူးလို့ ပြောကာ အန္တရာယ်ကင်း အဆောင်လက်ဖွဲ့တွေပေးရှေ့တန်းထွက်ခိုင်းပါတယ်။

သတင်း

အပြည်ပြည်ဆိုင်ရာတရားရုံး(ICJ)မှ ချမှတ်ရန်ရှိတဲ့ စီရင်ချက်နဲ့ စစ်အုပ်စု ကာလရှည်ကြာ အကျိုးခံစားနေတဲ့ ပြစ်ဒဏ်ကင်းလွတ်ခွင့်ကို အဆုံးသတ်နိုင်ဖို့ အားထားမျှော်မှန်းလျက်ရှိကြောင်း ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြားခဲ့ပါတယ်။

သတင်း

နိုင်ငံတကာပါလီမန်က CRPHကို ဆက်အသိအမှတ်ပြုတာ၊ ကုလမှာ စစ်အုပ်စုကိုယ်စားပြုခွင့်မရတာ၊ အာဆီယံ ထိပ်သီးအစည်းအဝေး တက်ခွင့်မရတာတွေနဲ့ စစ်အုပ်စုလိုချင်တဲ့ အသိအမှတ်ပြုမှု ရ၊မရ တိုင်းတာနိုင်ဟုဆို

သတင်း

၂၀၂၁ စစ်တပ်အာဏာသိမ်းပြီးကတည်းက အာဆီယံထိပ်သီးညီလာခံတက်ရောက်ခွင့် ပိတ်ပင်ခံထားရတဲ့ မြန်မာ့အရေးနဲ့ပတ်သက်လို့ လာမယ့်နိုဝင်ဘာမှာ အာဆီယံအဖွဲ့ဝင်နိုင်ငံတွေရဲ့ ဆွေးနွေးမှုတွေကို မျှော်လင့်ထားတယ်လို့ ထိုင်းနိုင်ငံခြားရေးဝန်ကြီး ဆီဟာဆက်က ရိုက်တာသတင်းဌာနကို ပြောပါတယ်။