စစ်​ကောင်စီက မင်းတပ်နှင့်​ယောနယ်စပ်တွင် ညသန်း​ခေါင်​အချိန် တိုက်​လေယာဥ် ၂ စင်းဖြင့်ဗုံးကျဲ

▪︎ချင်းနှင့်မ​ကွေးနယ်စပ်တွင် မနက်ပိုင်းကတည်းကတိုက်ပွဲဖြစ်ပွား​နေ

စစ်​ကောင်စီတပ်က မ​ကွေးတိုင်းနှင့် ချင်းပြည်နယ်အစပ်ကို ယ​နေ့ ညသန်း​ခေါင်း ဝန်းကျင်တွင် တိုက်​လေယာဥ်၂ စီးဖြင့်ဗုံးလာကျဲ​ကြောင်း ​ဒေသခံအချို့က ​ပြောသည်။

ချင်းပြည်နယ် မင်းတပ်နှင့် မ​ကွေးတိုင်း ​ယောနယ် စပ်ကို ယ​နေ့(ဧပြီ ၇ ) ည ၁၁ နာရီတွင် ဂျက်ဖိုက်တာဖြင့် ပထမအကြိမ် ဗုံးလာကျဲပြီး ၊နာရီဝက်​ကျော်အကြာ ၁၂ နာရီ ၅ မိနစ်တွင် ဒုတိအကြိမ် ဗုံးလာကျဲ​ကြောင်း​ဒေသခံတစ်ဦးက ​ပြောသည်။

အဆိုပါတိုက်​လေယာဥ် ၂ စင်းသည် ​နေပြည်​တော်​လေတပ်မှ သွား၍ဗုံကျဲကြခြင်းဖြစ်သည်။ တိုက်​လေယာဥ်တစ်စင်းမှာ ည၁၁ နာရီတွင်​နေပြည်​တော်​လေတပ်မှအ​နောက်ဘက်သို့ ထွက်ခွာသွားပြီး ကျန်တစ်စင်းသည် ၁၁ နာရီ ၆ မိနစ်တွင် အ​နောက်ဖက်သို့ ဦးတည်ပျံသန်းသွားသည်။ မင်းတပ်နှင့်​ယောနယ်စပ်တွင် ဗုံးကျဲပြီ​နောက် ပထမ ​လေယာဥ်သည် ည၁၂ နာရီ ၄ မိနစ်တွင် ​နေပြည်​တော်သို့ ပြန်လည်ဆင်းသက်​ကြောင်း ​စစ်တပ်​လေ​ကြောင်း​စောင့်ကြည့်​ရေးအဖွဲ့များထံမှသိရသည်။ သို့​သော် ဒုတိယဗုံးကျဲခဲ့​သော ​တိုက်လေယာဥ်မှာ ၁၂ နာရီ ၅၀ တွင် တံတားဦး​​လေတပ်သို့ ဆင်းသက်ခဲ့ခြင်းဖြစ်​ကြောင်း စစ်အုပ်စု​လေ​ကြောင်းပျံသန်းမှုများ​စောင့်ကြည့်​ဖော်ပြ​ပေး​နေ​သော Enemy Air RouteChannel (EAR )ကမှတ်တမ်းတင်ထားသည်။

​လေ​​ကြောင်းတိုက်ခိုက်မှု​ကြောင့်ထိခိုက်ပျက်စီးမှု ရှိ ၊မရှိကိုမူ မသိရ​သေး​ပေ။

Public Service Announcement

ယ​နေ့တွင်ချင်းပြည်နယ်နှင့် မကွေးတိုင်းနယ်စပ်တစ်နေရာ၌ တိုက်ပွဲပြင်းထန်နေကြောင်း မင်းတပ် ချင်းကာကွယ်ရေးတပ်(CDF)နှင့် ​ဒေသခံများက​ပြောသည်။

မင်းတပ် CDF၊ ယောဒေသ ကာကွယ်ရေးပူးပေါင်း မဟာမိတ်တပ်ဖွဲ့ နှင့် စစ်ကောင်စီတို့ ယနေ့ ဧပြီ ၇ရက် နံနက်မှစ၍ တိုက်ပွဲဖြစ်ပွားနေခြင်းဖြစ်​ကြောင်းCDF မင်းတပ်ကလည်းထုတ်ပြန်ထားသည်။

ဆောမြိုနယ်နှင့် ထီလင်းနယ်ဘက်က တက်လာ​သော အင်အား ၈၀ ​ကျော်ပါစစ်​ကောင်စီတပ်စစ်​ကြောင်းသည် မင်းတပ်မြို့နယ်အတွင်း တစ်မိုင်ခန့်​ရောက်လာချိန်တွင်တိုက်ပွဲဖြစ်ပွား​ကြောင်း CDF-မင်းတပ်မှတာဝန်ရှိသူတစ်ဦးက ပြောသည်။

ထို့​ကြောင့်စစ်တပ်က ညသန်း​ခေါင်​လေ​ကြောင်းမှ သွား​ရောက်ဗုံးကျဲခြင်းမှာအဆိုပါတိုက်ပွဲ နှင့်ဆက်စပ်နိုင်ပြီးစစ်တပ်က​မြေပြင် တိုက်ပွဲတွင်အထိနာပါက ​လေ​ကြောင်းကို အသုံးပြု တိုက်ခိုက်​လေ့ရှိ​ကြောင်း​ဒေသကာကွယ်​ရေးတပ်ဖွဲ့ဝင်တစ်ဦးက​ပြောသည်။

မကြာသေးမီ ရက်ပိုင်းများကလည်း ချင်း-မကွေးနယ်စပ် ယောဒေသဖြစ်သည့် ဆောမြို့နယ် အတွင်း တိုက်ပွဲများ ဖြစ်ခဲ့ရာ စစ်ကောင်စီတပ်ကို CDF၊PDF အပါအဝင် မဟာမိတ် ပူးပေါင်းတပ်က တိုက်ခိုက်ခဲ့ရာ စစ်ကောင်စီတပ်​သေဆုံးထိခိုက်မှုများခဲ့ကြောင်း ဆော PDF တာဝန်ရှိသူတစ်ဦးက ပြောကြားထားသည်။