Connect with us

Hi, what are you looking for?

LuduNwayOo

သတင်း

ရေစကြိုမြို့ စစ်မှုထမ်းဟောင်းရုံးတပ်စွဲထားသော စစ်ကောင်စီတပ်အား တိုက်ခိုက်

ပြီးခဲ့သည့် ဧပြီ ၅ ရက်ကလည်း ရေစကြိုမြို့တွင် တပ်အတွင်းမှထွက်လာသော စစ်ကောင်စီတပ်အား သင်္ချိုင်းအနီးတွင် မိုင်းဆွဲတိုက်ခိုက်ရာ စစ်သား ငါးဦးသေဆုံးကြောင်း ရေစကြို(ပကဖ)က ထုတ်ပြန်ထားသည်။

(စစ်တပ်အာဏာသိမ်းပြီးနောက် လုံခြုံရေးနေသော စစ်ကောင်စီတပ်သားများအား တွေ့ရစဥ်။ ဓာတ်ပုံ - CJ)
(စစ်တပ်အာဏာသိမ်းပြီးနောက် လုံခြုံရေးနေသော စစ်ကောင်စီတပ်သားများအား တွေ့ရစဥ်။ ဓာတ်ပုံ - CJ)

မကွေးတိုင်း၊ ရေစကြိုမြို့ပေါ်ရှိ စစ်မှုထမ်းဟောင်းရုံးတွင် တပ်စွဲထားသော စစ်ကောင်စီတပ်အား သွားရောက်ပစ်ခတ်တိုက်ခိုက်ရာ စစ်သား နှစ်ဦး ပြင်းထန်ဒဏ်ရာရရှိသွားကြောင်း Myingyan Black Tiger (MBT)၏ သတင်းနှင့် ပြန်ကြားရေးတာဝန်ခံက ပြောသည်။

ဧပြီ ၆ ရက် ည ၇ နာရီခန့်က ရေစကြိုမြို့၊ အမှတ်(၄)၊ဖောင်တော်ဦးရပ်ကွက်ရှိ ငြိမ်းဇာနည်စစ်မှုထမ်းဟောင်းရုံး၌ တပ်စွဲထားသော စစ်ကောင်စီတပ်အား သွားရောက်ပစ်ခတ်တိုက်ခိုက်ခဲ့ရာ စစ်သား နှစ်ဦး ပြင်းထန်ဒဏ်ရာရရှိခဲ့ပြီး ရေစကြိုဆေးရုံတွင် အရေးပေါ် ဆေးကုသမှုခံယူနေရကြောင်း Myingyan Black Tiger (MBT)အဖွဲ့ သတင်းနှင့်ပြန်ကြားရေးတာဝန်ခံက ပြောသည်။

“စစ်မှုထမ်းဟောင်းရုံးမှာတပ်စွဲထားတာပါ။ ပုံမှန်ဆို ခုနစ်ယောက်ပဲရှိတာ။ အရင်က အဲစခန်းကိုစခန်းသိမ်းတိုက်ပွဲတိုက်တော့ ထပ်တိုးလိုက်တာ ၁၂ယောက်ပေါ့။ အခုသွားတိုက်တော့ ၅၂ ယောက်ဖြစ်သွားတယ်။ ဂန်းနဲ့ပဲဝင်ပြီးပစ်ခဲ့တာ။ သူတို့ကင်းနားကို ဆိုင်ကယ်ရပ်ပြီး ဝင်ပစ်ခဲ့တာ။”ဟု အထက်ပါတာဝန်ခံက ပြောသည်။

စစ်ကောင်စီတပ်သည် ရေစကြိုမြို့ပေါ် ရုံးပေါင်းစုံအနီးရှိ ရပ်ကွက်များဖြစ်သည့် အမှတ် (၂)စည်ပင်သာယာရပ်နှင့် အမှတ် (၁)၊ နဂါးရုံရပ်ကွက်တို့ရှိ နေအိမ်အချို့ကို အင်အား (၃၀) ဝန်းကျင်ဖြင့် နှစ်ရက်ဆက်တိုက် ဝင်ရောက်စစ်ဆေးမှုများ ပြုလုပ်ခဲ့ကြောင်း ဒေသခံများက ပြောသည်။

Public Service Announcement

Public Service Announcement

ပြီးခဲ့သည့် ဧပြီ ၅ ရက်ကလည်း ရေစကြိုမြို့တွင် တပ်အတွင်းမှထွက်လာသော စစ်ကောင်စီတပ်အား သင်္ချိုင်းအနီးတွင် မိုင်းဆွဲတိုက်ခိုက်ရာ စစ်သား ငါးဦးသေဆုံးကြောင်း ရေစကြို(ပကဖ)က ထုတ်ပြန်ထားသည်။

ဆက်စပ်သတင်းများ

သတင်း

TNLA နှင့် မဟာမိတ် ကိုးကန့်တပ်ဖွဲ့(MNDAA) တို့သည် ဇူလိုင် ၁၄ရက်ည ၁၂နာရီမှ ဇူလိုင် ၁၈ရက် ည ၁၂နာရီအထိ ၄ရက်တာ တစ်ဖက်သတ်အပစ်ရပ်ထားခြင်းဖြစ်သည်။

သတင်း

တရုတ်နိုင်ငံ၏ စိုးရိမ်ချက်အရ ဇူလိုင် ၁၄ရက်ည ၁၂နာရီမှ ၁၈ရက် ည ၁၂နာရီအထိ အပစ်ရပ်ထားမည်ဟု ကိုးကန့်တပ် MNDAA က ယမန်နေ့က ထုတ်ပြန်သည်။

သတင်း

တပ်မဟာ(၄)နယ်မြေ ဘိတ်-ထားဝယ်ခရိုင်တွင် အခြားသော KTLA တပ်ဖွဲ့များရှိသော်လည်း ဗိုလ်ကော်လာဖိုး တပ်ဖွဲ့နှင့်သာ ပြဿနာဖြစ် နေသည်ဟု ပဒိုစောအယ်နားက ပြောသည်။

သတင်း

တိုက်ပွဲအတွင်း ချေမှုန်းရေးစစ်ကြောင်းမှ ရဲဘော်များသည် ဘန်ကာ သုံးခုအား ဝိုင်းထားနိုင်ခဲ့သော်လည်း စခန်းအနီးနားရှိ ဆင်အင်းစခန်းမှ တပ်ကူရောက်လာ၍ ပြန်လည်ဆုတ်ခွာခဲ့ကြောင်း 96 Soldiers - PDF(အညာဒေသ)က ဆိုသည်။