မြန်မာ့အရေး အကူအညီပေးမယ့်အချက်တွေ ထည့်သွင်းရေးဆွဲထားတဲ့ အမေရိကန်အမျိုးသား ကာကွယ်ရေးအက်ဥပဒေ(NDAA) ကို အမြန်ဆုံး ထိထိရောက်ရောက်အကောင်အထည်ဖော်ပေးဖို့ မြန်မာ့အရေးလှုပ်ရှားသူတွေဟာ ဧပြီလ ၁၂ ရက်က အမေရိကန်နိုင်ငံခြားရေးဝန်ကြီးဌာနဆီကို အိတ်ဖွင့်ပေးစာ ပေးပို့လိုက်ပါတယ်။
ဧပြီလ ၁၂ ရက် ညနေ ၃ နာရီခွဲက အမေရိကန် နိုင်ငံခြားရေးဝန်ကြီးဌာန ဆီကို အိတ်ဖွင့်ပေးစာ သွားရောက်ပေးရာ မြန်မာ့ရေးရာဌာနက ယူဆောင်သွားတယ်လို့ သိရပါတယ်။
စစ်ကိုင်းတိုင်း ၊ ကန့်ဘလူနယ် ၊ပဇီကြီးရွာ မှာ စစ်ကောင်စီရဲ့လေကြောင်းတိုက်ခိုက်မှုကြောင့် ကလေးသူငယ်တွေအပါအဝင် ၁၀၀ ကျော်သေဆုံးခဲ့ရပြီးနောက် မြန်မာ့အရေးလှုပ်ရှားသူတွေက အိတ်ဖွင့်ပေးစာ ကိုအမေရိကန်အစိုးရထံ သွားရောက်ပေးတာပါ။
အဲဒီအိတ်ဖွင့်ပေးစာထဲမှာ အမေရိကန်အစိုးရအနေနဲ့ မြန်မာ့အရေးကို ထိထိရောက်ရောက် အကူအညီပေးဖို့ တိုက်တွန်းပါတယ်။
Public Service Announcement
မြန်မာပြည်သူလူထု ထိခိုက်သေကြေမှု တွေကို ကာကွယ်နိုင်ဖို့ အတွက် လေကြောင်းရန်ကြိုတင်အသိပေးတဲ့ စနစ်တွေ ၊ ထိရောက်တဲ့ဆက်သွယ်ရေးစနစ် ၊ဆေးဝါးသယ်ယူပို့ဆောင်ရေး ဒရုန်းတွေ ကို ကူညီပေးဖို့ အိတ်ဖွင့်ပေးစာထဲမှာ အဖွဲ့အစည်း ၅၀ ကျော်က အမေရိကန်အစိုးရ ကို တောင်းဆိုပါတယ်။
ဒါအပြင် စစ်တပ်အဓိက ဝင်ငွေရနေတဲ့ မြန်မာ့ရေနံနဲ့ဓာတ်ငွေ့လုပ်ငန်းကို စီးပွားရေး ပြစ်ဒဏ်ခတ်ဖို့ ၊ မြန်မာစစ်တပ်ထံ နိုင်ငံတကာက လက်နက်ရောင်းချတာကို တားမြစ်ဖို့ ပါ ထပ်လောင်းတောင်းဆိုတာတွေ့ရပါတယ်။
ပဇီကြီးရွာ ဖြစ်စဉ်ပြီးနောက် အမေရိကန်အစိုးရက ထုတ်ပြန်တဲ့ကြေညာချက်မှာ ကျုးလွန်သူတွေကို တာဝန်ယူမှု တာဝန်ခံမှုရှိစေဖို့ ဆောင်ရွက်သွားမယ့်အကြောင်း ပြောဆိုထားပါတယ်။
