တနင်္သာရီမြို့နယ်၊ (၅၆၁)တပ်ရင်းမှ တပ်သားတစ်ဦးသည် လက်နက်ခဲယမ်းများနှင့်အတူ ပြည်သူ့ရင်ခွင်ခိုလှုံလာကြောင်း တနင်္သာရီစစ်ဒေသခွဲကွပ်ကဲရေးအဖွဲ့က ယနေ့သတင်းထုတ်ပြန်သည်။
တနင်္သာရီတိုင်း၊ တနင်္သာရီမြို့နယ်၊ ညောင်ပင်ကွင်းရွာအနီးရှိ အမှတ် (၅၆၁) တပ်ရင်းမှဖြစ်ပြီး ဧပြီ ၁၄ ရက်တွင် တနင်္သာရီမြို့နယ်၊ ပြည်သူ့ကာကွယ်ရေးအဖွဲ့ထံ လက်နက်ချအလင်းဝင်လာခြင်းဖြစ်ကြောင်းဖော်ပြထားသည်။
၎င်းနှင့်အတူ MA-3 မောင်းပြန်တစ်လက်၊ ကျည် ၂၀၀ ၊ လက်ပစ်ဗုံးတစ်လုံးနှင့် စစ်အသုံးဆောင်ပစ္စည်းများပါဝင်သည်ဟုသိရသည်။
လက်နက်နှင့်အတူ CDMဝင်ရောက်လာခြင်းကြောင့်တနင်္သာရီစစ်ဒေသခွဲ ကွပ်ကဲရေးအဖွဲ့က ၎င်းကို ဂုဏ်ပြုချီးမြှင့်ငွေ ကျပ်သိန်း ၃၀ ပေးအပ်သွားမည်ဟု ထုတ်ပြန်ချက်တွင်ဖော်ပြထားသည်။
၎င်းကို လွတ်မြောက်ရာဒေသတစ်ခုသို့ ပို့ဆောင်ထားပြီးဖြစ်ပြည်သူ့ရင်ခွင်ခိုလှုံလာမည့်CDMတပ်သားများကို နွေးထွေးစွာကြိုဆိုစောင့်ရှောင့်ပေးသွားမည်ဟုလည်း တနင်္သာရီစစ်ဒေသခွဲကွပ်ကဲရေးအဖွဲ့ကအသိပေးထားသည်။
အာဏာသိမ်းစစ်အုပ်စုတွင် တာဝန်မထမ်းဆောင်လိုတော့သဖြင့် ပြည်သူ့ရင်ခွင်ခိုလှုံ့လာသော စစ်သားနှင့် ရဲ မှာယခုနှစ်ဆန်းပိုင်းအထိ့ ၁၃၀၀၀ ကျော်ရှိပြီဖြစ်ကြောင်း NUGကထုတ်ပြန်ထားသည်။