Non-CDM သူနာပြုဆရာမတစ်ဦးပါ ဖမ်းဆီးခံထားရ
Non-CDM သူနာပြုဆရာမတစ်ဦးပါ ဖမ်းဆီးခံထားရမန္တလေးတိုင်း၊ တောင်သာမြို့နယ်ရှိ ရုံးစည်ကြီးကျေးရွာတွင် စစ်ကောင်စီတပ်က ပြည်သူများအား ဖမ်းဆီးစစ်ဆေးနေပြီး Non-CDM သူနာပြုဆရာမတစ်ဦးပါ ဖမ်းဆီးခံထားရကြောင်း ဒေသတွင်းသတင်းရင်းမြစ်များက ပြောသည်။
တောင်သာမြို့နယ်၊ ရုံးစည်ကြီး အ.ထ.က ကျောင်းအတွင်း တပ်စွဲထားသော စစ်ကောင်စီတပ်သည် ဧပြီ ၂၀ ရက်နှင့် ၂၁ ရက်များက ဒေသခံပြည်သူ လေးဦးကို ဖမ်းဆီးပြီး ဖမ်းဆီးစစ်ဆေးနေကြောင်း နယ်ခံများက ပြောသည်။
ထို့အပြင် ယမန်နေ့ (ဧပြီ ၂၅ ရက်)ကလည်း Non-CDM သူနာပြုဆရာမတစ်ဦးနှင့် လူငယ်တစ်ဦး ထပ်မံ ဖမ်းဆီးခံရကြောင်း လူထုလှုပ်ရှားမှုကော်မတီ-တောင်သာက အသိပေးထားသည်။
“ဖမ်းခံရတဲ့သူတွေကကြောက်ပြီး ထွက်ဆိုတော့ တခြားအပြစ်မဲ့တဲ့သူတွေကိုပါ လိုက်ဖမ်းနေတာ။”ဟု ဒေသခံတစ်ဦးက ပြောသည်။
Public Service Announcement
ရုံးစည်ကြီးရွာရှေ့ရှိ မလှိုင် – တောင်သာလမ်းပေါ်တွင်လည်း စစ်ကောင်စီတပ်က ခရီးသွားများအား စစ်ဆေးခြင်း၊ ကင်းပုန်းချထားခြင်းများ ပြုလုပ်နေကြောင်း သိရသည်။
ရုံးစည်ကြီးကျေးရွာရှိ နယ်မြေရဲစခန်းအား မတ်လ၂၇ ရက်တွင် ဒေသကာကွယ်ရေးအဖွဲ့များက ဒရုန်းဖြင့်ဗုံးချတိုက်ခိုက်ရာ ပျက်စီးမှုများရှိခဲ့သည်။
