ရန်ကုန်တိုင်း ၊ ခရမ်းမြို့နယ်က PDF တပ်ဖွဲ့ဝင် ၇ ဦးကို ဧပြီလတတိယပတ်အတွင်း ဖမ်းမိလိုက်တယ်လို့ စစ်ကောင်စီက ဓာတ်ပုံတွေနဲ့ သတင်းထုတ်ပြန်လာပါတယ်။
သင်္ကြန်အကျနေ့ ဧပြီလ ၁၄ ရက်က ခရမ်းမြို့နယ် လဝက ရုံးရှေ့ ဘန်ကာ တိုက်ခိုက်ခံရပြီး ၉ ရက်အတွင်း ခရမ်း PDF တွေ ဖမ်းခံလိုက်ရတာလည်းဖြစ်ပါတယ်။
ဧပြီလ ၁၉ရက်နေ့လယ်ပိုင်းမှာ သန်လျင်မြို့နယ်၊ပေါက်တောရွာအနီ ၁ ဦးကိုစတင်ဖမ်းမိခဲ့ပြီး ကျန်တဲ့ ၆ ဦးကို မရမ်းကုန်းမြို့နယ် ၊မုဒိတာ အိမ်ရာ မှာ ၃ ဦး ၊ဒေါပုံမြို့နယ်က တိုက်ခန်း မှာ ၃ ဦးဆက်တိုက်ဖမ်းမိတာလို့ စစ်ကောင်စီက ဆိုထားပါတယ်။
ခရမ်း PDF ဘက်ကလည်း ဧပြီလ ၂၂ ရက်မှာ တပ်ဖွဲ့ဝင် ၆ ဦး ဖမ်းခံလိုက်ရတယ်လို့ အရေးပေါ်ကြေညာချက်ထုတ်ပြန်ထားပါတယ်။
စစ်ကောင်စီရဲ့ထုတ်ပြန်ထားတဲ့ဓာတ်ပုံမှာ ချေမှုန်းရေး ရိုင်ဖယ် ၅ လက်ထက်မနည်း သိမ်းဆည်းခံရတာလည်းတွေ့ရပါတယ်။
ခရမ်းမြို့နယ်အတွင်း စစ်ရေးလှုပ်ရှားမှုအပြီး ရန်ကုန်မှာ ခိုလှုံစဉ် စစ်ကောင်စီတပ်ရဲ့ ဝိုင်းဝန်းဖမ်းဆီးတာကို တပ်ဖွဲ့ဝင်တွေ ခံလိုက်ရတာလို့ခရမ်း PDF တာဝန်ရှိသူက မီဒီယာကိုဖြေထားပါတယ်။
ခရမ်းမြို့နယ်ဟာ ရန်ကုန်မြို့ကနေ မိုင် ၄၀ ကျော်သာကွာဝေးပေမယ့် မြို့နယ်ထဲက စစ်ကောင်စီလုံခြုံရေးဂိတ်တွေ၊ အုပ်ချုပ်ရေး ဌာနဆိုင်ရာရုံးတွေမကြာခဏ တိုက်ခိုက်ခံနေရတာပါ။