စစ်ကောင်စီတပ်ဖွဲ့ဝင်နှစ်ဦး ဒဏ်ရာပြင်းထန်ဟုဆို
ရန်ကုန်မြို့ မင်္ဂလာဒုံမြို့နယ်ရှိ စစ်ကောင်စီ၏ လေတပ်အရာရှိရိပ်သာကို အဝေးထိန်းဗုံးများဖြင့် ဖောက်ခွဲတိုက်ခိုက်ခဲ့ရာ နှစ်ဦးဒဏ်ရာရရှိကြောင်း KMD 18 အင်အားစုက အသိပေးထားသည်။
မေလ ၂ရက် ည ၇ နာရီကျော်တွင် ပြည်လမ်းနှင့် လေတပ်ဂေါက်ကွင်းလမ်းဆုံအနီးရှိ လေတပ်အရာရှိရိပ်သာကို အဝေးထိန်းဗုံးများဖြင့် တိုက်ခိုက်ခဲ့ရာ အထိအခိုက်အများအပြားရှိပြီး စစ်ကောင်စီ တပ်ဖွဲ့ဝင်နှစ်ဦး အပြင်းအထန်ဒဏ်ရာရကြောင်း အထက်ပါအင်အားစုက ထုတ်ပြန်ထားသည်။
“ ယခုစစ်ဆင်ရေးအား KMD18- အမဲလိုက်သမား (Hunter Unit) မှ “ နွေဦးအောင်လံ” စစ်ဆင်ရေးအနေဖြင့် တစ်နိုင်ငံလုံးအား အကြမ်းဖက်စစ်တပ်မှ လေကြောင်းအားကိုးဖြင့် မတရား ထိုးစစ်ဆင်နေမှုကို ကျွနုပ်တို့မှ လက်တုံ့ပြန်သည့်အနေဖြင့် တိုက်ခိုက် သွားခြင်းဖြစ်သည် “ ဟု ဆိုသည်။
ယင်းစစ်ဆင်ရေးတွင် ပါဝင်လုပ်ဆောင်ခဲ့သူများ ဘေးကင်းပြီဖြစ်ကြောင်း ယင်းထုတ်ပြန်ချက်၌ ဖော်ပြထားသည်။
Public Service Announcement
KMD 18 အင်အားစုအနေဖြင့် မဟာမိတ်ညီနောင်များနှင့်အတူ ရန်ကုန်မြို့၌ စစ်ကောင်စီ အုပ်ချုပ်၍ မရစေရန်နှင့် အဆုံးသတ်တိုက်ပွဲအထိ လုပ်ဆောင်မည်ဟု ကတိပြုထားသည်။
