Connect with us

Hi, what are you looking for?

LuduNwayOo

သတင်း

ရှမ်း – ကရင်နီဒေသအစပ်တွင် တိုက်ပွဲပြင်းထန်ပြီး နှစ်ဖက်ထိခိုက်မှုရှိ

နှစ်လကျော်ကြာမြင့်နေသော ဖယ်ခုံ-မိုးဗြဲ တိုက်ပွဲ တွင် စစ်ရှောင် ၄,၀၀၀ ထက်မနည်းရှိနေပြီး စစ်ကောင်စီက ရိက္ခာဖြတ်တောက်မှုကြောင့် ဒေသခံပြည်သူအများစု အခက်အခဲများစွာ ရင်ဆိုင်နေရသည်။

(KNDF မှ ရဲဘော်များအား ရှေ့တန်းတစ်နေရာ၌ တွေ့ရစဉ်။ ဓာတ်ပုံ - KNDF)
(KNDF မှ ရဲဘော်များအား ရှေ့တန်းတစ်နေရာ၌ တွေ့ရစဉ်။ ဓာတ်ပုံ - KNDF)

ရှမ်း – ကရင်နီ(ကယား)ဒေသအစပ်တွင် တိုက်ပွဲ ပြင်းထန်နေပြီး နှစ်ဖက်ထိခိုက်သေဆုံးမှုများရှိကြောင်း ဒေသခံသတင်းရင်းမြစ်များကပြောသည်။

ယနေ့(မေလ ၅ ရက်) နံနက် ၄ နာရီခန့်ကစ၍ ဖယ်ခုံ-ပင်လောင်း ဒေသကြားရှိ တောင်စလုံးကျေးရွာ တိုက်ပွဲမှာ စတင်ခဲ့ပြီး စစ်ကောင်စီက လေကြောင်းပစ်ကူပါ ရယူခဲ့သည်ဟု ဆိုသည်။

“စကစဘက်က ပြန်ပြီး ထိုးစစ်ဆင်လာလို့ တိုက်ပွဲ ပြန်ဖြစ်နေတာ။တနေ့ကတော့ ရဲဘော်နှစ် ယောက် လက်နက်ကြီး ထိပြီး ကျသွားတာရှိတယ်။အခုထိလည်း တိုက်ပွဲက ပြင်းထန်နေဆဲပဲ”ဟု KNDF တာဝန်ရှိသူက လူထုနွေဦး သို့ပြောသည်။

ယနေ့ နံနက်ပိုင်းတိုက်ပွဲများမှာ တောင်စလုံး၊ ကန်မိုက်၊ ဘန်းမိုက်ရွာအနီးများတွင် ဖြစ်ပွားနေသည်။

Public Service Announcement

Public Service Announcement

မေလ ၃ ရက်က တောင်စလုံးကျေးရွာ တိုက်ပွဲအတွင်း ရဲဘော်စန်းမျိုးကျော်နှင့် ရဲဘော်တင်အောင်မျိုးတို့ ကျဆုံးခဲ့ကြောင်း KNDF တပ်ရင်း (၁၁) က ထုတ်ပြန်ထားသည်။

Public Service Announcement
Public Service Announcement

ဖယ်ခုံ-ပင်လောင်း တိုက်ပွဲများတွင် အထိနာခဲ့သော စစ်ကောင်စီစစ်ကြောင်းသည် ဧပြီ ၂၅ ရက်က ပင် လောင်းမြို့နယ်တောင်မဲသင်းရွာသို့ ဆုတ်ခွာခဲ့ပြီး ယခုလ ၂ ရက်ကစ၍ ပြန်လည်ထိုးစစ်ဆင်ဝင်ရောက် လာခြင်းဖြစ်သည်။

ထို့အပြင် တိုက်ပွဲဖြစ်ပွားခြင်းမရှိသည့် မိုးဗြဲအနောက်ဘက်ခြမ်း ရီနွဲ့ကျေးရွာအုပ်စုတွင် စစ်ကောင်စီတပ်က တိုက်လေယာဥ်ဖြင့် ယနေ့ နံနက်ပိုင်းက နှစ်ကြိမ်တိုင် ဗုံးကျဲခဲ့သည်။

“လူထိခိုက်တာတော့ အသေးစိတ်မသိရပေမယ့် နေ အိမ်အချို့ မီးလောင်သွားတယ်”ဟု မိုးဗြဲ စစ်ရှောင် ကူညီရေးအဖွဲ့ဝင်တစ်ဦးက ပြောသည်။

နှစ်လကျော်ကြာမြင့်နေသော ဖယ်ခုံ-မိုးဗြဲ တိုက်ပွဲ တွင် စစ်ရှောင် ၄,၀၀၀ ထက်မနည်းရှိနေပြီး စစ်ကောင်စီက ရိက္ခာဖြတ်တောက်မှုကြောင့် ဒေသခံပြည်သူအများစု အခက်အခဲများစွာ ရင်ဆိုင်နေရသည်။

ဆက်စပ်သတင်းများ

သတင်း

အဆိုပါ သံချပ်ကာ မှာ ရုရှားလုပ် ကင်းထောက်သံချပ်ကာBRDM 2 အမျိုးအစားဖြစ်ပြီး ၂၀၂၁ မတ် ၂၇ စစ်ရေးပြပွဲတွင် စစ်​ကောင်စီက ပြသခဲ့ဖူးသည်။ စစ်​ကောင်စီက ရုရှားထံမှ BRDM2 သံချပ်ကာယာဥ် ၃၃ စီးဝယ်ယူထား​ကြောင်းသိရသည်။

သတင်း

ပေါင် ၃၀၀ ဗုံးနှစ်လုံးကြောင့် သေဆုံးသွားသည့် ပြည်သူ များအနက် အမျိုးသား နှစ်ဦးနှင့် မိန်က​လေးငယ် နှစ်ဦးအပါအဝင် အမျိုးသမီး ​လေးဦး ပါဝင်သည်။

သတင်း

စစ်ကောင်စီတပ်က လက်နက်ကြီးပစ်ကူသာမက မြဝတီမြို့ပေါ်ကို လေယာဉ်ဖြင့် ကင်းထောက်ပျံဝဲခြင်း၊ လေကြောင်းမှ ဗုံးချတိုက်ခိုက်ခြင်း၊ ရဟတ်ယာဉ်ဖြင့် ပစ်ခတ်တိုက်ခိုက်ခြင်းများ ပြုလုပ်နေသည်။

သတင်း

စစ်ကောင်စီတပ်ကမူ မြဝတီမြို့ပြင်ရှိ KNU၏ KNLA ဦးဆောင်သည့် ပူးပေါင်းတပ် သိမ်းပိုက်ထားသည့် ခလရ(၂၇၅)ကို ဧပြီ ၁၁ ရက်နောက်ပိုင်း လေကြောင်းမှ တိုက်လေယာဥ်ဖြင့် ပေါင် ၅၀၀ ဗုံးများချကာ အနည်းဆုံး နှစ်ကြိမ် တိုက်ခိုက်ခဲ့သည်။