Connect with us

Hi, what are you looking for?

LuduNwayOo

သတင်း

မြန်မာ့အရေးအတွက် နောက်ကွယ်မှာ သိုသိုသိပ်သိပ် ဆွေးနွေးမှုတွေ ရှိနေတယ်လို့ အင်ဒိုနီးရှား နိုင်ငံခြားရေးဝန်ကြီးပြော

အာဆီယံဟာ မြန်မာ့ နိုင်ငံရေး အကျပ်အတည်းတွေ ပြေလည်စေရေးအတွက် ဘုံသဘောတူညီမှု ၅ ရပ်ကို သတ်မှတ် ကြေညာထားပေမယ့် အာဏာသိမ်း စစ်တပ်က အဲဒီ အချက်တွေကို မျက်ကွယ်ပြုပြီး ပြည်သူလူထုအပေါ် ရက်ရက်စက်စက် အကြမ်းဖက်မှုတွေ ကျူးလွန်နေဆဲ ဖြစ်ပါတယ်။

(အင်ဒိုနီးရှားနိုင်ငံခြားရေး ဝန်ကြီးမာဆူဒီကို မတ်လကပြုလုပ်ခဲ့​သောသတင်းစာရှင်းလင်းပွဲတွင်​တွေ့ရစဥ်။ ဓါတ်ပုံ-Pool Photo)
(အင်ဒိုနီးရှားနိုင်ငံခြားရေး ဝန်ကြီးမာဆူဒီကို မတ်လကပြုလုပ်ခဲ့​သောသတင်းစာရှင်းလင်းပွဲတွင်​တွေ့ရစဥ်။ ဓါတ်ပုံ-Pool Photo)

မြန်မာ့နိုင်ငံရေး အကျပ်အတည်းကို ကူညီဖြေရှင်းဖို့အတွက် မြန်မာ့နိုင်ငံရေး နယ်ပယ်က အရေးပါတဲ့ အင်အားစု အသီးသီးနဲ့ နောက်ကွယ်မှာ သိုသိုသိပ်သိပ် ဆွေးနွေးနေခဲ့တာ လပေါင်းအတော်ကြာခဲ့ပြီး ဖြစ်တယ်လို့အင်ဒိုနီးရှားနိုင်ငံခြားရေး ဝန်ကြီးက ပြောပါတယ်။

ရတ်နို မာဆူဒီက လက်ရှိ ရှေ့မတိုးသာ နောက်မဆုတ်သာ ဖြစ်နေတဲ့ မြန်မာ့ နိုင်ငံရေး အကျပ်အတည်းကနေ အပြောင်းအလဲ တစ်ခုခု ထွက်ပေါ်လာအောင် အာဆီယံ ဥက္ကဋ္ဌ အနေနဲ့ အင်ဒိုနီးရှားက စူးစူးစိုက်စိုက် အားထုတ် ကြိုးစားနေတယ်လို့ ဆိုပါတယ်။ အင်ဒိုနီးရှားဟာ မြန်မာ့နိုင်ငံရေးမှာ အဓိက ဆက်နွှယ်ပတ်သက်တဲ့ အင်အားစု အားလုံးကို နောက်ကွယ်မှာ ချိတ်ဆက်ပြီး ညှိနှိုင်းတိုင်ပင်နေတယ်လို့လည်း မာဆူဒီက Reuters သတင်းဌာနနဲ့ အထူးသီးသန့် အင်တာဗျူးမှာ မှတ်ချက်ပေး ဖြေဆိုသွားပါတယ်။

အင်ဒိုနီးရှား ကိုယ်စားလှယ်တွေဟာ မြန်မာ့ နိုင်ငံရေး အစုအဖွဲ့က ဆက်နွှယ် အကျုံးဝင်သူ အားလုံးနဲ့ စေ့စပ်ညှိနှိုင်းမှုပေါင်း ၆၀ ကျော် လုပ်ဆောင်ပြီး ဖြစ်တယ်လို့ သူက ဆိုပါတယ်။

အဲဒီ ဆွေးနွေးမှုတွေထဲမှာ အာဏာသိမ်းစစ်တပ်၊ အင်အားကြီး တိုင်းရင်းသား လက်နက်ကိုင် တော်လှန်ရေး အဖွဲ့တွေ၊ အမျိုးသား ညီညွတ်ရေး အစိုးရ (NUG)တို့ အားလုံး စုံစုံလင်လင် ပါဝင်တယ်လို့လည်း မာဆူဒီက အတည်ပြုထားပါတယ်။

Public Service Announcement

Public Service Announcement

နောက်ပိုင်းမှာ သတင်းစာ ရှင်းလင်းပွဲ တစ်ခုမှာ မြန်မာ့အရေးနဲ့ ပတ်သက်လို့ သူက မှတ်ချက်ပေးတဲ့အခါ အခု ဆွေးနွေးမှုတွေမှာ ပါဝင်သူ အားလုံးနဲ့ ယုံကြည်မှု တည်ဆောက်နိုင်ရေးဟာ အရေးအကြီးဆုံး အစိတ်အပိုင်း ဖြစ်လာတယ်လို့လည်း ထည့်သွင်း ပြောဆိုသွားပါတယ်။

နောက်ကွယ်မှာ တိုးတိုးတိတ်တိတ် ညှိနှိုင်းမှုတွေ လုပ်ဆောင်နေတယ် ဆိုတာက အင်ဒိုနီးရှားဟာ ဘာမှမလုပ်ဘဲ တာဝန်မဲ့နေတယ်ဆိုတဲ့ အဓိပ္ပါယ် မဟုတ်ကြောင်း၊ အမှန်တကယ်မှာတော့ ဒီလို ဆွေးနွေးမှုတွေ လုပ်ဆောင်နေတာ ၄ လလောက် ရှိခဲ့ပြီဖြစ်ပြီး အတော်လေး ခရီးရောက်အောင် အင်ဒိုနီးရှားက စွမ်းဆောင်ထားနိုင်ကြောင်း မာဆူဒီက ဆိုပါတယ်။

အာဆီယံဟာ မြန်မာ့ နိုင်ငံရေး အကျပ်အတည်းတွေ ပြေလည်စေရေးအတွက် ဘုံသဘောတူညီမှု ၅ ရပ်ကို သတ်မှတ် ကြေညာထားပေမယ့် အာဏာသိမ်း စစ်တပ်က အဲဒီ အချက်တွေကို မျက်ကွယ်ပြုပြီး ပြည်သူလူထုအပေါ် ရက်ရက်စက်စက် အကြမ်းဖက်မှုတွေ ကျူးလွန်နေဆဲ ဖြစ်ပါတယ်။

ဆက်စပ်သတင်းများ

သတင်း

အထက်ပါအလွတ်သဘောတွေ့ဆုံမှုများကို ထိုင်းနိုင်ငံတဖက်ကမ်း အရေးပါသည့်နယ်စပ်ကုန်သွယ်ရေးမြို့ဖြစ်သော မြဝတီမြို့ကို တော်လှန်ရေးပူးပေါင်းတပ်များက တိုက်ခိုက်ထိန်းချုပ်ခဲ့ပြီးနောက် ပြုလုပ်ခဲ့ခြင်းဖြစ်သည်။

နိုင်ငံတကာ

အင်ဒိုနီးရှားဟာ ပစိဖိတ် မီးကွင်းလို့ ခေါ်ဆိုတဲ့ ရေအောက် မီးတောင် ရပ်ဝန်းနဲ့ ဆက်စပ်တည်ရှိနေပြီး ကမ္ဘာပေါ်မှာ အသက်ဝင်နေဆဲ မီးတောင် အများဆုံး ပိုင်ဆိုင်ထားတဲ့ နိုင်ငံတစ်ခုလည်း ဖြစ်ပါတယ်။

နိုင်ငံတကာ

တိုက်ပွဲတွေက ထိုင်းပိုင်နက်နဲ့ အရမ်း နီးနီးကပ်ကပ် ဖြစ်ပွားခဲ့ပြီး ဒီလို ကိစ္စမျိုးနဲ့ ပတ်သက်ရင် အာဆီယံကပါ ပါဝင်ကိုင်တွယ် အဖြေရှာပေးသင့်တယ်လို့ နစ်ခွန်ဒက်ဂျ်က ဆိုပါတယ်။

သတင်း

မြန်မာနိုင်ငံမှာ နိုင်ငံသားတွေ၊ အာဆီယံ အဖွဲ့ဝင်တွေ အပါအဝင် နိုင်ငံခြားသားတွေ အားလုံးရဲ့ လုံခြုံဘေးကင်းရေးကို အလေးထား ဆောင်ရွက်ပေးဖို့ကလည်း အထူးအရေးပါတဲ့ တောင်းဆိုမှု တစ်ခုလို့ ထုတ်ပြန်ချက်မှာ ဖော်ပြထားခဲ့ပါတယ်။