'/%3E%3C/svg%3E){kind=small}
မကွေးတိုင်း၊ ပေါက်မြို့နယ်တွင် မိုခါမုန်တိုင်းကြောင့် ပျက်စီးသွားသည့် စစ်ဘေးရှောင်ပြည်သူများ၏ နေအိမ်များအား ပြန်လည်ရှင်းလင်းတည်ဆောက်ရာတွင် ကူညီပေးခဲ့ကြောင်း ပြည်သူ့တော်လှန်ရေးတပ်ဦးအဖွဲ့က ပြောသည်။
မေလ ၁၄ ရက်က မိုခါမုန်တိုင်းကြောင့် ပေါက်မြို့နယ်ရှိ စစ်ဘေးရှောင်ယာယီတဲများ အများအပြားပြိုလဲပျက်စီးခဲ့ရာ ပြည်သူ့တော်လှန်ရေးတပ်ဦးအဖွဲ့ရဲဘော်များက ဝိုင်းဝန်းရှင်းလင်းပေးခဲ့ကြောင်း ပြည်သူ့တော်လှန်ရေးတပ်ဦးအဖွဲ့က ပြောသည်။
မိုခါမုန်တိုင်းကြောင့် ပေါက်မြို့နယ်တွင် စိုက်ပျိုးသီးနှံများအပါအဝင် စားနပ်ရိက္ခာနှင့် အသုံးအဆောင်ပစ္စည်းများ၊ ကျွဲနွားများ ထိခိုက်ပျက်စီးဆုံးရှုံးခဲ့ရကြောင်း ဒေသခံများက ပြောသည်။
“တစ်ခါမှ ဒီလောက်ရေကြီးတာ တစ်သက်နဲ့တစ်ကိုယ် မမြင်ဖူးဘူး။ တိရိစ္ဆာန်တွေလည်း ရေထဲမျောပါသွားတာတွေ အများကြီးပဲ။”ဟု ပေါက်နယ်ဒေသခံတစ်ဦးက ပြောသည်။
Public Service Announcement
ပေါက်မြို့နယ်တွင်လည်း စစ်ကောင်စီတပ်နှင့်ပျူစောထီးအဖွဲ့များက စစ်ကြောင်းထိုး မီးရှို့ဖျက် ဆီးမှုများပြုလုပ်နေ၍ ကျေးရွာအများအပြား မကြာခဏ ထွက်ပြေးတိမ်းရှောင်နေရသည်။
စစ်ဘေးသင့် စစ်ကိုင်းတိုင်းနှင့် မကွေးတိုင်းတွင် မိုခါမုန်တိုင်းကြောင့် နေအိမ်များ၊တိရိစ္ဆာန်များ၊ စားသောက်ကုန်နှင့်အိမ်သုံးပရိဘောဂများ ပျက်စီးဆုံးရှုံးမှုရှိခဲ့ပြီး စိုက်ပျိုးသီးနှံဧကပေါင်းများစွာ ရေနစ်မြုပ်ပျက်စီးခဲ့ရသည်။
