Connect with us

Hi, what are you looking for?

LuduNwayOo

သတင်း

မုန်တိုင်းဒဏ်သင့် ရခိုင်ပြည်သူတွေကို နိုင်ငံတကာ အကူအညီတွေ မပို့ဆောင်နိုင်အောင် စစ်ကောင်စီ တားဆီးနေ

ကုလသမဂ္ဂရဲ့ လူသာချင်းစာနာမှုဆိုင်ရာ ရုံးဖြစ်တဲ့ OCHAက ရခိုင်မှာရှိတဲ့ လူ့အဖွဲ့အစည်းတွေဆီ ကျယ်ကျယ်ပြန့်ပြန့် သွားရောက်နိုင်ရေးအတွက် အေဂျင်စီ အများအပြားက စစ်ကောင်စီရဲ့ ခွင့်ပြုချက်ကို စောင့်နေကြရဆဲလို့ အတည်ပြုခဲ့ပါတယ်။

မုန်တိုင်းဒဏ်သင့် ရခိုင်ပြည်သူတွေကို နိုင်ငံတကာ အကူအညီတွေ မပို့ဆောင်နိုင်အောင် စစ်ကောင်စီ တားဆီးနေ
မုန်တိုင်းဒဏ်သင့် ရခိုင်ပြည်သူတွေကို နိုင်ငံတကာ အကူအညီတွေ မပို့ဆောင်နိုင်အောင် စစ်ကောင်စီ တားဆီးနေ

ရခိုင်ပြည်နယ်ထဲမှာ ဆိုင်ကလုန်းမုန်တိုင်း မိုချာကြောင့် အကြီးအကျယ် ထိခိုက် ပျက်စီးသွားတဲ့ ဒေသတချို့ဆီ လူသားချင်း စာနာမှုဆိုင်ရာ အထောက်အပံ့တွေ ပေးပို့နိုင်ခွင့်တွေကို အာဏာသိမ်း စစ်ကောင်စီက ချုပ်ကိုင် ပိတ်ပင်ထားဆဲဖြစ်ပြီး လူသန်းပေါင်းများစွာရဲ့ အသက်တွေ၊ ဘဝတွေကို ပိုမိုဆိုးရွားတဲ့ ဘေးကျပ်နံကျပ် အခြေအနေတွေဆီ တွန်းပို့နေပါတယ်။

မေလ ၁၈ ရက်မှာ ကုလသမဂ္ဂ လက်အောက်ခံ အေဂျင်စီတချို့က သူတို့ဟာ မိုချာ ဆိုင်ကလုန်းမုန်တိုင်း တိုက်ခတ်သွားပြီး ၄ ရက် ကြာမြင့်လာတဲ့ထိ ရခိုင်က ဒေသတချို့ဆီ ထောက်ပံ့ရေး အကူအညီတွေ ပို့ဆောင်ဖို့အတွက် စစ်ကောင်စီနဲ့ အကျေအလည် ညှိနှိုင်းနေရဆဲလို့ ပြောပါတယ်။ မြန်မာနိုင်ငံ သမိုင်းမှာ ဖျက်ဆီးအား အပြင်းထန်ဆုံး စာရင်းဝင် ဆိုင်ကလုန်း တခုဖြစ်တဲ့ မိုချာဟာ ပြီးခဲ့တဲ့ သီတင်းပတ်ကုန်က ရခိုင်ပြည်နယ်ကို ကုန်းတွင်းဝင်ရောက် တိုက်ခတ်သွားခဲ့တာပါ။

ဆိုင်ကလုန်းကြောင့် သေဆုံးသူ ရာနဲ့ချီ များပြားလာပြီလို့ ယုံကြည်ရပြီး ရခိုင်မှာရှိတဲ့ မြို့ရွာအများအပြားဟာ နေရာထိုင်ခင်း၊ သောက်ရေ၊ ရိက္ခာ လိုအပ်ချက်တွေ ကြီးကြီးမားမား ရင်ဆိုင်နေရပါတယ်။ ဒီအခြေအနေမျိုးမှာ စစ်ကောင်စီက နိုင်ငံတကာ ထောက်ပံ့ရေး လမ်းကြောင်းတွေကို သူတို့ မလိုလားတဲ့ နယ်မြေတွေဆီ မရောက်နိုင်အောင် ချုပ်ကိုင် တားဆီးထားတာ ဖြစ်ပါတယ်။

မုန်တိုင်းဒဏ်သင့် ပြည်သူတွေ လောလောဆယ်မှာ သေရေးရှင်ရေးအဆင့် လိုအပ်နေမယ့် ထောက်ပံ့ရေး ပစ္စည်းတွေကို နှောင့်နှေးအောင် ကြံစည်နေတာဖြစ်ပြီး အရင်ကတည်းက ရခိုင်မှာ စစ်တပ်က အသွားအလာ ကန့်သတ်ခွင့် တားဆီး ပိတ်ပင်မှုတွေ သတ်မှတ်ထားခြင်းကလည်း ကယ်ဆယ်ရေး လုပ်ငန်းတွေကို ပိုမို ခက်ခဲနေစေပါတယ်။

Public Service Announcement

Public Service Announcement

Public Service Announcement
Public Service Announcement

စစ်တပ်ရဲ့ လုပ်ပေါက်တွေက သူတို့ရဲ့ လူသားချင်းစာနာမှု ဆိုင်ရာ လုပ်ငန်းစဉ်တွေအတွက် နှောင့်နှေးမှုတွေချည်း ဖြစ်နေစေတယ် ဆိုတာကို နိုင်ငံတကာ လူသားချင်း စာနာမှု အဖွဲ့အစည်းတွေ အားလုံးက တညီတည်း ထုတ်ပြောထားကြောင်း ကုလသမဂ္ဂရဲ့ မြန်မာ့ လူ့အခွင့်အရေးဆိုင်ရာ အထူးကိုယ်စားလှယ် တွမ်အင်ဒရူးစ်က ပြောကြားသွားပါတယ်။

ကုလသမဂ္ဂရဲ့ လူသာချင်းစာနာမှုဆိုင်ရာ ရုံးဖြစ်တဲ့ OCHAက ရခိုင်မှာရှိတဲ့ လူ့အဖွဲ့အစည်းတွေဆီ ကျယ်ကျယ်ပြန့်ပြန့် သွားရောက်နိုင်ရေးအတွက် အေဂျင်စီ အများအပြားက စစ်ကောင်စီရဲ့ ခွင့်ပြုချက်ကို စောင့်နေကြရဆဲလို့ အတည်ပြုခဲ့ပါတယ်။

ကုလသမဂ္ဂနဲ့ အန်ဂျီအို အဖွဲ့အစည်းတွေ အပါအဝင် လက်တွဲဖော် အားလုံးအတွက် အခုလို ဗျူရိုကရေစီ အနှောင်အဖွဲ့တွေရဲ့ဒဏ်ကို သက်ရောက် ခံစားကြရကြောင်း OCHAက ဆိုပါတယ်။

ရခိုင်ပြည်နယ် မြောက်ပိုင်းနဲ့ အနီးတဝိုက် နယ်မြေတွေမှာ မုန်တိုင်း ဖြတ်သန်းတိုက်ခတ်မှု ဒဏ်ကို လူဦးရေ ၅.၄ သန်းလောက် သက်ရောက် ခံစားခဲ့ရတယ်လို့ ယူဆရပြီး အဲဒီထဲက ၃ သန်းကျော်လောက်ဟာ အရေးပေါ် အကူအညီတွေ အပူတပြင်း လိုအပ်နေလိမ့်မယ်လို့ နိုင်ငံတကာ အဖွဲ့အစည်းတွေက ခန့်မှန်းထားပါတယ်။

ဆက်စပ်သတင်းများ

သတင်း

ပြည်တွင်း၌ ဆေးဝါးများ ရှားပါးလာပြီး ဈေးတက်​​နေချိန်တွင် စစ်ကောင်စီက ​ဈေးကျ​စေရန် ဆိုကာ ဆေးကုမ္ပဏီများကို အရောင်းပြပွဲလုပ်၍ တိုက်ရိုက်ရောင်းချခိုင်းနေကြောင်း ဆေးကုမ္ပဏီထံမှသိရသည်။

သတင်း

မကွေးတိုင်း၊ ချောက်မြို့နယ်၊ ဆူးတောရွာ၌ တပ်စွဲထားသော စစ်ကောင်စီတပ် တိုက်ခိုက်ခံရကြောင်း သတင်းရရှိသည်။

သတင်း

မန္တလေးတိုင်း၊ သပိတ်ကျင်းမြို့နယ်၊ အင်းနက်ကျေးရွာရှိ စစ်ကောင်စီစခန်းကုန်းနှင့် စစ်ဆေးရေးဂိတ်အား တိုက်ခိုက်သိမ်းပိုက်စဉ် စစ်ကောင်စီတပ်သား ရှစ်ဦးသေဆုံးပြီး ရှစ်ဦးဖမ်းမိကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ်(၁)စစ်ဒေသက သတင်းထုတ်ပြန်သည့်။

သတင်း

ချင်းအမျိုးသားတပ်မတော်(CNA) ပူးပေါင်းတပ်ဖွဲ့က စစ်ကောင်စီနှင့် ပူးပေါင်းပြီး ချင်းညီနောင်နှင့် မဟာမိတ်များကို ထိုးစစ်ဆင်ခဲ့ကြောင်း ချင်းညီနောင် အဖွဲ့ဝင်များက ဖမ်းမိ စစ်သုံ့ပန်း ဗိုလ်မှူးရဲမင်းထွန်း၏ ထွက်ဆိုချက်ကို ထုတ်ပြန်ခဲ့သည်။