ကလေးမြို့၌ အခွန်မဆောင်သည့်လုပ်ငန်းရှင်များကို အရေးယူတော့မည်ဟု မြို့နယ်(ပအဖ) သတိပေး

စစ်ကိုင်းတိုင်း၊ ကလေးမြို့နယ်အတွင်းရှိ အခွန်မဆောင်သည့်လုပ်ငန်းရှင်များကို အရေးယူတော့မည်ဖြစ်ကြောင်း ကလေးမြို့နယ်ပြည်သူ့အုပ်ချုပ်ရေးအဖွဲ့(ပအဖ)က ယနေ့ သတိပေးထုတ်ပြန်သည်။

အခွန်ရှောင်လုပ်ငန်းရှင်များ၏ ကုန်ပစ္စည်များကို ထိန်းချုပ်နယ်မြေနှင့် မဟာမိတ်နယ်မြေများ အတွင်း လုံးဝဖြန့်ဖြူးရောင်းချခွင့်ပြုမည်မဟုတ်နှင့် ပညာပေးကာလကို မေလ ၂၆ ရက်မှစ၍ ၁၀ ကြာသတ်မှတ်ပေးမည်ဖြစ်ကြောင်း ကလေး(ပအဖ)က ထုတ်ပြန်ထားသည်။

“မြိုပေါ်က အခွန်ရှောင်သူတွေကို အရေးယူတော့မယ်ဆိုတာက သတင်းစကားပါးတာဖြစ်သလို

အခွန်လုပ်ငန်းလည်ပတ်နိုင်ပြီ ဆိုတာကိုလည်းပြသတာဖြစ်ပါတယ်။”ဟု ကလေးမြို့နယ် ပြည်သူ့ရဲတပ်ဖွဲ့(တောင်ပိုင်း)တာဝန်ခံက People’s Springသို့ ပြောသည်။

Public Service Announcement

လက်ရှိတွင် အခွန်ဆောင်သည့်လုပ်ငန်းရှင်များ ရှိသလို ၊ မဆောင်သည့် လုပ်ငန်းရှင်များရှိနေ၍ အခွန်ရှောင်သူများကို အရေးယူမည်ဟု ထုတ်ပြန်ရခြင်းဖြစ်သည်ဟု ၎င်းက ဆက်ပြောသည်။

ကလေး(ပအဖ)အနေဖြင့် ပြည်သူလူထုကို ဝန်ဆောင်မှုပေးရန် နှင့် အမျိုးသားညီညွတ်ရေးအစိုးရ၏ မြို့နယ်အဆင့်အစိုးရယန္တယားလည်ပတ်နိုင်ရန် လုပ်ငန်းရှင်ကြီးများ၏ အခွန်စနစ်ဖြင့် လည်ပတ်ဆောင်ရန်လျက်ရှိသည်ဟု ဆိုသည်။

အခွန်ဆောင်ရမည့် ကုန်ပစ္စည်းများတွင် သပိတ်မှောက်ထားသည့် စစ်ကောင်စီထုတ်ကုန်များပါဝင်ခြင်းမရှိဟု ထပ်မံအသိပေးထားသည်။