Connect with us

Hi, what are you looking for?

LuduNwayOo

သတင်း

ဆားလင်းကြီးနယ် ညောင်ပင်ကြီးရွာ စစ်ကောင်စီတပ် မီးထပ်ရှို့၊ ‌ပြည်သူလေးဦး၏ ရုပ်အလောင်းတွေ့

စစ်ကိုင်းတိုင်းတွင် အာဏာသိမ်းစစ်ကောင်စီတပ်နှင့် ၎င်း၏ အပေါင်းအပါများ မီးရှို့ဖျက်ဆီးမှုကြောင့် ၂၀၂၁ မေ ၁ ရက်မှ ၂၀၂၃ မေ ၃၁ ရက်အထိ နေအိမ်ပေါင်း၅၃,၈၁၆ လုံး ပျက်စီးဆုံးရှုံးခဲ့ကြောင်း Data For Myanmar က ထုတ်ပြန်ထားသည်။

(ယနေ့နံနက်ပိုင်းက ညောင်ပင်ကြီးရွာကို စစ်အုပ်စုက မီးရှို့ဖျက်ဆီးနေစဥ်။ ဓာတ်ပုံ-အညာပစ်တိုင်းထောင်လေးများ)
(ယနေ့နံနက်ပိုင်းက ညောင်ပင်ကြီးရွာကို စစ်အုပ်စုက မီးရှို့ဖျက်ဆီးနေစဥ်။ ဓာတ်ပုံ-အညာပစ်တိုင်းထောင်လေးများ)

စစ်ကိုင်းတိုင်း၊ ဆားလင်းကြီးမြို့နယ်ရှိ ညောင်ပင်ကြီးကျေးရွာကို စစ်ကောင်စီတပ်က ထပ်မံမီးရှို့နေပြီး ပြည်သူ၄ဦး၏ ရုပ်အလောင်းများလည်း တွေ့ရှိထားကြောင်း ဒေသတွင်းသတင်းရင်းမြစ်များက ပြောသည်။

ယနေ့ (ဇွန်လ ၂၀ ရက်)နံနက်ပိုင်းက စစ်ကောင်စီတပ်သည် ညောင်ပင်ကြီးကျေးရွာရှိ ရွှေအင်းလေးရပ်ကွက်နှင့် သိမ်တော်ရပ်ကွက်အား မီးရှို့ဖျက်ဆီးနေပြီး စိတ်ကျန်းမာရေးမကောင်းသူတစ်ဦး အပါအဝင် ပြည်သူ လေးဦး၏ ရုပ်အလောင်းများတွေ့ရှိခဲ့ကြောင်း ဒေသခံများက ပြောသည်။

“စိတ်ကျန်းမာရေးမကောင်းတဲ့ ရွာထဲ လျှောက်သွားနေတဲ့ အမျိုးသားတစ်ယောက်က လတ်နက်ကြီးမှန်ပြီး မနေ့ညနေက ဆုံးသွားပြီ။ ညောင်ပင်ကြီး ကူးတို့ဆိပ်မှာ အသတ်ခံရတဲ့ ပြည်သူ သုံးဦးကတော့ ရွှေကုန်းကလို့ သိရတယ်။ အတည်ပြုနေဆဲပဲ။ အလောင်းတွေက ခွေးစား ​ကျီးထိုးထားလို့ ဘယ် သူ ဘယ်ဝါဆိုတာ မသိရတော့ဘူး။”ဟု ဒေသခံတစ်ဦးက ပြောသည်။

စစ်ကောင်စီတပ်သည် ညောင်ပင်ကြီး ရွာတောင်ဘက်တွင် ရွာတံခါးပြုလုပ်၍ ပိတ်ထားပြီး တံခါးအောက်၌ မိုင်းများလည်းထောင်ထားကြောင်း ဒေသခံအချို့က ဆိုသည်။

Public Service Announcement

Public Service Announcement

ထို့အပြင် စစ်ဘေးရှောင်အရေအတွက်များပြားနေပြီး နေ့စဥ်လူဦးရေထောင်နှင့်ချီ ကျွေးမွေးနေရသဖြင့် ရိက္ခာအခက်အခဲများလိုအပ်နေကြောင်း ဒေသတွင်းစစ်ရှောင် ကူညီနေသူများက ပြောသည်။

ဇွန်လ၉ရက် ညနေပိုင်းမှစတင်ကာ စစ်ကောင်စီတပ်၏ ညောင်ပင်ကြီးစခန်းအား ဒေသကာကွယ်ရေးအဖွဲ့များက တိုက်ခိုက်ခဲ့ရာ စစ်ကောင်စီတပ်သားနှင့် ရဲအပါအဝင် ၁၂ ဦးသေဆုံးခဲ့ပြီး လက်နက်ခဲယမ်းများပါ သိမ်းဆည်းနိုင်ခဲ့သည်။

ထိုနေ့မှစ၍ ညောင်ပင်ကြီးရွာအပါအဝင် အနီးဝန်းကျင်ရွာများအား စစ်ကောင်စီတပ်က နေ့စဥ်ရက်ဆက် ဆက်တိုက်မီးရှို့ခဲ့သည်။

စစ်ကောင်စီတပ်၏ မီးရှို့ဖျက်ဆီးမှုများကြောင့် ပထမတစ်ပတ်အတွင်း နေအိမ်၃၀၀ကျော် ပြာကျခဲ့သည်။ လက်ရှိအခြေအနေမှာ ပြည်သူများထွက်ပြေးတိမ်းရှောင်နေရ၍ မီးလောင်အိမ်ခြေအရေအတွက် မသိရသေးပေ။

အဆိုပါ ဖြစ်စဥ်တွင် ပြည်သူ သုံးဦးသေဆုံးပြီး ပအဖအဖွဲ့ဝင် တစ်ဦးနှင့် ရဲဘော်တစ်ဦးကျဆုံးခဲ့သည်။ ညောင်ပင်ကြီးစခန်းဝန်းကျင်မှ ကျေးရွာအများအပြားက ပြည်သူထောင်နှင့်ချီ ထွက်ပြေးတိမ်းရှောင်နေရသည်။

စစ်ကိုင်းတိုင်းတွင် အာဏာသိမ်းစစ်ကောင်စီတပ်နှင့် ၎င်း၏ အပေါင်းအပါများ မီးရှို့ဖျက်ဆီးမှုကြောင့် ၂၀၂၁ မေ ၁ ရက်မှ ၂၀၂၃ မေ ၃၁ ရက်အထိ နေအိမ်ပေါင်း၅၃,၈၁၆ လုံး ပျက်စီးဆုံးရှုံးခဲ့ကြောင်း Data For Myanmar က ထုတ်ပြန်ထားသည်။

ဆက်စပ်သတင်းများ

သတင်း

အခြေခံပြည်သူများ အဓိကထားဝယ်ယူသုံးစွဲကြ​သော စားအုန်းဆီ​ဈေးတက်ပြီးရှားပါးပြတ်လပ်လာမှု​ကြောင့် ပြည်သူများအခက်​တွေ့​နေကြသည်။

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။