မန္တလေးမြို့၊ မဟာအောင်မြေမြို့နယ် ရပ်ကွက်ရုံး လုံခြုံရေးကင်းနားမှာ ဆိုင်ကယ်ဖြတ်မောင်းသွားတဲ့ လူငယ် ၁ ဦး ပြီးခဲ့တဲ့ ရက်ပိုင်းက သေနတ်နဲ့ ပစ်ခတ်ခံရလို့ ဆေးရုံမှာကုသနေရပါတယ်။
ဇွန်လ ၂၄ ရက်ည ၁၀ နာရီခန့်က မဟာအောင်မြေမြို့နယ် ၊ ရဲမွန်တောင်ရပ်ကွက်ရုံးရှေ့ လုံခြုံရေးကင်းက ပစ်ခတ်တာလို့ ဒေသခံအချို့ဆီက စုံစမ်းသိရပါတယ်။
ပစ်ခတ်ခံရတဲ့ လူငယ်ဟာ ချမ်းအေးသာစံမြို့နယ်မှာနေထိုင်သူဖြစ်ကာ လက်ဖျံနဲ့ ဝမ်းဗိုက် ထိမှန်ပြီး စိုးရိမ်ရတဲ့အခြေအနေနဲ့ မန္တလေးဆေးရုံကြီးမှာ ကုသမှုခံယူနေရပါတယ်။
အဲဒီဖြစ်စဉ်ကို စစ်အုပ်စုဘက်ကသတင်းဖော်ပြရာမှာတော့ ဆိုင်ကယ် ၂ စီး နဲ့လူငယ် ၄ ဦးဟာ ရပ်ကွက်ရုံးရှေ့ အစောင့်ဂိတ် ကို ဆဲဆိုသွားလို့ ခြောက်လှန့်ပစ်ခတ်တာလို့ ဆိုထားပါတယ်။
Public Service Announcement
ပြီးခဲ့တဲ့ နှစ် ဧပြီလဆန်းပိုင်းကလည်း ရဲမွန်တောင်ရပ်ကွက်ရုံးရှေ့ လုံခြုံရေးကင်းနားမှာ ဆိုင်ကယ်စီး လူငယ် ၂ ဦးပစ်သတ်ခံခဲ့ရပါသေးတယ်။
