ပုလောမြို့နယ်၊ ပလောက်မြို့ သရက်တပင်ရွာနှင့် ညောင်ရှင်ကုန်းရွာမှ စစ်ကောင်စီလက်အောက်ခံ လက်နက်ကိုင်ပျူစောထီးနှစ်ဦးကို ပစ်ခတ်ရှင်းလင်းခဲ့ကြောင်း ပုလောစစ်ကြောင်း(၁)မှ တာဝန်ရှိသူတစ်ဦးက ပြောသည်။
ပလောက်မြို့နယ်(ခွဲ) သရက်တပင်ရွာမှ ပျူစောထီး ဒုခေါင်းဆောင် ဦးမျိုးတင့်နှင့် ညောင်ရှင်ကုန်းရွာမှ ဦးစိန်သန်း စစ်ကောင်စီတပ်၏ ထောက်တိုင် ပျူစောထီးနှစ်ဦးကို ပုလောစစ်ကြောင်း (၁)မှ ဇွန်လ ၂၄ ရက် ညနေ ၃ နာရီခွဲခန့်တွင် သွာရောက်ရှင်းလင်းခဲ့ခြင်း ဖြစ်သည်။
“(ပျူစောထီး)ပြည်သူ့စစ်နှစ်ဦးမှာ တစ်ယောက်က တော့ ဒုခေါင်းဆောင်ပါ။ သူတို့ရဲ့နေအိမ်အထိသွား ရောက်ရှင်းလင်းခဲ့တာဖြစ်ပါတယ်။ ပြန်ခုခံတာမျိုးမရှိပါဘူး”ဟု ပုလော စစ်ကြောင်း (၁)တာဝန်ရှိသူတစ်ဦးက People’s Spring သို့ ပြောသည်။
အထက်ပါ ပျူစောထီးနှစ်ဦးထံမှ AK နှစ်လက် ၊ ကျည်ဘောက် လေးခု၊ ကျည်ဆံ – ၁၃၃ တောင့်နှင့် လက်ပစ်ဗုံးတစ်လုံးတို့အပြင် စစ်အသုံးအဆောင်ပစ္စည်းအချို့ သိမ်းဆည်းရရှိခဲ့ကြောင်း ၎င်းတာဝန်ရှိသူက သည်။
Public Service Announcement
၎င်းပျူစောထီးနှစ်ဦးသည် လက်နက်ကို ကိုင်ဆောင်ထားသူများလည်းဖြစ်ပြီး နိုင်ငံရေး မတည်ငြိမ်မှုများ ဖြစ်နေချိန်တွင် လက်နက်အားကိုးဖြင့် ပြည်သူများအပေါ် မတရားဖိနှိပ်ချုပ်ခြယ်ပြောဆိုဆက်ဆံကာ ခြိမ်းခြောက်မှုများ ပြုလုပ်နေပြီး အများပြည်သူတို့၏ အလုပ်အကိုင်အခွင့်အလမ်းများနှင့် လုပ်ပိုင်ခွင့်များကို ကိုယ်ကျိုးစီးပွားအတွက် ခေါင်းပုံဖြတ် အမြတ်ထုတ် အခွင့်ကောင်းယူနေသူများဖြစ် ကြောင်း ပုလော စစ်ကြောင်း (၁)က ဆိုသည်။
ပုလောစစ်ကြောင်း(၁)အနေဖြင့် စစ်မိစ္ဆာ အာဏာရူးများကို အမြစ်ပြတ်ချေမှုန်းရန် လက်နက်ခဲယမ်းများ၊ ကျည်နှင့် တခြားလိုအပ်သောပစ္စည်းများ ဝယ်ယူရနငွေကြေးလိုအပ်ချက်ရှိနေသော ကြောင့် ပြည်တွင်း၊ပြည်ပမှ မိဘပြည်သူများအနေဖြင့် ပါဝင်ကူညီအား ဖြည့်ပေးပါရန် မေတ္တာရပ်ခံထားသည်။
