Connect with us

Hi, what are you looking for?

LuduNwayOo

သတင်း

ရွာသစ်မြို့တိုက်ပွဲတွင် KRUမှ ရဲဘော်တစ်ဦးကျဆုံး

ဇွန်လ ၁၃ ရက်ကစ၍ ရွာသစ်မြို့နဲ့၊ မယ်စဲ့မြို့နယ်များရှိ စစ်ကောင်စီတပ်စခန်းများကို ကရင်နီပူးပေါင်းတပ်ဖွဲ့တွေက သိမ်းယူထားနိုင်ခဲ့ခြင်းဖြစ်သည်။

(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ - KRU)
(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ - KRU)

ကရင်နီ(ကယား)ပြည်နယ် ရွာသစ်မြို့တိုက်ပွဲတွင် ရဲဘော် တစ်ဦးကျဆုံးခဲ့ကြောင်း ကရင်နီ‌တော်လှန်ရေးတပ်ပေါင်းစု (KRU)က ယနေ့ ထုတ်ပြန်သည်။

ကရင်နီပြည်အတွင်း နေရာအနှံ တိုက်ပွဲများပြင်းထန်နေပြီး စစ်ကောင်စီတပ်နှင့် ဒေသတွင်း ကာကွယ်ရေးတပ်များမှ အပြင်းအထန်ခုခံလျက် ရှိကာ ကရင်နီတော်လှန်ရေးတပ်ပေါင်းသည် တိုက်ပွဲပြင်းထန်နေသောဒေသများသို့ စစ်ကူ (စစ်ကြောင်း)များပို့၍ အတူတကွတိုက်ထုတ် နေသည်ဟု ဆိုသည်။

ထိုအနက် ယခုလ ၂၇ ရက်က ရွာသစ်မြို့တွင် တိုက်ပွဲပြင်းထန်ခဲ့ပြီးနောက် KRUတပ်ပေါင်းစု၏ တပ်ခွဲ(၂) GZ-21(Loikaw)မှ (၁၉)နှစ်အရွယ် ရဲဘော် ခရစ္စတိုဖာ(ခ)ဂျော့ဒူ ကျဆုံးခဲ့ရကြောင်း အသိပေးသည်။

(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ - KRU)
(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ – KRU)

“ရွာသစ်တိုက်ပွဲမှာ ၂၆ ရက်ကနေ ၂၇ ရက်အထိ လေယာဥ်နဲ့ လက်နက်ကြီးပစ်ကူကြီးပဲ ၁၀၀ လောက်သုံးတာ။ မြေပြင်ကလည်း တပ်ရင်းနှစ်ခု စာလောက်နဲ့ ထိုးစစ်ဆင်ပြီး ပန်တိန်း နဲ့စွတ်ပိုင်က စခန်းနှစ်ခုကို စကစ ဘက်က ပြန်ယူချင်တာပေါ့။ကရင်နီပူးပေါင်းတပ် ဖွဲ့ဝင် ငါးဦး လောက်ကျခဲ့ရတယ်လို့ သိရတယ် “ဟု ကရင်နီစစ်ရေးသတင်းရင်းမြစ်က လူထုနွေဦးသို့ ပြောသည်။

Public Service Announcement

Public Service Announcement

ကရင်နီပူးပေါင်းတပ်ဖွဲ့များ သိမ်းယူထားသည့် ကရင်နီပြည် မယ်စဲမြို့နယ် ပန်တိန်းဒေသက နယ်ခြားစောင့် (BGF )၁၀၀၄တပ်စခန်းနှင့် ရွာသစ်မြို့ စွတ်ပိုင်ဒေသရှိ (၁၀၀၅)တပ်စခန်းနေရာကိုပြန်လည်သိမ်း ပိုက်ရရှိခဲ့ကြောင်း စစ်ကောင်စီက ထုတ်ပြန်ထားသည်။

ထိုတိုက်ပွဲအတွင်း စစ်ကောင်စီအရာရှိ နှင့် စစ်သည် သေဆုံးမှုရှိခဲ့ ကြောင်းလည်း ထုတ်ပြန်ချက်၌ ဖော်ပြထားသည်။

(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ - KRU)
(ဇွန်လ ၂၇ ရက်က ရွာသစ်မြို့တိုက်ပွဲ၌ ကျဆုံးခဲ့သည့် ရဲဘော်ခရစ္စတိုဖာ၏ စျာပနပြုလုပ်ပေးနေစဉ်။ ဓာတ်ပုံ – KRU)

“အဆမတန်ပေးတဲ့လေကြောင်း ပစ်ကူ ကို ခဏရှောင်လိုက်တဲ့သဘောလို့ ယူဆတယ်။အချိန်တန်ရင် ပြန်သိမ်းခံရမှာပဲ။နောက်ပြီး အခု ရွာသစ် စွတ်ပိုင်က ဒေသခံတွေကို စစ်ကောင်စီက ပိတ်ဆို့ထားတယ်။ထွက်တဲ့လူပစ်သတ်ခံနေတယ်လဲ ကြားတယ်”ဟု ကရင်နီတပ်မတော်နှင့် နီးစပ်သူတစ်ဦးက ရှင်းပြ သည်။

ဇွန်လ ၁၃ ရက်ကစ၍ ရွာသစ်မြို့နဲ့၊ မယ်စဲ့မြို့နယ်များရှိ စစ်ကောင်စီတပ်စခန်းများကို ကရင်နီပူးပေါင်းတပ်ဖွဲ့တွေက သိမ်းယူထားနိုင်ခဲ့ခြင်းဖြစ်သည်။

သို့သော် လက်ရှိအချိန်ထိ ရွာသစ်နှင့် မယ်စဲ့ မြို့ အတွင်းရှိ တိုက်ပွဲများ နှင့်ဆက်စပ်၍ ကရင်နီပူးပေါင်းတပ်များက တရားဝင်သတင်းထုတ်ပြန်ခြင်းမရှိသေးပေ။

ဆက်စပ်သတင်းများ

သတင်း

ကော်ဘရာစစ်ကြောင်း(၁) စစ်ကြောင်းမှူး ဗိုလ်စောကော်ကလည်း အောင်ဇေယျစစ်ကြောင်းမှ ထွက်ပြေးသည့် စစ်သုံ့ပန်းများအား ဖမ်းမိထားသည်ဟု က People's Springသို့ ပြောထားသည်။သို့​သော် အ​ရေအတွက်ကိုမူ​ပြောကြားခြင်းမရှိ​ပေ။

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

KNA(B)ရဲဘော်အား ချောင်းမြောင်းပစ်ခတ်သွားသည့် ကသည်းသူပုန်အဖွဲ့မှာ PLA ကသည်းသူပုန်အဖွဲ့ဖြစ်ကြောင်း ကာကွယ်ရေးရဲဘော်တဦးကပြောသည်။

သတင်း

ပြီးခဲ့သည့် ဖေဖော်ဝါရီက အဆိုပါကျေးရွာ၌ ယောဒေသကာကွယ်ရေးတပ်ဖွဲ့မှ ရဲဘော်နှစ်ဦးကို စစ်ကောင်စီတပ်နှင့် ပျူစောထီးများက မီးရှို့သတ်ဖြတ်ခဲ့သည်။