Connect with us

Hi, what are you looking for?

LuduNwayOo

သတင်း

မိုးကုတ် ဗန်မွန်ရွာ၌ တပ်စွဲထားသည့် စစ်ကောင်စီတပ်ကို KIA/PDF ပူးပေါင်းတပ် တိုက်ခိုက်၊ စစ်ကောင်စီတပ်မှ သေဆုံးမှုရှိဟု အသိပေး

ဗန်မွန်ရွာရှိ သိမ်ကုန်းဘုန်းကြီးကျောင်း၌ တပ်စွဲထားသည့် စစ်ကောင်စီတပ်ကို ဇူလိုင် ၅ရက် ညပိုင်းက တိုက်ခိုက်ခဲ့ခြင်းဖြစ်ပြီး တိုက်ပွဲမှာ မိနစ် ၂၀ခန့် ကြာမြင့်ခဲ့သည်ဟုသိရသည်။

(KIA နှင့် KPDF ပူး​​ပေါင်းတပ်ဖွဲ့ဝင်အချို့ကို ​တွေ့ရစဥ်။ ဓါတ်ပုံ-KPDF)
(KIA နှင့် KPDF ပူး​​ပေါင်းတပ်ဖွဲ့ဝင်အချို့ကို ​တွေ့ရစဥ်။ ဓါတ်ပုံ-KPDF)

မန္တလေးတိုင်း၊ မိုးကုတ်မြို့ အရှေ့ပိုင်းမင်းတံတားကျေးရွာအုပ်စု ဗန်မွန်ရွာရှိ စစ်ကောင်စီတပ်ကို ကချင်လွတ်လပ်ရေးတပ်မတော်(KIA)နှင့် KPDF ပူးပေါင်းတပ်က ဝင်ရောက်တိုက်ခိုက်ခဲ့ရာ စစ်ကောင်စီတပ်ဖွဲ့ဝင်များ သေဆုံးထိခိုက်ရှိခဲ့သည်ဟု မိုးမိတ်ခရိုင် ကချင်ဒေသ ပြည်သူ့ကာကွယ်ရေးတပ်(KPDF) က ယမန်နေ့တွင် သတင်းထုတ်ပြန်သည်။

ဗန်မွန်ရွာရှိ သိမ်ကုန်းဘုန်းကြီးကျောင်း၌ တပ်စွဲထားသည့် စစ်ကောင်စီတပ်ကို ဇူလိုင် ၅ရက် ညပိုင်းက တိုက်ခိုက်ခဲ့ခြင်းဖြစ်ပြီး တိုက်ပွဲမှာ မိနစ် ၂၀ခန့် ကြာမြင့်ခဲ့သည်ဟုသိရသည်။

Public Service Announcement
Public Service Announcement

အဆိုပါ တိုက်ခိုက်မှုတွင် စစ်ကောင်စီဘက်မှ တပ်ကြပ်ကြီးတစ်ဦး အပါအဝင် ၆ဦးသေဆုံးပြီး ၆ဦး ဒဏ်ရာရခဲ့ကြောင်း မိုးမိတ်ခရိုင် KPDFက ထုတ်ပြန်ထားပြီး ပူးပေါင်းတပ်ဖွဲ့မှ အထိအခိုက်မရှိ ဆုတ်ခွာနိုင်ခဲ့သည်ဟု အသိပေးထားသည်။

အဆိုပါတိုက်ခိုက်မှုကို KIA တပ်ရင်း ၃၄ နှင့် မိုးမိတ်ခရိုင် KPDF တပ်ရင်း တပ်ခွဲ(၁) ပူးပေါင်းတပ်ဖွဲ့က တိုက်ခိုက်ခဲ့ခြင်းဖြစ်သည်။

Public Service Announcement

Public Service Announcement

တိုက်ပွဲအခြေအနေနှင့်ပတ်သက်ပြီးမေးမြန်းရန် မိုးမိတ်ခရိုင် KPDF တာဝန်ရှိသူထံ ဆက်သွယ်ထားဆဲဖြစ်ပြီး အဆက်အသွယ်မရသေးပေ။

KIAနှင့် မိုးမိတ်ခရိုင် KPDF တို့သည် မေလကုန်ပိုင်းကလည်း မိုးကုတ်မြို့ရှိ စစ်ကောင်စီတပ်စွဲရာ နေရာအချို့ကို တိုက်ခိုက်ခဲ့ရာ စစ်ကောင်စီတပ်က သေဆုံးထိခိုက်ရှိခဲ့သည်ဟုသိရသည်။

ဆက်စပ်သတင်းများ

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။