Connect with us

Hi, what are you looking for?

သတင်း

ပုဇွန်တောင်မြို့နယ် ရေကျော်ရှိ KM Export ဖက်ရှင်ဆိုင် လုယက်ခံရ

စစ်တပ် အာဏာသိမ်းပြီးနောက်ပိုင်း ရန်ကုန်မြို့တွင် မကြာခဏဆိုသလို ဓားပြမှု၊ လုယက်မှုများ ဖြစ်ပွားလျက်ရှိပြီး ပြီးခဲ့သည့် သြဂုတ် ၃ ရက်ကလည်း ရန်ကင်းမြို့နယ်ရှိ The Skin Studio အလှအပနှင့် ကျန်းမာရေး ဆေးခန်း၌ လုယက်မှု ဖြစ်ပွားခဲ့သေးသည်။

ဓာတ်ပုံ - KM EXPORT ဖက်ရှင်ဆိုင်
ဓာတ်ပုံ - KM EXPORT ဖက်ရှင်ဆိုင်

ရန်ကုန်မြို့ ပုဇွန်တောင်မြို့နယ် ရေကျော်လမ်းမကြီးပေါ်ရှိ KM Export ဖက်ရှင်ဆိုင် ယမန်နေ့ နေ့လယ်က လုယက်ခံရမှုဖြစ်ပွားကြောင်း အဆိုပါမြို့နယ်ဒေသခံများက ပြောသည်။

ယမန်နေ့ (သြဂုတ် ၈) နေ့လယ် ၁နာရီခွဲခန့်တွင် KM Export ဖက်ရှင်ဆိုင်ကို အမျိုးသားတစ်ဦး စျေးဝယ်သူ ယောင်ဆောင်၍ ဝန်ထမ်းအမျိုးသမီးများအား ဓားဖြင့် ခြိမ်းခြောက်ကာ ဖုန်းနှင့် ငွေသားအချို့ လုယူသွားကြောင်း ပုဇွန်တောင်မြို့နယ်နေ ပြည်သူတစ်ဦးက ပြောသည်။

“မနေ့က နေ့လည်လောက်က ရေကျော်လမ်းပေါ်က KM Export Fashionကို ဓားပြတိုက်သွားတာပါ။ ဝန်ထမ်းကောင်မ​လေး သုံးယောက်ကို အဝတ်လဲခန်းထဲမှာ ခြေတွေ၊ လက်တွေ ကြိုးတုပ်ပြီး ပစ္စည်းတွေယူသွားတာပါ။ ဓားမြှောင်ပြပြီး ပြပြီး ဓားပြတိုက်သွားတာလို့ သိရတယ်။ ဖုန်း နှစ်လုံးနဲ့ ငွေသားအချို့ ပါသွားတယ် ကြားပါတယ်” ဟု ၎င်းက ပြောသည်။

အဆိုပါ အမျိုးသားသည် ဦးထုပ်ဆောင်းထားကာ ဓားမြှောင်တစ်လက်ဖြင့် လုယက်ခြင်း ဖြစ်ကြောင်း KM EXPORT ဖက်ရှင်ဆိုင်၏ CCTV မှတ်တမ်းအရ သိရသည်။

Public Service Announcement

Public Service Announcement

“ရေကျော်ဆိုင်ခွဲမှာ နေ့ခင်းကြောင်တောင် ဓားထောက်ပြီး ဆိုင်က ဝန်ထမ်းလေးတွေကို ခြေတွေလက်တွေ အကုန် ကြိုးတုပ်ပြီး ဖုန်းတွေ ပိုက်ဆံတွေ ယူသွားတာပါ။ ပစ္စည်းပါသွားတာထက် ကိုယ့်ဆိုင်က ခလေးတွေ ဘာမှ မထိခိုက်သွားတာပဲ ကံကောင်းလှပါပြီ။ ဦးထုပ်ကော mask ပါတပ်လာလို့ မျက်နှာကို အတိအကျ သေချာမမြင်ရပေမယ့် အခြားဆိုင် တွေလည်း သတိထားလို့ ရအောင် ရသလောက် CCTVက ပုံနဲ့ Videoလေးတွေ တင်ပေးလိုက်ရပါတယ်”ဟု KM Export ဖက်ရှင်ဆိုင်က ဆိုသည်။

စစ်တပ် အာဏာသိမ်းပြီးနောက်ပိုင်း ရန်ကုန်မြို့တွင် မကြာခဏဆိုသလို ဓားပြမှု၊ လုယက်မှုများ ဖြစ်ပွားလျက်ရှိပြီး ပြီးခဲ့သည့် သြဂုတ် ၃ ရက်ကလည်း ရန်ကင်းမြို့နယ်ရှိ The Skin Studio အလှအပနှင့် ကျန်းမာရေး ဆေးခန်း၌ လုယက်မှု ဖြစ်ပွားခဲ့သေးသည်။

ဆက်စပ်သတင်းများ

News Story

ဇန်နဝါရီလ ၂၂ ရက် ညနေ ၅ နာရီ မိနစ် ၂ဝ ခန့်ကဖြစ်သည်။ မန္တလေးမြို့ ချမ်းမြသာစည်မြို့နယ်၊ ၆၉Aလမ်း၊ ၁၁၅ လမ်းနှင့် ၁၁၆ လမ်းကြားသို့ အဖြူနှင့် လိမ္မော်ရောင်စပ်ကြား Honda Click ဆိုင်ကယ် မောင်းနှင်လာသော လူငယ်တစ်ဦး ဝင်ရောက်လာခဲ့သည်။

သတင်း

မန္တလေးမြို့ ၊ ချမ်းမြသာစည်မြို့နယ်မှာ နေ့ခင်းအချိန် လူမြင်ကွင်းမှာ အုပ်စုဖွဲ့ပြီး ဆိုင်ကယ်လုယက်မှု မနေ့ ဇန်နဝါရီလ ၂၂ ရက် နေ့ခင်းပိုင်း ၃ နာရီ ခွဲ ဝန်းကျင်က ဖြစ်ပွားခဲ့ပါတယ်။

သတင်း

မန္တလေးမြို့ ၊မဟာအောင်မြေမြို့နယ် မှာ ဆိုင်ကယ်သုံးပြီး ဖုန်းလုပြေးတဲ့ အမျိုးသား ၂ ဦးကားနဲ့တိုက်ခံရပြီးနေရာမှာတင် သေဆုံးသွားတဲ့ ဖြစ်စဉ် စက်တင်ဘာလ ၂၆ ရက်ညပိုင်းက ဖြစ်ပွားခဲ့တယ်လို့ ဒေသခံအချို့ဆီက သိရပါတယ်။

သတင်း

မန္တလေးမြို့ လူစည်ကားရာ ညောင်ပင်စျေးအနီး က စာချုပ်စာတမ်းရောင်းချတဲ့နေအိမ် ကို မနေ့ (သြဂုတ် ၁၉) ညနေပိုင်းက စျေးဝယ်ဟန်ဆောင်ပြီး လုယက်တဲ့ဖြစ်စဉ်မှာ ဆိုင်ရှင်သက်ကြီးပိုင်း အမျိုးသမီးကြီး ၁ ဦးသေဆုံး သွားခဲ့တယ်လို့ ဒေသခံအချို့ထံကသိရပါတယ်။