ကန့်ဘလူမြို့နယ်၊ ယမနေရွာရှိ စစ်ကောင်စီတပ်နှင့် ပျူပူးပေါင်းစခန်းကို ပြည်သူ့ကာကွယ်ရေးတပ်ဖွဲ့ဝင်များက စီးနင်းတိုက်ခိုက်ရာ စခန်းသိမ်းလုခါနီးတွင်စစ်တပ်ကလေကြောင်းမှ လာရောက်ပစ်ကူခဲ့သောကြောင့် ပြန်ဆုတ်ခဲ့ကြောင်း PDF အချို့က ပြောသည်။
ကန့်ဘလူမြို့နယ်တောင်ပိုင်း၊ ရွှေဘို- မြစ်ကြီးနားလမ်းဘေးရှိယမနေရွာ စစ်ကောင်စီစခန်းကို ဩဂုတ်လ ၁၂ရက် နံနက်တွင် ပြည်သူ့ကာကွယ်ရေးပူးပေါင်းတပ်များက စီးနင်းတိုက်ခိုက်ခဲ့ရာ စစ်ကောင်စီအထိနာခဲ့ခြင်းဖြစ်သည်။
“မိုင်းကွင်းတွေဆို ကြက်ခြေခတ်တွေလို ခင်းထားတာ။ ရအောင် ထိုးဖောက်တိုက်တာ” ဟု ကန့်ဘလူမြို့နယ်မှ ပြည်သူ့ကာကွယ်ရေးရဲဘော်တစ်ဦးကပြောသည်။
တိုက်ပွဲကို ၅ နာရီ ၂၈ မိနစ်တွင် စတင်ခဲ့ပြီး ၇နာရီ ခွဲခန့်တွင် စခန်းအား သိမ်းယူကာနီး၌ စစ်ကောင်စီက ဂျက်ဖိုက်တာဖြင့် လာရောက်ပစ်ခတ်ခဲ့ကြောင်း။သတင်းရရှိသည်။
Public Service Announcement
” သူတို့ ကတုပ်ကျင်းတွေထဲ ကိုယ့်ရဲဘော်တွေ ရောက်နေလို့ ကံကောင်းတာ” ဟု ကာကွယ်ရေးရဲဘော်တစ်ဦးကပြောသည်
ဩဂုတ်လ ၁၂ရက် နံနက်က တိုက်ပွဲတွင် စစ်ကောင်စီဘက်က ထိခိုက်မှုကို အတိအကျမသိရသော်လည်း ထိုစခန်းတွင် စစ်ကောင်စီနှင့် ပျုစောထီး ပူပေါင်းအင်အား ၃၀ ဦးထက်မနည်း တပ်စွဲထားကြောင်း၊ ၂နာရီနီးပါးကြာတိုက်ပွဲအတွင်း စစ်ကောင်စီတပ်ဖွဲဝင် ခြောက်ဦးသာ တွေ့ရတော့ကြောင်း တိုက်ပွဲဝင်ခဲ့သည့် ပြည်သူ့ကာကွယ်ရေးရဲဘော်တစ်ဦးကပြောသည်။
“ခွေးခြောက်ကောင်ပဲကျန်တော့တာ။ စခန်းကိုသိမ်းရကာနီးမှ ဖိုက်တာလာပစ်လို့သေနတ်ကောက်ပြီးသားတွေကို ထားခဲ့ရတာ။ စိန်ပြောင်းတစ်လက်တော့ ရခဲ့တယ်” ဟု အဆိုပါကာကွယ်ရေးရဲဘော် ကပြောသည်။
စစ်ကောင်စီလေကြောင်းတိုက်ခိုက်မှုကြောင့် ပြန်လည်ဆုတ်ခွာခဲ့စဉ် ကာကွယ်ရေးရဲဘော်အချို့ ကျည်ထိမှန် ဒဏ်ရာရခဲ့သည်။ စစ်တပ်စခန်း တိုက်ခိုက်စီးနင်းခံရသောကြောင့် စစ်ကောင်စီတပ်က အင်အား ၄၀၀ ခန့်ဖြင့် စစ်ကြောင်းထိုရန်ပြင်ဆင်နေကြောင်းသိရပြီးစစ်ရေးတင်းမာနေ ကြောင်း PDFအချို့ကပြောသည်။ “ကိုယ်တွေလည်း စောင့်နေပါတယ်” ဟု PDF တစ်ဦးကပြောသည်။
