Connect with us

Hi, what are you looking for?

သတင်း

ရွှေဘိုနယ်တွင် အင်အားဖြည့်ရန်လာသည့် စစ်ကောင်စီတပ်အား နှစ်ကြိမ်တိုက်ခိုက်

စစ်ဆင်ရေးနှစ်ခုလုံးကို 96 Soldiers-PDF (အညာဒေသတပ်ခွဲ)နှင့် Burma Rangers အဖွဲ့တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။

(96 Soldiers-PDF တပ်မှ ရဲဘော်များအား ရှေ့တန်းတနေရာ၌ တွေ့ရစဉ်။ ဓာတ်ပုံ - 96 Soldiers-PDF)
(96 Soldiers-PDF တပ်မှ ရဲဘော်များအား ရှေ့တန်းတနေရာ၌ တွေ့ရစဉ်။ ဓာတ်ပုံ - 96 Soldiers-PDF)

စစ်ကိုင်းတိုင်း၊ ရွှေဘိုမြို့နယ်အရှေ့ခြမ်းတွင် အင်အားဖြည့်တင်းရန်လာသည့် စစ်ကောင်စီစစ်ကြောင်းအား နှစ်ကြိမ်တိုက်ခိုက်ရာ ထိခိုက်သေဆုံးမှုများရှိကြောင်း ဒေသတွင်းတော်လှန်ရေးအင်အားစုများက ပြောသည်။

သြဂုတ် ၁၆ရက် နံနက် ၁၁နာရီခန့်က ကျောက်မြောင်းဘက်မှလာသော အင်အား ၁၀၀ခန့် စစ်ကြောင်းသည် ရွှေဘိုနယ်အရှေ့ခြမ်းရှိ ဂွေးပင်ကုန်းကျေးရွာ မီးရှို့ပြီး ဟန်လင်းကျေးရွာဘက် လာရောက်စဥ် အဆိုပါစစ်ကြောင်းအား ကြားဖြတ်တိုက်ခိုက်ခဲ့ခြင်းဖြစ်ကြောင်း Burma Rangers အဖွဲ့တာဝန်ရှိသူက ပြောသည်။

နှစ်ဖက်ထိတွေ့ ပစ်ခက်မှု ၁၅ မိနစ်ခန့်ဖြစ်ပွားပြီးစစ်ကောင်စီတပ် ထိခိုက်သေဆုံးမှုများရှိသည်ဟု Burma Rangers အဖွဲ့တာဝန်ရှိသူကဆိုသည်။

ထို့အပြင် ရွှေဘို – ကျောက်မြောင်းလမ်းပိုင်းတစ်နေရာတွင်လည်း စစ်သားများတင်ဆောင်လာသော စစ်ကားတစ်စီးကို မိုင်းဆွဲတိုက်ခိုက်ခဲ့ကြောင်း 96 Soldiers-PDF (အညာဒေသတပ်ခွဲ)က ထုတ်ပြန်သည်။

Public Service Announcement

Public Service Announcement

“ကျောက်မြောင်းဘက်ကနေ ထိုးလာတာ။ ဟံလင်းရွာဘက်ကိုထိုးတာ။ ဟန်လင်းကို အင်အားဖြည့်တယ်လို့ကြားတယ်”ဟု Burma Rangers အဖွဲ့တာဝန်ရှိသူက ပြောသည်။

စစ်ဆင်ရေးနှစ်ခုလုံးကို 96 Soldiers-PDF (အညာဒေသတပ်ခွဲ)နှင့် Burma Rangers အဖွဲ့တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။

သြဂုတ် ၁၅ ရက်ကလည်း ရွှေဘိုမြို့အဝင်၌ စစ်တပ်ရိက္ခာတင်ယာဉ်နှင့် စစ်ကောင်စီတပ်သားများကို ဒေသတွင်းတော်လှန်ရေးအင်အားစုများက သုံးကြိမ်တိုင် တိုက်ခိုက်ခဲ့သေးသည်။

ဆက်စပ်သတင်းများ

ဆောင်းပါး

အသက် ၇၅ ဝန်းကျင်အရွယ် ဦးမြင့်(အမည်လွှဲ)ဟာ ထီးလေးတချောင်းကိုင်ပြီး ရန်ကုန်က မြို့နယ်တခုရဲ့လဝကရုံးထဲ ယောင်ယောင်နနနဲ့ ဝင်လာခဲ့တယ်။ စားပွဲတစ်လုံးမှာ ထိုင်နေတဲ့ ဝန်ထမ်းတစ်ယောက်ဆီ မှတ်ပုံတင်ပေးရင်း စမတ်ကတ်လုပ်ဖို့ လိုအပ်တာတွေမေးတယ်။ ၂ ယောက်လုံး ခေါင်းတွေကုတ်နေကြတယ်။

ဆောင်းပါး

DEE/People’s Spring စစ်သားတွေကို သက်ရှိစည်းရိုးလို့ရည်ညွှန်းပြီး ရန်သူတွေစခန်းထဲအထိ ဝင်မလာနိုင်အောင် အသက်စွန့်တိုက်ကြလို့ မင်းသား ခန့်စည်သူမှာကြားတဲ့ ဇာတ်ဝင်ခန်းဟာ ဥကရစ်ထတပ်စခန်းကို တော်လှန်ရေးတပ်ဖွဲ့တွေ လက်ထဲပါမသွားလို့ စစ်တပ်က ၂၀၂၄မှာ ဝါဒဖြန့်ဖို့ရိုက်ကူးခဲ့တဲ့ “သက်ရှိစည်းရိုး”ရဲ့ နောက်ဆုံး ဇာတ်သိမ်းခန်း ဖြစ်ပါတယ်။ “သက်ရှိစည်းရိုး”ရဲ့ နောက်ဆုံးဇာတ်သိမ်းခန်းမှာ ဥကရစ်ထတပ်စခန်းကို တော်လှန်ရေးတပ်တွေ...

သတင်း

အာဏာသိမ်းစစ်ကောင်စီ လုပ်ဆောင်နေသည့် ဟန်ပြငြိမ်းချမ်းရေးဖိုရမ်သည် ပဋိပက္ခများကို ဖြေရှင်းနိုင်မည်မဟုတ်သလို ရွေးကောက်ပွဲ ကျင်းပရန် ကြိုးပမ်းနေမှုသည်လည်း မတရားအာဏာရယူရန် ဆောင်ရွက်နေခြင်းသာဖြစ်ကြောင်း တအာင်း(ပလောင်)အမျိုးသားပါတီ(TNP)က ယနေ့(ဇူလိုင် ၁၂ရက်)တွင် ထုတ်ပြန်သည်။

သတင်း

ယခုနှစ်ခြောက်လအတွင်း စစ်ကောင်စီက ပေါ်တာဆွဲ ဖမ်းဆီးခဲ့သူ ၂,၉၀၀ ခန့်ရှိကြောင်း စစ်ရာဇဝတ်မှုများကို မှတ်တမ်းတင်နေသည့် Spring Revolution Database က ယနေ့ ထုတ်ပြန်သည်။