ပဲခူးတိုင်း၊ အုတ်ဖိုမြို့နယ်တွင် စစ်ကောင်စီကပေးသည့် စစ်သင်တန်းသို့ သွားရောက်ရန် နေအိမ်မှထွက်လာသည့် စစ်ကောင်စီခန့်ရာအိမ်မှူးတစ်ဦးကို ပစ်ခတ်ရှင်းလင်းလိုက်ကြောင်း သာယာဝတီခရိုင် တပ်ရင်း ၃၈၀၂၊ တပ်ခွဲ-၄(မြေအောက်ပြောက်ကျားတပ်ဖွဲ့အုတ်ဖို)မှတာဝန်ရှိသူတစ်ဦးကပြောသည်။
အောက်တိုဘာ ၂ ရက်နေ့နံနက် ၅ နာရီ ၁၀ မိနစ်ခန့်က အုတ်ဖိုမြို့နယ်၊ ထန်းပင်ကုန်းအုပ်စု၊ ကြယ်နီကုန်းရွာမှ စစ်ကောင်စီခန့် ရာအိမ်မှူး အောင်ဝင်းလေးအား ခမရ(၆) တိမ် မြုပ်တပ်သို့ စစ်သင်တန်းသွားတက်ရန်အ သွား ရွာအထွက်၌ ရှင်းလင်းလိုက်ခြင်းဖြစ်သည်ဟုတပ်ခွဲ-၄(မြေအောက်ပြောက်ကျားတပ်ဖွဲ့အုတ်ဖို)ကအောက်တိုဘာ ၄ ရက်တွင်ထုတ်ပြန်သည်။
“ပျူခေါင်းဆောင် ရာအိမ်မှူးအောင်ဝင်းလေးကို သူနေတဲ့ ထန်းပင်ကုန်းအုပ်စု ကြယ်နီကုန်းရွာအထွက်မှာ ခမရ(၆)တိမ်မြုပ်ဘက်ကိုသွားတဲ့လမ်းပေါ့၊ တိမ်မြုပ်ဘက်တောင်နီးပါသေးတယ်။ အဲဒီမှာစောင့်ပြီး ကျနော်တို့ ရှင်းပစ်တာ။ ၉ ချက်ပစ်လိုက်ရတယ်။ သူက စစ်သင် တန်းကို သွားတာပေါ့။ သတိပေးထားတာ နှစ်ကြိမ်သုံးကြိမ်မကတော့ဘူး။ ဖုန်းနဲ့ရော၊ လူကိုယ်တိုင်ရော ရပ်တန်းကရပ်ဖို့”ဟု တပ်ခွဲ-၄ မှ တာဝန်ရှိသူတစ်ဦးက People’s Spring သို့ ပြောသည်။
ပစ်ခတ်ခံရမှုကြောင့် စစ်ကောင်စီထောက်တိုင် ရာအိမ်မှုးအောင်ဝင်းလေးသည် နေရာတင်ပွဲချင်းပြီး သေဆုံးခဲ့ပြီး ၎င်းထံမှ စစ်ကောင်စီတပ်ဖွဲ့များနှင့် အဆက်အသွယ် လုပ်ထားသည့် မိုလ်ဘိုင်းဖုန်းတစ်လုံး၊ တော်လှန် ရေးရဲဘော်များ၏ သွားလာလှုပ်ရှားမှုများကို မှတ်တမ်းတင်ထားသည့် မှတ်စုစာအုပ်တစ်အုပ်၊ ငွေသား ၃၁,၁၅၀ ကျပ်၊ မှတ်ပုံတင်နှင့် COVID -19 ကင်းရှင်းကြောင်း ထောက်ခံချက် ကပ်ပြားတစ်ခုတို့ကို သိမ်းဆည်းရရှိခဲ့သည်ဟု ထုတ်ပြန်ချက်တွင် ဖော်ပြသည်။
Public Service Announcement
စစ်ကောင်စီက ၎င်းကို တပ်ဆင်ပေးထားသောသေနတ်နှင့် လက်ပစ်ဗုံးမှာ ပစ်ခတ်မှုဖြစ်ပွားရာသို့ ပါလာခြင်းမရှိသောကြောင့် သိမ်းဆည်းနိုင်ခြင်း မရှိခဲ့ဟု အသိပေးသည်။
၎င်းရာအိမ်မှူးအောင်ဝင်းလေးသည် စစ်ကောင်စီ၏ အမာခံထောက်တိုင် ပျူစောထီး ခေါင်းဆောင်တစ်ဦးဖြစ်ပြီး စစ်တပ်အတွက် လူအင်အားစုဆောင်းပေး၍ ခမရ(၆) တိမ် မြုပ်တပ်၌ စစ်သင်တန်းပေးခြင်း၊ တော်လှန် ရေးစခန်း နေရာများကို သတင်းပေးခြင်းနှင့် လိုက်လံပြသခြင်း၊ တော်လှန်ရေးရဲဘော်များ၏ သတင်းများကို ထောက်လှမ်းပေးပို့ခြင်း၊ ဒေသခံပြည်သူများကို အနိုင်ကျင့် ဗိုလ်ကျနေခြင်းတို့ကြောင့် ယခုကဲ့သို့ ပစ်ခတ်အ ရေးယူခဲ့ခြင်းဖြစ်ကြောင်း တပ်ခွဲ-၄ က ဆို သည်။
အဆိုပါစစ်ဆင်ရေးတွင် တော်လှန်ရေးရဲဘော်များမှာ အထိအခိုက်မရှိ အောင်မြင်စွာ ဆောင် ရွက်နိုင်ခဲ့ပြီး ပြည်သူများအနေဖြင့် စစ်ကောင်စီတပ်ဖွဲ့များ၊ ၎င်းတို့၏ထောက်တိုင် ပျူစောထီးများနှင့် ဝေးဝေးနေထိုင်သွားလာကြရန် တော်လှန်ရေးအင်အားစုများကသတိ ပေးချက် ထုတ်ပြန်ထားသည်။
ပြီးခဲ့သည့် စက်တင်ဘာလ ၂၂ ရက်ကလည်း ထန်းပင်ကုန်းကျေးရွာတွင် တာဝန်ကျသည့် တောခေါင်းအုန်းလှိုင်ဆိုသူကို ထန်းပင်ကုန်းဗျူဟာလမ်းဘေးတွင်သေနတ်ဖြင့်ပစ်သတ်ခံခဲ့ရ သည်။
