စစ်ကိုင်းတိုင်း၊ ဒီပဲယင်းမြို့နယ်ရှိ ပုဂံကျေးရွာကို တွင် စစ်ကောင်စီတပ် ဝင်ရောက်စီးနင်းပြီး မော်တော်ယာဥ်များအား မီးရှို့ဖျက်ဆီးခဲ့ကြောင်း သတင်းရရှိသည်။
အောက်တိုဘာ ၂ ရက်နံနက်ပိုင်းက ပုဂံကျေးရွာမှ ဒေသခံများ၏ လိုက်ထရပ်ယာဥ်တစ်စီးနှင့် ဆိုင်ကယ်သုံးစီးအား မီးရှို့ဖျက်ဆီးသွားကြောင်း ဒေသခံများက ပြောသည်။
“ အိမ်တွေဆိုလည်း ပစ္စည်းတွေထုခွဲ ရိုက်နှက်ဖျက်ဆီးတာမျိုးတွေ လုပ်သွားတယ်။ နေအိမ်တွေကိုတော့ မီးရှို့တာမရှိဘူး။” ဟု ဒေသခံတစ်ဦးက ပြောသည်။
ထို့အပြင် စစ်ကောင်စီတပ်သည် စက်တင်ဘာ ၃၀ ရက်နှင့် အောက်တိုဘာ ၂ ရက်က လက်တီးရွာနှင့် နဘဲလှကျေးရွာမှ အမျိုးသားနှစ်ဦးအား သတ်ဖြတ်သွားကြောင်း ဒီပဲယင်းမြို့နယ်ညီနောင်များအဖွဲ့က ပြောသည်။
Public Service Announcement
အဆိုပါ စစ်ကြောင်းသည် အောက်တိုဘာ ၃ရက်တွင် ဒီပဲယင်းမြို့သို့ ရောက်ရှိသွားကြောင်း သိရသည်။
စစ်ကိုင်းတိုင်းတွင် အာဏာသိမ်းကာလအတွင်း စစ်ကောင်စီတပ်၏ မီးရှို့ဖျက်ဆီးမှုများကြောင့် ၂၀၂၃ ဇူလိုင်အထိ နေအိမ်ပေါင်း ၅၇,၅၀၃လုံး မီးရှို့ဖျက်ဆီးခံခဲ့ရကြောင်း Data For Myanmarက ထုတ်ပြန်ထားသည်။
