Connect with us

Hi, what are you looking for?

သတင်း

စစ်အာဏာရှင်စနစ် အဆုံးသတ်နိုင်ရေး အားစိုက်လုပ်ဆောင်ရန် KIO အဖွဲ့အား ယာယီသမ္မတ ပြော

တော်လှန်ရေး ဦးဆောင်မှုအခန်းကဏ္ဍ၌ KIO ၏ မဆုတ်မနစ်ပါဝင်မှုကို များစွာလေးစားဂုဏ်ယူသည်ဟုလည်း ပြောကြားခဲ့သည်။

စစ်အာဏာရှင်စနစ် အဆုံးသတ်နိုင်ရေး အားစိုက်လုပ်ဆောင်ရန် KIO အဖွဲ့အား ယာယီသမ္မတ ပြော
စစ်အာဏာရှင်စနစ် အဆုံးသတ်နိုင်ရေး အားစိုက်လုပ်ဆောင်ရန် KIO အဖွဲ့အား ယာယီသမ္မတ ပြော

“KIO အနေဖြင့် အနာဂတ်တွင်လည်း တိုင်းပြည်ကောင်းစားရေး၊ လူထုကောင်းစားရေးအတွက် ရှေ့ဆုံးမှ မားမားမတ်မတ် ဦးဆောင်နိုင်ပါစေ”

ပြည်သူ့ကာကွယ်ရေးတပ်မတော်(PDF)နှင့် ကချင်လွတ်လပ်ရေးတပ်မတော်(KIA)အပါအဝင် မဟာမိတ်အင်အားစုများအကြား ပိုမိုပူးပေါင်းပြီး စစ်အာဏာရှင်စနစ် အဆုံးသတ်နိုင်ရေး အားစိုက်လုပ်ဆောင်ရန် ကချင်လွတ်လပ်ရေးအဖွဲ့(KIO) အား အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလက ပြောကြားလိုက်သည်။

ယနေ့ (အောက်တိုဘာ ၂၅ရက်)တွင် ကျရောက်သည့် KIOတည်ထောင်ခြင်း (၆၃) နှစ်ပြည့်သို့ ပေးပို့သည့် ယာယီသမ္မတ ဒူဝါလရှီးလ၏ ဂုဏ်ပြု အမှတ်တရစကား ၌ယခုကဲ့သို့ ပြောကြားခဲ့ခြင်းဖြစ်သည်။

“မဟာမိတ်အင်အားစုတွေကြား ပူးပေါင်းမှု ယခုထက်ပိုပြီး စစ်အာဏာရှင်စနစ် အဆုံးသတ် အမြစ်ဖြတ်နိုင်ရေး အတူတကွ အားစိုက် လုပ်ဆောင်သွားကြပါစို့။ KIO အနေဖြင့် အနာဂတ်တွင်လည်း တိုင်းပြည်ကောင်းစားရေး၊ လူထုကောင်းစားရေးအတွက် ရှေ့ဆုံးမှ မားမားမတ်မတ် ဦးဆောင်နိုင်ပါစေလို့ ဆန္ဒပြုအပ်ပါတယ်”ဟု ယာယီသမ္မတက ပြောသည်။

တော်လှန်ရေး ဦးဆောင်မှုအခန်းကဏ္ဍ၌ KIO ၏ မဆုတ်မနစ်ပါဝင်မှုကို များစွာလေးစားဂုဏ်ယူသည်ဟုလည်း ပြောကြားခဲ့သည်။

Public Service Announcement

Public Service Announcement

“KIO တည်ထောင်သည့်နေ့ဟာ ကချင်လူမျိုးများအတွက်သာမက ပြည်ထောင်စုတိုင်းရင်းသားအားလုံးအတွက် ဂုဏ်ပြုထိုက်သည့်နေ့ဖြစ်ပါတယ်” ဟု ယာယီသမ္မတက ပြောသည်။

ကချင်လွတ်လပ်ရေးတပ်မတော် (KIA)၏ စစ်ရေးအောင်မြင်မှုများကိုလည်း အလေးအနက်ဂုဏ်ပြုကြောင်း ဖော်ပြခဲ့သည်။

“KIA စစ်ဦးစီးချုပ်မှ ပြည်သူ့ကာကွယ်ရေးတပ်မတော် (PDF) နဲ့အတူ မဟာမိတ်တွေထံ လေးနက်သည့် ဂုဏ်ပြုမှတ်တမ်းတင်စာပေးပို့ခဲ့သည့်အတွက် ဝမ်းသာပီတိဖြစ်ရသလို အထူး ကျေးဇူးတင် ပါတယ်”ဟုလည်း ယာယီသမ္မတက ပြောသည်။

KIA၊PDF အပါအဝင် မဟာမိတ်အင်အားစုများ ပူးပေါင်းပြီး နမ့်ဆန်ယန်ဒေသ တိုက်ပွဲများဆင်နွှဲလျက်ရှိရာ စစ်ကောင်စီတပ်ကို စစ်ရေးအရ အထိနာအောင်တိုက်ခိုက်နိုင်ခဲ့ပြီး အရေးပါသည့် စစ်ကောင်စီတပ်စခန်းအချို့ကို တိုက်ခိုက်သိမ်းပိုက်ထားသည်။

အောင်ဂျာဒေသ စစ်ကောင်စီတပ်စခန်းသိမ်းတိုက်ပွဲပြီးနောက် KIA စစ်ဦးစီးချုပ် ဗိုလ်ချုပ်ခေါင်လွန်းက PDF အပါအဝင် မဟာမိတ်အင်အားစုများကို ဂုဏ်ပြုမှတ်တမ်းတင်သည့်စာပေးပို့ခဲ့ပြီး စစ်အာဏာရှင် တိုက်ဖျက်ရေး အတူဆက်လက်တိုက်ပွဲဝင်ရန် တိုက်တွန်းခဲ့သည်။

ဆက်စပ်သတင်းများ

သတင်း

စစ်အာဏာရှင်စနစ် အဆုံးသတ်ရေး၊ ငြိမ်းချမ်းရေးနဲ့ တည်ငြိမ်ရေး ပြန်လည်တည်ဆောက်ရေး၊ ဒီမိုကရေစီစနစ် ပြန်လည်ရရှိရေး၊ ဖက်ဒရယ်ဒီမိုကရေစီပြည်ထောင်စု တည်ဆောက်ရေးတို့အတွက် ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီ(SCEF)မှာ အဓိက ဦးဆောင်အဖွဲ့အစည်းတစ်ရပ်အဖြစ် လက်တွဲကြိုးပမ်းလျက်ရှိကြောင်း ပြည်ထောင်စုလွှတ်တော်ကိုယ်စားပြုကော်မတီ(CRPH)က ထုတ်ပြန်ပါတယ်။

သတင်း

ကချင်လွတ်လပ်ရေးအဖွဲ့(KIO/KIA)က ဖမ်းဆီးထိန်းသိမ်းထားတဲ့ အကျဉ်းသား ၂၃ဦးကို လွှတ်ပေးခဲ့ကြောင်း KIO/KIA သတင်းပြန်ကြားရေးဌာနက ဖော်ပြပါတယ်။

သတင်း

တော်လှန်ရေးအင်အားစုတွေ ညီညွတ်ဖို့၊ စစ်ရေးအရဟန်ချက်ညီဖို့၊ ဗျူဟာမြောက်ပူးပေါင်းမှု ပိုမြှင့်တင်ဖို့ NUG တိုက်တွန်း

သတင်း

ကချင်ပြည်နယ်၊ ချီဖွေမြို့နယ် ပန်ဝါဒေသ လဂွေကျေးရွာမှာ တရုတ်လုပ်ငန်းရှင်ရဲ့ ယမ်းဂိုဒေါင်ပေါက်ကွဲမှုနဲ့ပတ်သက်ပြီး ထိခိုက်သေဆုံး၊ ပျက်စီးဆုံးရှုံးမှု အခြေအနေ အသေးစိတ် စစ်ဆေးနေကြောင်း ကချင်လွတ်လပ်ရေးတပ်မတော်(KIO/KIA) သတင်းပြန်ကြားရေးဌာနက ဖော်ပြပါတယ်။