ထိခိုက်သေဆုံးများဟုဆို
ထိခိုက်သေဆုံးများဟုဆိုတနင်္သာရီတိုင်း၊ ရေဖြူမြို့နယ်၊ နဘုလယ်ဒေသရှိကျေးရွာများအား စစ်ကြောင်းထိုးပြန်လာသော စစ်ကောင်စီတပ်ယာဥ်နှစ်စီးကို ကြားဖြတ်တိုက်ခိုက်ခဲ့ကြောင်း ထားဝယ်ခရိုင် တပ်ရင်း(၁)မှ တာဝန်ရှိသူတစ်ဦးက ပြောသည်။
နဘုလယ်ဒေသရှိ ပြည်သူ့အိုးအိမ်များအား မီးရှို့ဖျက်ဆီးပြီး ပြန်ထွက်လာသော စစ်ကောင်စီတပ်ယာဥ်နှစ်စီးကို အောက်တိုဘာ ၂၆ ရက် ည ၉ နာရီခွဲတွင် ရန်ကင်းကျေးရွာအနီး၌ ကြားဖြတ်တိုက်ခိုက်ခဲ့ခြင်း ဖြစ်သည်။
တိုက်ခိုက်မှုအတွင်း စစ်ကောင်စီတပ်မှ ၁၆ ဦးသေဆုံးပြီး ၁၀ ဦးထက်မနည်းဒဏ်ရာရသွားပြီး တော်လှန်ရေးတပ်ဖွဲ့များ အထိအခိုက်မရှိခဲ့ဟု ထားဝယ်ခရိုင် တပ်ရင်း(၁)မှ တာဝန်ရှိသူတစ်ဦးက ပြောသည်။
“(ထိခိုက်သေဆုံးစာရင်း)မျက်မြင်အတည်ပြုနိုင်တာလည်းရှိတယ်။ မြေပြင်အချက်အ လက်အရ အတည်ပြုရတာလည်းရှိပါတယ်”ဟု ၎င်းက ဆိုသည်။ သို့သော် ထိခိုက်သေဆုံးမှုအပေါ် လူထုနွေဦးက သီးခြားအတည်မပြုနိုင်ပေ။
Public Service Announcement
အထက်ပါတိုက်ခိုက်မှုကို ထားဝယ်ခရိုင် တပ် ရင်း(၁)နှင့်အတူ ရေဖြူ(ပကဖ)အဖွဲ့ဝင်များဖြစ်သော ဇင်ယော်တပ်ဖွဲ့၊ ဝေဟင်တပ်ဖွဲ့၊ န ဂါးနီပြောက်ကျား တပ်ဖွဲ့နှင့် DDT တပ်ခွဲ (၃)တို့ ပူးပေါင်းတိုက် ခိုက်ခဲ့ခြင်း ဖြစ်သည်။
အောက်တိုဘာ ၁၉ ရက်ကလည်း ရေဖြူနယ်၊ ရန်ကင်းကျေးရွာသို့ စစ်ကြောင်းထိုးလာသော စစ်ကောင်စီတပ်ကို ထားဝယ်ခရိုင် တပ်ရင်း(၁) နှင့်အတူ မဟာမိတ်တပ်ပေါင်းစုများက တစ်ရက်တည်းနှစ်ကြိမ်တိုက်ခိုက်ခဲ့ရာ စစ်ကောင်စီတပ်ဘက်မှ ထိခိုက်သေဆုံးမှုများရှိခဲ့သည်။
စစ်ကောင်စီတပ်များသည် ထားဝယ်အထူးစီးပွားရေးဇုန်အနီးဝန်းကျင်ကျေးရွာများနှင့် နဘုလယ် ဒေသရှိကျေးရွာများသို့ အောက်တိုဘာ တတိယပတ်အတွင်း စတင်စစ်ကြောင်းထိုးဝင်ရောက်၍ ဒေသခံပြည်သူများ၏ နေအိမ် ၁၀လုံးထက်မနည်းကို မီးရှို့ဖျက်ဆီးခဲ့သည်။
