Connect with us

Hi, what are you looking for?

LuduNwayOo

သတင်း

ဟုမ္မလင်းမြို့နယ်၌ တိုက်ပွဲပြင်းထန်၊ လမ်းပိုင်းအချို့အား ပိတ်ထားကြောင်း PDF အသိပေး

လက်ရှိစစ်ရေးအရ တော်လှန်ရေးတပ်ပေါင်းစုအနေဖြင့် လွှစင်ကုန်းတစ်ရွာလုံးကို သိမ်းပိုက်ထားပြီး စစ်ကောင်စီခံစစ်စခန်းကို ပိတ်ဆို့ထားသည်ဟု သည်။

စစ်ကောင်စီနှင့် တိုက်ပွဲအတွင်းမှ ဟုမ္မလင်း PDFမှ ရဲဘော်အား တွေ့ရစဥ်။ ဓာတ်ပုံ - ဟုမ္မလင်း PDF
စစ်ကောင်စီနှင့် တိုက်ပွဲအတွင်းမှ ဟုမ္မလင်း PDFမှ ရဲဘော်အား တွေ့ရစဥ်။ ဓာတ်ပုံ - ဟုမ္မလင်း PDF

စစ်ကိုင်းတိုင်း၊ ဟုမ္မလင်းမြို့နယ်ရှိ လွှစင်ကုန်းကျေးရွာ၌ တိုက်ပွဲပြင်းထန်နေကြောင်း ဟုမ္မလင်း PDF တာဝန်ရှိသူက လူထုနွေဦးသို့ ပြောသည်။

ယနေ့ (နိုဝင်ဘာ ၇ ရက်)ကစ၍ ဟုမ္မလင်းမြို့နယ်ရှိ နောင်ပိုအောင် – လွှစင်ကုန်း – အောင်ပင်လမ်းပိုင်း၊ နောင်ပိုအောင် – အထက်အော်သော် – ခုံတန်းကျေးရွာ လမ်းပိုင်းများအား အသုံးမပြုကြရန် တားမြစ်လိုက်သည်။

“ဒီလ ၂ ရက်နေ့ကတည်းက တိုက်ပွဲစတာပေါ့။စကစနဲ့ SNA(ရှမ်းနီပြည်သူ့စစ်)က လွှစင်ကုန်း‌ရွာမှာရှိတဲ့ ဘုန်းကြီးကျောင်းမှာ ဘန်ကာတွေ ဆောက်ပြီး အခိုင်အမာခံစစ်ပြင်ထားတာ” ဟု အထက်ပါတာဝန်ရှိသူက ပြောသည်။

လက်ရှိစစ်ရေးအရ တော်လှန်ရေးတပ်ပေါင်းစုအနေဖြင့် လွှစင်ကုန်းတစ်ရွာလုံးကို သိမ်းပိုက်ထားပြီး စစ်ကောင်စီခံစစ်စခန်းကို ပိတ်ဆို့ထားသည်ဟု သည်။

လွှစင်ကုန်းရွာမှ နောင်ပိုအောင်ကျေးရွာကို ဖြတ်သန်းပြီးပါက ဟုမ္မလင်းမြို့သို့ရောက်ရှိနိုင်သည်။ထို့ကြောင့် စစ်ကောင်စီက လွှစင်ကုန်းကျေးရွာအား ခံစစ်အဖြစ်လက်မလွှတ်ရရေး ကြိုးပမ်းနေခြင်းဖြစ်သည်။

Public Service Announcement

Public Service Announcement