ပေါင်းခေါင်းမြို့နယ် လှည်းကူးကျေးရွာအုပ်စုမှ စစ်သင်တန်းဆင်း ပျူစောထီးခေါင်းဆောင်ဟုဆိုသူတစ်ဦးကို ပစ်ခတ်ရှင်းလင်းခဲ့ကြောင်း ပြည်ခရိုင် တပ်ရင်း(၃၆၀၁)မှ တာဝန်ရှိသူတစ်ဦးက ပြောသည်။
လှည်းကူးအုပ်စု ကျောက်ပြင်သာရွာမှ စစ်ကောင်စီထောက်တိုင်ပျူစောထီးခေါင်းဆောင် ဝင်းနိုင်ဆိုသူအား ယမန်နေ့ ညနေ ၃နာရီခွဲတွင် ပြည်ခရိုင်တပ်ရင်း (၃၆၀၁)၊ တပ်ခွဲ(၅)နွေဦးအဖွဲ့နှင့် တပ်ရင်း ၃၆၀၂၊ တပ်ခွဲ(၃)တို့မှ ၎င်း၏ခြံဝင်းအတွင်းဝင်ရောက်ကာ သေနတ်ဖြင့် ငါးချက်ပစ်ခတ်ခဲ့ကြောင်း သိရသည်။
“သူ၏နေအိမ်ခြံဝင်းအတွင်းဝင်ရောက် ပစ်ခတ်ရှင်းလင်းရာ ဦးခေါင်းထိမှန်ပြီးနေရာမှာတင်ပွဲခြင်းပြီးသေဆုံးသွားပါသည်”ဟု တပ်ရင်း(၃၆၀၁)က အသိပေးသည်။
အဆိုပါ ဝင်းနိုင်ဆိုသူမှာ လှည်းကူအုပ်စုအတွင်း ကျေးလက်စိုက်ပျိုးရေးချေးငွေ ဘဏ်ဥက္ကဋ္ဌအဖြစ် လုပ်ကိုင်ရာတွင် လယ်သမားများအား စိုက်ပျိုးရေးချေးငွေများကိုအတင်းအကြပ်ဖိအားပေးဆပ်ခိုင်းခြင်း၊ တော်လှန်ရေးရဲဘော်များ၏ သတင်းကိုစုံစမ်းကာ စစ်ကောင်စီထံ ပေးပို့ခြင်း၊ ပျူစောထီးသင် တန်းဆင်းတစ်ဦးလည်းဖြစ်၍ ယခုကဲ့သိုပစ်ခတ်ရှင်လင်းရခြင်းဖြစ်သည်ဟု ဆိုသည်။
ပျူစောထီးခေါင်းဆောင်ဝင်းနိုင်ဆိုသူ၏ ဆရာနှင့်တပည့်များ၊ ပျူစောထီးစာရင်းများကိုလည်းရရှိထားပြီးဖြစ်ရာ အချိန်မီပြည်သူ့လူထုနှင့် ပူးပေါင်းကြရန် တော်လှန်တပ်ဖွဲ့များက တိုက်တွန်းထားကာ ဆက်လက်လုပ်ဆောင်နေပါက ပြတ်ပြတ်သားသားအရေးယူသွားမည်ဟု ထုတ်ပြန်ထားသည်။
Public Service Announcement
ပြည်ခရိုင်အတွင်း စစ်ကောင်စီတပ်နှင့် ၎င်း၏ထောက်တိုင်များအား စစ်ရေးပစ်မှတ်မှတ်များအဖြစ်သတ်မှတ်တိုက်ခိုက်လျှက်ရှိရာ ယမန်နေ့(နိုဝင်ဘာ ၈)နေ့လယ်ပိုင်းက ပဲခူးရိုးမပေါ် စစ်ကြောင်းထိုးလာသော စစ်ကောင်စီတပ်ကို မရိုးကျွန်းနှင့် သရက်စမ်းရွာကြားတွင် ပြည်ခရိုင် တပ်ရင်း(၃၆၀၁)က မိုင်းဆွဲတိုက်ခိုက်ခဲ့သေးသည်။
