စစ်ကောင်စီတပ် ထိခိုက်မှုများဟုဆို
စစ်ကောင်စီတပ် ထိခိုက်မှုများဟုဆိုစစ်ကိုင်းတိုင်း တန့်ဆည်မြို့ပေါ် ရှိ စစ်ကောင်စီ၏ ဌာနဆိုင်ရာရုံးများ၌တပ်စွဲထားသော စစ်ကောင်စီတပ်များကို ပြည်သူ့ကာကွယ်ရေးတပ်ဖွဲ့များက ယနေ့ နံနက် အစောပိုင်းတွင် စီးနင်းတိုက်ခိုက်ခဲ့သည်။
မြို့ရှိ စစ်ကောင်စီတပ်သားများ တပ်စွဲထားသော ပြည်သူ့ဆေးရုံ၊ အထက(၁)စာသင်ကျောင်းနှင့် ဘောလုံးကွင်းတို့အား စီးနင်းတိုက်ခိုက်ခဲ့ခြင်း ဖြစ်သည်။
“ဆေးရုံ၊ စာသင်ကျောင်းနဲ့ ဘောလုံးကွင်းက စခ(စစ်ကောင်စီတပ်သား)တွေကို ဝင်ဆော်တာ။ ဘောလုံးကွင်းကတော့ ရဲစခန်းနဲ့ နီးလို့ ပိုင်ပိုင်နိုင်နိုင် မလုပ်နိုင်ခဲ့ဘူး”ဟု တန့်ဆည်မြို့နယ်မှပြည်သူ့ကာကွယ်ရေးရဲဘော်တစ်ဦးက ပြောသည်။
တိုက်ပွဲသည် ယနေ့ နံနက်စော ၁၂နာရီခွဲမှစတင်ခဲ့ပြီး နံနက် ၃နာရီခန့်တွင် ပြီးဆုံးခဲ့သည်။
Public Service Announcement
” စခတွေက တိုက်ပွဲစကတည်းက ခံမတိုက် ဘဲ ရှောင်ထွက်သွားတယ်။ အကုန်အပိုင်သိမ်းတာမဟုတ်တဲ့အတွက် ပြန်ဆုတ်ခဲ့တာပါ”ဟု တိုက်ပွဲဝင်ကာကွယ်ရေးရဲဘော်တစ်ဦးက ပြောသည်။
တိုက်ပွဲအတွင်း စစ်ကောင်စီဘက်တွင် အထိအခိုက်များပြားခဲ့သော်လည်း အသေးစိတ်အခြေအနေကို မသိရှိရသေးဟု ဆိုသည်။
အဆိုပါ တိုက်ခိုက်မှုကို အမှတ်(၁)စစ်ဒေသ ၊ရွှေဘိုခရိုင်ကွပ်ကဲရေးကဦးဆောင်ကာ ပြည်သူ့ကာကွယ်ရေးတပ်မတော် ရွှေဘိုခရိုင် တပ်ရင်း(၆)၊ တပ်ရင်း(၇)၊ တပ်ရင်း(၈)၊ တပ်ရင်း(၉)၊ တပ်ရင်း(၁၀)၊ တပ်ရင်း(၁၆)၊ တပ်ရင်း(၂၅)၊ တန့်ဆည်မြို့နယ်ပကဖ နှင့် ဒေသကာကွယ်ရေးတပ်များ ပူးပေါင်းတိုက်ခိုက်ခဲ့ခြင်းဖြစ်သည်။
“ရွှေဘိုခရိုင်ရင်း(၉)က ရဲဘော်တစ်ဦးကျဆုံးခဲ့ပါတယ်။ ရုပ်အလောင်း ပြန်ရပါတယ်”ဟု ပြည်သူ့ကာကွယ်ရဲဘော်တစ်ဦးက ပြောသည်။
