မုံရွာ – ချောင်းဦးလမ်းပိုင်းတွင် စစ်ကောင်စီယာဥ်နှစ်စီးအား မိုင်းဆွဲတိုက်ခိုက်

စစ်ကိုင်းတိုင်း၊ မုံရွာမြို့နယ်၊ မုံရွာ – ချောင်းဦးလမ်းပိုင်းတွင် အင်အားလာဖြည့်သည့် စစ်ကောင်စီယာဥ်နှစ်စီးအား မိုင်းဆွဲတိုက်ခိုက်ခဲ့ကြောင်း Brave Heart Army-BHA ၏ ပြန်ကြားရေးတာဝန်ခံက ပြောသည်။

နိုဝင်ဘာ ၂၆ ရက် နေ့လယ် ၁၂ နာရီဝန်းကျင်က ​မုံရွာမြို့နယ်၊ ဗောဓိတစ်ထောင်အနီးရှိ စစ်ကောင်စီစခန်းသို့ အင်အားလာဖြည့်သည့် ဂျန်ပါ(မိုင်းဖြတ်စက်)တပ်ဆင်ထားသော စစ်သား ၅၀ခန့်ပါ ယာဥ်နှစ်စီးအား ပဒေသာမိုင်း ၅လုံးဖြင့် ဖောက်ခွဲတိုက်ခိုက်ခဲ့ကြောင်း Brave Heart Army-BHA ၏ ပြန်ကြားရေးတာဝန်ခံက ပြောသည်။

နိုဝင်ဘာ ၂၄ ရက်က ဗောဓိတစ်ထောင်ဘက်ရှိ စစ်ကောင်စီစခန်းအား ဒေသတွင်းPDFများက သွားရောက်တိုက်ခိုက်ခဲ့ရာ ထိခိုက်မှုရှိ၍ စစ်ကူလာသည့် ယာဥ်များအား အပြန်တွင် မိုင်းဆွဲတိုက်ခိုက်ခဲ့ခြင်းဖြစ်ကြောင်း အထက်ပါတာဝန်ခံက ဆိုသည်။

“ဒဏ်ရာရတဲ့ကောင်တွေကို လာခေါ်ရင်းနဲ့ စစ်ကူပေးတဲ့ကားတွေကို အပြန်ကျ ပဒေသာမိုင်းနဲ့​ဆွဲလိုက်တာ။ မုံရွာအဝင်ကို မိုင်းထပ်ဆွဲလိုက်တာ။ မှန်တွေကွဲသွားတယ်။ မအူဂိတ်မှာတော်တော်ကြာကြာ ထိုးရပ်သွားတယ်။”ဟု BHA၏ ပြန်ကြားရေးတာဝန်ခံက ပြောသည်။

Public Service Announcement

ဖြစ်စဥ်နှင့်ပတ်သက်၍ ထိခိုက်မှုအခြေအနေကို မသိရသေးပေ။

အဆိုပါ စစ်ဆင်ရေးကို Brave Heart Army-BHA အဖွဲ့သားများ ဉီးဆောင်၍ CHINDWIN FIGHTER GROUP-CFG နှင့် ပူးပေါင်းတိုက်ခိုက်ခဲ့ကြောင်း အသိပေးထားသည်။