စစ်ကိုင်းတိုင်း၊ အရာတော်မြို့နယ်တွင် စစ်ကောင်စီတပ်က ဒေသခံပြည်သူများအား စစ်ရေးအရအသုံးချမှုများပြုလုပ်နေ၍ သတိပြုရမည့်အချက် ငါးချက်အား အရာတော်မြို့နယ် ပြည်သူ့ကာကွယ်ရေးအဖွဲ့က ထုတ်ပြန်သည်။
အရာတော်မြို့နယ်အတွင်း စစ်ကောင်စီတပ်က ပြည်သူများအား ဖမ်းဆီးခြင်း ၊ငွေတောင်ူခံခြင်း ၊ လူသားဒိုင်းအဖြစ်အသုံးပြုခြင်းနှင့် ပြည်သူပိုင်ယာဉ်များကို ပြန်ပေးဆွဲကာ စစ်တပ်၏ ထောက်ပို့လုပ်ငန်းများတွင် အသုံးပြုခြင်း စသော စစ်ရေးအရအသုံးချလာမှုများရှိနေကြောင်း အရာတော်(ပကဖ)က ဒီဇင်ဘာ ၃ ရက်တွင် ထုတ်ပြန်သည်။
ထို့ကြောင့် ပြည်သူများအနေဖြင့် စစ်ကောင်စီတပ်စွဲထားသော ဂိတ်နေရာများအား ရှောင်ကွင်းနိုင်သောလမ်းများမှသာ သွားလာရန်၊ နယ်မြေခံတော်လှန်ရေး အဖွဲ့အစည်းများနှင့် ချိတ်ဆက်ပြီးမှသာ ခရီးသွားလာခြင်း၊ ကုန်သယ်ခြင်းများ ပြုလုပ်ရန်၊ စစ်ကောင်စီလက်အောက်ခံရုံးဌာနများသို့ သွားလာခြင်း မပြုရန်၊ တော်လှန်ရေးသတင်းများအား အမြဲမပြတ်နားစွင့်ထားပြီး မိမိလုံခြုံရေးအတွက် ကြိုတင်ပြင်ဆင်ထားရန်နှင့် အများပြည်သူလုံခြုံရေးအတွက် စစ်ကောင်စီတပ်များ၏ လှုပ်ရှားမှုများအား နီးစပ်ရာ တော်လှန်ရေး အင်အားစုများထံ သတင်းပေးပို့ပြီး ပူးပေါင်းပါဝင်ကြရန် စသည့် အချက် ငါးချက်အား အရာတော်(ပကဖ)အဖွဲ့က အသိပေးသည်။
အရာတော်မြို့အနောက်ဘက် ထွက်ဂိတ်နှင့် မြို့မြောက်ဘက်ဂိတ်ရှိ စစ်ကောင်စီတပ်သည် ကုန်သယ်ယာဉ်များ၊ ခရီးသွားယာဉ်များကို နေ့စဉ်ပုံမှန်တားဆီး၍ ငွေကြေးကောက်ခံနေကြောင်း၊ ထို့အပြင် ငွေကြေးတောင်းခံရုံသာမကဘဲ အခြားသော အသုံးချမှုများပြုလုပ်နေ၍ သတိပေးရခြင်းဖြစ်ကြောင်း သတင်းရရှိသည်။
Public Service Announcement
