Connect with us

Hi, what are you looking for?

LuduNwayOo

သတင်း

အုတ်ဖိုမြို့ရှိ စစ်ကောင်စီ စရဖရုံး ပေါက်ကွဲမှုဖြစ်ပြီး မီးလောင်ပြာကျ

ယနေ့မွန်းလွဲ ၂ နာရီ ၄၀ ခန့်က အုတ်ဖိုမြို့၊ မိုးညိုတန်းရပ်ကွက်၊ ချမ်းမြသာမြေ(၂)လမ်းရှိ စစ်ကောင်စီ စရဖရုံးအတွင်းမှ ပေါက်ကွဲမှုဖြစ်ပွားကာ ယင်းပေါက်ကွဲမှုမှတဆင့် မီးလောင်မှုဖြစ်ပွါးခဲ့ခြင်းဖြစ်ကြောင်း ဒေသခံများက ပြောသည်။

(အုတ်ဖိုမြို့ရှိ စစ်ကောင်စီ စရဖရုံး ပေါက်ကွဲမှုဖြစ်ပြီး မီးလောင်နေစဥ်။ ဓာတ်ပုံ-CJ/ပေးပို့)
(အုတ်ဖိုမြို့ရှိ စစ်ကောင်စီ စရဖရုံး ပေါက်ကွဲမှုဖြစ်ပြီး မီးလောင်နေစဥ်။ ဓာတ်ပုံ-CJ/ပေးပို့)

ပဲခူးတိုင်းအနောက်ခြမ်း အုတ်ဖိုမြို့ရှိ စစ်ကောင်စီ စစ်ဖက်ရေးရာ လုံခြုံရေးတပ်ဖွဲ့(စရဖ)ရုံးတွင် ယနေ့(ဖေဖော်ဝါရီ ၂၅)နေ့ လယ်ပိုင်းက ပေါက်ကွဲမှုဖြစ်ကာ မီးလောင်ပြာကျသွားကြောင်း ဒေသခံပြည်သူများက People’s Spring သတင်းဌာနသို့ ပြောသည်။

ယနေ့မွန်းလွဲ ၂ နာရီ ၄၀ ခန့်က အုတ်ဖိုမြို့၊ မိုးညိုတန်းရပ်ကွက်၊ ချမ်းမြသာမြေ(၂)လမ်းရှိ စစ်ကောင်စီ စရဖရုံးအတွင်းမှ ပေါက်ကွဲမှုဖြစ်ပွားကာ ယင်းပေါက်ကွဲမှုမှတဆင့် မီးလောင်မှုဖြစ်ပွါးခဲ့ခြင်းဖြစ်ကြောင်း ဒေသခံများက ပြောသည်။

“ရုံးထဲဗုံးထောင်တာလို့လည်း ပြောတယ်။ ပေါက်ကွဲပြီးမှ မီးထလောင်တာ။ ဘေးပတ် ဝန်းကျင်ကို မီးကူးတာမျိုးတော့မရှိဘူး။ အဲနားမှာ စိုက်/ဘဏ်(စိုက်ပျိုးရေးနှင့် မွေးမြူရေးဘဏ်)လည်း ရှိတယ်”ဟု အုတ်ဖိုမြို့မှ ဒေသခံတစ်ဦးက ပြောသည်။

အဆိုပါ ပေါက်ကွဲမှုဖြစ်ပြီး မီးလောင်ခဲ့သော စစ်ကောင်စီ စရဖရုံးနေရာသို့ အုတ်ဖိုမီးသတ်နှင့် သာယာဝတီခရိုင်မီးသတ်များ ရောက်ရှိလာသော်လည်း မီးအားများပြီးအရှိန်မထိန်းနိုင်သောကြောင့် ရုံးမှာမီးလောင်ပြာကျသွားကြောင်း ၎င်းဒေသခံက ဆက်ပြောသည်။

Public Service Announcement

Public Service Announcement

အုတ်ဖိုမြို့နယ် စရဖရုံးတွင် စစ်ကောင်စီတပ်နှင့် ရဲများက ပြည်သူများကို ဖမ်းဆီးကာ စစ်ဆေးမေးမြန်းခြင်း၊ ရိုက်နှက်နှိပ်စက်ခြင်းများလုပ်ဆောင်လျှက်ရှိရာ ပြီးခဲ့သည့် ၂၀၂၃ ခုနှစ်သြဂုတ်လအတွင်းက မင်းလှမြို့၊ ဇီးကုန်းလေးရပ်ကွက်နေ ကိုသိန်းလှိုင်(ခ)ပတ်တီးဆိုသူအား သတင်းမှားဖြန့်သည်ဟု စွပ်စွဲဖမ်းဆီးရိုက်နှက်ရာ ၎င်းစရဖရုံးစစ်ကြောရေးတွင် သေဆုံးခဲ့သေးသည်။

“ပေါက်ကွဲပြီးမှ မီးလောင်တယ်ဆိုတာ ဟုတ်တယ်ဗျ။ ဘယ်အဖွဲ့အစည်းက လုပ်တာလည်းတော့ မသိဘူး။ သူတို့အချင်းချင်းပဲ လုပ်တာလား သေချာတော့ မသိရသေးဘူးဗျ”ဟု အုတ်ဖိုမြို့မှ ဒေသခံနောက်တစ်ဦးက ပြောသည်။

အထက်ပါ စစ်ကောင်စီ စရဖ ရုံးပေါက်ကွဲမီးလောင်ချိန်တွင် ဖမ်းဆီးစစ်ဆေးခံနေရသော ပြည်သူတစ်ဦးမျှ ရုံးအတွင်းရှိမနေဘဲ စစ်ကောင်စီတပ်သားအချို့သာရှိနေပြီး ထိခိုက်သေဆုံးမှုရှိ မရှိ မသိရသေးပေ။

ဆက်စပ်သတင်းများ

သတင်း

လောလောဆယ်အခြေအနေတွင် မြဝတီမြို့၌ တိုက်ပွဲဖြစ်လာနိုင်ဖွယ်မရှိိကြောင်း လုံခြုံရေးသတင်းရင်းမြစ်က ပြောသည်။

သတင်း

ကော့ကရိတ်မြို့သို့ စစ်ကူရောက်ရှိလာသော စစ်ကြောင်းမှာ မည်သည့်လမ်းကြောင်းမှ ရောက်ရှိလာသည်ကို မသိရဘဲ အင်အား ရာနှင့်ချီပါဝင်သည်ဟု ရဲဘော်တစ်ဦးက ပြောသည်။

သတင်း

လွယ်ဂျယ်က ရရှိခဲ့သည့် ငွေများနှင့်ပတ်သက်ပြီး မည်သို့ စီမံသည်ဆိုသည်ကို ဗိုလ်ချုပ်ကြီး ဂွန်မော်က KIO ဘဏ္ဍာရေးဌာန၏ စည်းမျဉ်းအမှတ်(၆၄)၌ ပြဌာန်းထားသည့် အချက်များကို ၎င်း၏ Facebookမှ တဆင့် ရှင်းပြခဲ့သည်။

ဆောင်းပါး

မြဝတီမြို့ပြင်တိုက်ပွဲများကြောင့် မြို့ခံအချို့မှာ လုံခြုံရေးအခြေအနေစိုးရိမ်၍ ယခုရက်ပိုင်းအတွင်း ထိုင်းနိုင်ငံ၊​ မဲဆောက်မြို့သို့ ပြောင်းရွှေ့နေထိုင်မှုများလည်း ရှိနေသည်။