Connect with us

Hi, what are you looking for?

LuduNwayOo

သတင်း

သင်္ဃန်းညီနောင် ခမရ(၃၅၅) တပ်ရင်းမှ လက်နက်မျိုးစုံ ၁၄၀ လက်ရပြီး၊ စစ်ကောင်စီတပ်ဖွဲ့ဝင်များစွာ သေဆုံးဟု KNLA ဌာနချုပ် ထုတ်ပြန်

သင်္ဃန်းညီနောင် အပါအဝင် မြ၀တီရှိ စစ်ကောင်စီတပ်စခန်းအားလုံး ရရိရေး ရည်မှန်း ထိုးစစ်ဆင်နေခြင်းဖြစ်သည်ဟုသိရသည်။

(ခမရ(၃၅၅)တပ်စခန်းမှ သိမ်းဆည်းရရှိ​သော လက်နက် ၊ ခဲယမ်းကျည်နှင့် စစ်အသုံးအ​ဆောင်ပစ္စည်းများ။ ဓာတ်ပုံ - KNLA)
(ခမရ(၃၅၅)တပ်စခန်းမှ သိမ်းဆည်းရရှိ​သော လက်နက် ၊ ခဲယမ်းကျည်နှင့် စစ်အသုံးအ​ဆောင်ပစ္စည်းများ။ ဓာတ်ပုံ - KNLA)

ကရင်ပြည်နယ် မြ၀တီမြို့နယ်သင်္ဃန်းညီနောင်စစ်ကောင်စီအခြေစိုက် တပ်ရင်းသိမ်းပိုက်မှုအတွင်း လက်နက်ကြီး၊ လက်နက်ငယ် ၁၄၀ လက် ရရှိခဲ့ကြောင်း ကရင်အမျိုးသားလွတ်မြောက်ရေးတပ်မတော် (KNLA) ဗဟိုဌာနချုပ်က ယနေ့(မတ် ၁၃) ထုတ်ပြန်သည်။

KNLA တပ်မဟာ(၆) တပ်မဟာစစ်ကြောင်းဦးဆောင်​​သောပူးပေါင်းတပ်ဖွဲ့မှ စစ်ကောင်စီတပ်စကခ(၁၂)လက်အောက်ခံ ခမရ (၃၅၅)တပ်စခန်းအား မတ်လ ၇ရက် မနက်တွင် စတင်တိုက်ခိုက်ခဲ့ရာ ညနေပိုင်း၌ စခန်းသိမ်းနိုင်ခဲ့ခြင်းဖြစ်သည်။

စခန်းသိမ်းတိုက်ပွဲအတွင်း စစ်ကောင်စီတပ်ထံမှစစ်မော်တော်ယာဥ်ပေါင်း (၆)စီး၊RPG ၊ NATOစက်လတ်အပါအဝင် လက်နက်ငယ်မျိုးစုံပေါင်း (၁၂၇)လက် ၊ 60mm ၊ 81mm လက်နက်ကြီးစိန်ပြောင်းမျိုးစုံ(၁၃)လက် ရရှိခဲ့သည်ဟု ဓာတ်ပုံမှတ်တမ်းနှင့်အတူ ဖော်ပြသည်။

ထို့ပြင် လက်နက်မျိုးစုံတို့၏ ခဲယမ်းကျည်များ ၊ ဆက်စပ်ပစ္စည်းများ နှင့်စစ်အသုံးအဆောင်ပစ္စည်းအမြောက်အများ သိမ်းဆည်းရရှိကာ စစ်ကောင်စီတပ်ဖွဲ့ဝင်များစွာသေဆုံးဒဏ်ရာရရှိခဲ့ကြောင်း KNLAက ထုတ်ပြန်သည်။

Public Service Announcement

Public Service Announcement

KNLA ပူးပေါင်းတပ်သည် မြ၀တီမြို့ကိုသိမ်းပိုက်ရန် ရည်ရွယ်ပြီးမတ်လ ၇ ရက်မှစ၍ထိုးစစ်ဆင်လျက်ရှိရာ သင်္ဃန်းညီနောင်ရှိခမရ( ၃၅၅) အား သိမ်းပိုက်ပြီးနောက် ကျန်တပ်ရင်းများ သိမ်းပိုက်နိုင်ရေး ထိုးစစ်ဆင်လျက်ရှိသည်။ စစ်ကောင်စီ ရဲစခန်းတစ်ခုနှင့် မြ၀တီမြို့နယ် ဖလူးစစ်စခန်းတို့ကိုလည်း KNLA ပူးပေါင်းတပ်က သိမ်းပိုက်ထားသည်။သို့​သော် ရဲစခန်းနှင့် ဖလူးစစ်စခန်းသိမ်းပိုက်မှုတို့နှင့်ပတ်သပ်၍ သတင်းမထုတ်ပြန်​သေး​ပေ။

ကရင်စစ်​ရေးသတင်းရင်းမြစ်တစ်ဦးက KNU ပူးပေါင်းတပ်အနေဖြင့် ခမရ(၃၅၅) အပြင် ခမရ (၃၅၆)ကိုပါသိမ်းထားနိုင်ပြီဟု ပြောသည်။

သင်္ဃန်းညီနောင် အပါအဝင် မြ၀တီရှိ စစ်ကောင်စီတပ်စခန်းအားလုံး ရရိရေး ရည်မှန်း ထိုးစစ်ဆင်နေခြင်းဖြစ်သည်ဟုသိရသည်။

“အဲဒီ ဗျူဟာကုန်းရရင် မြ၀တီကိုကျနော်တို့ထိန်းလို့ရပြီပေါ့။ သူတို့ စခန်းတွေကကပ်လျက်ပေါ့။ မနီးမဝေး။ဗျုဟာတော့ တော်တော်ဆော်ရမယ်” ဟု ကရင်သတင်းရင်းမြစ်က ပြောပြသည်။

မြ၀တီမြို့နယ် တိုက်ပွဲ စစ်ကောင်စီတပ်က လေကြောင်း ပစ်ကူ ပေး တိုက်ခိုက်မှုများ ရှိခဲသည်။ မြ၀တီ တိုက်ပွဲ၌ စစ်ကောင်စီဘက်က နယ်ခြားစောင့်တပ် BGF တပ်များ ဝင်ကူခြင်းမရှိ၍ စစ်ကောင်စီတပ် ပိုအထိနာနေသည်ဟုလည်း ကရင်သတင်းရင်းမြစ်က ပြောပြသည်။

​မြေပြင်တိုက်ပွဲများတွင် အထိနာ​နေ​သော စစ်​ကောင်စီက ​လေ​ကြောင်း တိုက်ခိုက်မှုများဖြင့် စခန်းများအားလုံးမကျရန် ကြိုးစား​နေသည်။

ဆက်စပ်သတင်းများ

သတင်း

တိုက်ခိုက်မှုကြောင့် တင်းဂါတ်ပျူစောထီးကျေးရွာမှ ပျူ ဒုလက်ထောက်သန့်ဇင် အပါအဝင် စစ်သားနှင့်ပျူစောထီး ရှစ်ဦး ထိခိုက်ဒဏ်ရာရရှိခဲ့ကြောင်း မြိုင်ပကဖက ဆိုသည်။

သတင်း

တိုက်ခိုက်မှုကြောင့် ဒုရဲအုပ်တစ်ဦး၊ ရဲဒုတပ်ကြပ် နှစ်ဦးနှင့် ရဲတပ်သား သုံးဦး စုစုပေါင်း ခြောက်ဦး သေဆုံးကြောင်း တော်လှန်ရေးအင်အားစုများက ပြောသည်။

သတင်း

ရက္ခိုင်ဒေသ၌ စစ်ကောင်စီ၏ စစ်ဆင်ရေးကွပ်ကဲမှုဌာနချုပ် (စကခ)များဖြစ်ကြသော စကခ (၅) တောင်ကုတ်၊ စကခ (၉)ကျောက်တော်နှင့် စကခ (၁၅)ဘူးသီးတောင်တို့ရှိရာ ကျောက်တော်နှင့် ဘူးသီးတောင်မြို့နယ်ရှိ စကခ ဌာနချုပ်များကို သိမ်းပိုက်ထားနိုင်ခဲ့ပြီးဖြစ်သည်။

သတင်း

ပျူရွာများထဲမှ မြောက်ခင်ရမ်းရွာသည် စစ်တပ်မှအငြိမ်းစားယူခဲ့သည့် လွှတ်တော်ကိုယ်စားလှယ်ဟောင်း ဘူးလက်လှ‌ ဆွေ၏ ဇာတိဖြစ်ပြီး စစ်ကောင်စီ၏ အမာခံပျူ‌​စောထီးရွာဖြစ်သည်။