Connect with us

Hi, what are you looking for?

LuduNwayOo

သတင်း

မတ္တရာမြို့နယ်တွင် စစ်ကောင်စီတပ်က ကျေးရွာ လေးရွာ မီးရှို့ဖျက်ဆီး၊ မီးငြှိမ်းသတ်သည့် ပြည်သူတစ်ဦးကို ပစ်သတ်

နေအိမ်မီးလောင်၍ မီးငြှိမ်းသတ်သည့် ပြည်သူတစ်ဦးကိုလည်း စစ်ကောင်စီတပ်က ပစ်ခတ်သတ်ဖြတ်သွားကြောင်း ဒေသခံများက ပြောသည်။

(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)
(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)

အင်ကြင်း/People’s Spring

မန္တလေးတိုင်း၊ မတ္တရာမြို့နယ်တွင် စစ်ကောင်စီတပ်က ကျေးရွာ လေးရွာအား မီးရှို့ဖျက်ဆီးရာ နေအိမ် ၁၅၀ငကျော် ဆုံးရှုံးပြီး ဝင်ရောက်မီးငြှိမ်းသတ်သည့် ပြည်သူတစ်ဦးကိုပါ သတ်ဖြတ်သွားကြောင်း ဒေသခံများက ပြောသည်။

မတ်လ ၃၀ရက်မှ ဧပြီ ၁ရက်အတွင်း မတ္တရာမြို့နယ်အနောက်ခြမ်းမှ ဧရာဝတီမြစ်ကူး၍ စစ်ကိုင်းတိုင်း၊ ဝက်လက်မြို့နယ်၊ ရှိမ်းမကားကျေးရွာသို့ ရိက္ခာပို့မည့်စစ်ကြောင်းက ကျေးရွာများအား ဝင်ရောက်မီးရှို့ဖျက်ဆီးခဲ့ခြင်းဖြစ်ကြောင်း ဒေသခံများက ပြောသည်။

(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)
(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)

အဆိုပါ စစ်ကြောင်း၏ မီးရှို့ဖျက်ဆီးမှုကြောင့် မတ္တရာမြို့နယ် အနောက်ခြမ်းရှိ ထိန်ပင်စောက် ကျေးရွာမှ နေအိမ် ၇၅လုံး၊ မြွေကူးတို့ဆိပ်ရွာမှ နေအိမ် ၅လုံး၊ ဥဒိန်ရွာမှ နေအိမ် ၆၇လုံးနှင့် မြွေတဲအုပ်ရွာမှ နေအိမ် လေးလုံးတို့ မီးရှို့ဖျက်ဆီးခံရကြောင်း Wetlet Informational Network အဖွဲ့၏ တာဝန်ရှိသူတစ်ဦးက ပြောသည်။

Public Service Announcement

Public Service Announcement

ထို့အပြင် နေအိမ်မီးလောင်၍ မီးငြှိမ်းသတ်သည့် ပြည်သူတစ်ဦးကိုလည်း စစ်ကောင်စီတပ်က ပစ်ခတ်သတ်ဖြတ်သွားကြောင်း ဒေသခံများက ပြောသည်။

“မီးငြှိမ်းတာကို ပစ်သတ်ခံရတာကနာမည်က ဦးကျော်ကျော်ဦး၊ အသက် ၅၀ကျော်ပါ။ ဥဒိန်ရွာက တစ်ဦးလည်း ပျောက်ဆုံးနေတယ်။”ဟု Wetlet Informational Network အဖွဲ့၏ တာဝန်ရှိသူတစ်ဦးက ပြောသည်။

(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)
(မီးရှို့ဖျက်ဆီးခံရသော နေအိမ်များအား တွေ့ရစဥ်။ ဓာတ်ပုံ-Wetlet Informational Network)

မတ်လ ၃၁ ရက်က အဆိုပါ စစ်ကြောင်းနှင့် ဒေသတွင်း PDFများမှာ ဝက်လက်မြို့နယ်အရှေ့ခြမ်း၊ ရှိမ္မကားနယ်မြေရဲစခန်းအနီးတွင် တိုက်ပွဲဖြစ်ပွားရာ စစ်အုပ်စုဝင်များ ထိခိုက်မှုရှိပြီး ပြည်သူ့ကာကွယ်ရေး ရဲဘော်တစ်ဦးလည်း ကျဆုံးခဲ့သည်။

ပြီးခဲ့သည့် မတ်လ ၂၃ရက်ကလည်း မတ္တရာမြို့နယ်အရှေ့ခြမ်းတွင် စစ်ကောင်စီတပ်က တစ်ရက်တည်း ကျေးရွာ ငါးရွာအား မီးရှို့ဖျက်ဆီးခဲ့ရာ နေအိမ် ၆၀ကျော် မီးလောင်ပျက်စီးခဲ့သည်။

တော်လှန်ရေးအားကောင်းသော မတ္တရာမြို့နယ်သည် စစ်တပ်၏ စစ်ကြောင်းထိုးမီးရှို့သတ်ဖြတ်မှုများအား အာဏာသိမ်းကာလတလျှောက် ရင်ဆိုင်ခဲ့ရပြီး ပြီးခဲ့သည့် ၂၀၂၃ နှစ် ကုန်ပိုင်းမှစ၍ စစ်ကောင်စီတပ်က ပိုမိုအရှိန်မြှင့်၍ ပြင်းထန်စွာ ဖိနှိပ်နေသည်။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။