Connect with us

Hi, what are you looking for?

LuduNwayOo

သတင်း

မိုးမိတ်မြို့တွင် ခရီးသွားအမျိုးသားနှစ်ဦးအား စစ်ကောင်စီတပ်က သေနတ်ဖြင့် ပစ်ခတ်သတ်ဖြတ်

မိုးမိတ်မြို့၊ နမ့်မိတ်ချောင်းတံတားအနီးတွင် သပုပ်ပွနေသော ပိုင်ရှင်မဲ့ ရုပ်အလောင်းနှစ်လောင်းကို ယမန်နေ့(ဧပြီလ၄ရက်) နေ့လယ်က တွေ့ရှိခြင်းဖြစ်သည်။

(အသတ်ခံရသူ ရုပ်အလောင်းနှစ်လောင်းအား မီးရှို့သင်္ဂြိုလ်ပေးနေစဉ်။ ဓာတ်ပုံ - CJ)
(အသတ်ခံရသူ ရုပ်အလောင်းနှစ်လောင်းအား မီးရှို့သင်္ဂြိုလ်ပေးနေစဉ်။ ဓာတ်ပုံ - CJ)

ဇော်ရမ်း/People’s Spring

ရှမ်းပြည်နယ်မြောက်ပိုင်း မိုးမိတ်မြို့တွင် ခရီးသွားအမျိုးသားနှစ်ဦးအား စစ်ကောင်စီတပ်က သေနတ်ဖြင့် ပစ်ခတ်သတ်ဖြတ်လိုက်ပြီး အလောင်းစွန့်ပစ်သွားကြောင်း ဒေသခံများကပြောသည်။

မိုးမိတ်မြို့၊ နမ့်မိတ်ချောင်းတံတားအနီးတွင် သပုပ်ပွနေသော ပိုင်ရှင်မဲ့ ရုပ်အလောင်းနှစ်လောင်းကို ယမန်နေ့(ဧပြီလ၄ရက်) နေ့လယ်က တွေ့ရှိခြင်းဖြစ်သည်။

လက်ပြန်ကြိုးတုပ်ထားသည့် အနေအထားဖြင့် အမျိုးသားနှစ်ဦး သေဆုံးနေခြင်းဖြစ်ပြီး စစ်ကောင်စီတပ်ဖွဲ့က ပြီးခဲ့သည့် ဧပြီ ၁ရက်တွင် သတ်ဖြတ်ခြင်းဟု ဒေသခံများက ပြောသည်။

Public Service Announcement

Public Service Announcement

” နမ့်မိတ်ချောင်းတံတားနားမှာ စစ်ခွေးစစ်ဆေး‌ရေးဂိတ်ရှိတယ်။ ၁ရက်နေ့ညက လူနှစ်ယောက်ကို ရပ်ခိုင်းတယ်။ ခဏနေတော့ ဆဲဆိုပြီး ပစ်သတ်တာ။ ဒီမှာက စစ်တပ်ဂိတ်တွေက လူသတ်ပွဲလုပ်နေတာ”ဟု ဒေသခံတစ်ဦးက ပြောသည်။

သေဆုံးသူနှစ်ဦးသည် မည်သူများဖြစ်သည်ကို မသိရှိရသေးပေ။ ခရီးသွားအမျိုးသားနှစ်ဦးဖြစ်နိုင်ပြီး တစ်ဦးသည် မြို့နယ်အခြေပြု ဆရာအတတ်သင်သင်တန်း မန်တုံမြို့နယ်ဟု ရေးသားထားသော အင်္ကျီကိုဝတ်ဆင်ထားသည်။ရုပ် အလောင်းအားတွေ့ရှိချိန် ပုပ်ပွနေ၍ ဧပြီ ၄ရက်တွင် လူမှုကူညီရေးလုပ်ဆောင်သူများက မီးရှို့သဂြိုလ်လိုက်ရသည်။

မိုးမိတ်မြို့မှ ရဲစခန်းနှင့် စစ်ကောင်စီစခန်းများကို ကချင်လွတ်လပ်ရေးတပ်မတော်(KIA)၊ KPDF၊ PDFများနှင့်မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး(ABSDF) တို့က ဇန်နဝါရီ ၁၈ရက်နံနက်မှစ၍ တိုက်ခိုက်ခဲ့သည်။ စစ်ကောင်စီ၏ အာသံကျေးရွာဂိတ်စခန်း၊ ရွှေဇာလီဂိတ်စခန်းနှင့် ရဲစခန်းကို သိမ်းယူခဲ့သည်။

ဇန်နဝါရီ ၂၄ရက်မှစ၍ တိုက်ပွဲများငြိမ်တက်သွားပြီး ရပ်အနည်းငယ်အကြာတွင် တော်လှန်ရေးအင်အားစုများပြန်လည်ဆုတ်ခွာသွားခဲ့သည်။

ထို့နောက်ပိုင်းတွင် မြို့ပေါ်ရပ်ကွက်များအား လေကြောင်းမှတိုက်ခိုက်ခဲ့ရာ နေအိမ်အများအပြားပျက်စီးသွားခဲ့သည်။ ထို့နောက် စစ်ကောင်စီက ပြန်လည်တပ်ဆွဲကာ အရပ်သားများအားပစ်ခတ်သတ်ဖြတ်မှုများ၊ နေအိမ်များအားဖျက်ဆီးမှုများ ပြုလုပ်နေသည် မြို့ခံများကပြောသည်။

မြို့ခံများသည် တိုက်ပွဲစတင်ဖြစ်ပွားသည့်အချိန်ကတည်းက ထွက်ပြေးတိမ်းရှောင်ခဲ့ကြရသည်။ ယခုအခါ ဒေသခံအချို့သည် မြို့သို့ပြန်လာနေကြပြီဖြစ်သော်လည်း အများစုသည် စစ်ကောင်စီ၏ရန်ကိုကြောက်လန့်၍ ပြန်မလာကြသေးပေ။

ဆက်စပ်သတင်းများ

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။

သတင်း

အောင်ဇေယျစစ်ကြောင်းအား တောင်ပိုင်းတိုင်း အမှတ်(၃၂)ဗျူဟာက ဦးဆောင်ပြီး ကော်ဘရာ၊ ကျားသစ်နက်၊ VENOM စစ်ကြောင်းတို့က အဓိကတိုက်ခိုက်နေပြီး အမှတ်(၃၁) ဗျူဟာမှ ကျားဖြူ၊ SOG အပြင် အခြားစစ်ကြောင်းများကလည်း ပူးပေါင်းတိုက်ခိုက်နေသည်။