Connect with us

Hi, what are you looking for?

LuduNwayOo

သတင်း

ခလရ(၁၄၂)တပ်ရင်းကို KIA သိမ်းပိုက်ပြီး လွယ်ဂျယ်မြို့ကို အလုံးစုံထိန်းချုပ်

တိုက်ပွဲများအတွင်း စစ်ကောင်စီတပ်မှ တပ်မမှူး အဆင့်အပါအဝင် အရာရှိ၊ စစ်သည်များစွာ သေဆုံးကာ ဖမ်းဆီးခံရသူ ရာချီရှိခဲ့ပြီး လက်နက်ကြီး၊ လက်နက်ငယ်မျိုးစုံ အများအပြားကို KIAက သိမ်းပိုက်ရရှိခဲ့သည်။

(လွယ်ဂျယ်မြို့တနေရာတွင် KIAက သတိပေးစာကပ်ထားသည်ကို တွေ့ရစဉ်။ ဓာတ်ပုံ - Myu Tsaw Kasa)
(လွယ်ဂျယ်မြို့တနေရာတွင် KIAက သတိပေးစာကပ်ထားသည်ကို တွေ့ရစဉ်။ ဓာတ်ပုံ - Myu Tsaw Kasa)

ဟန်နွေ/People’s Spring

ကချင်ပြည်နယ် မိုးမောက်မြို့နယ် လွယ်ဂျယ်မြို့၌ နောက်ဆုံးကျန်နေသည့် စစ်ကောင်စီတပ်ရင်းကို ကချင်လွတ်လပ်ရေးတပ်မတော် (KIA)က သိမ်းပိုက်လိုက်ပြီဖြစ်ကြောင်း စစ်ရေးသတင်းရင်းမြစ်အချို့က ပြောသည်။

မတ်လ ၂၇ရက်မှ ဧပြီ ၁ရက်အတွင်း လွယ်ဂျယ် – ဗန်းမော်လမ်းရှိ စစ်ကောင်စီတပ်၏ ယောယုံဗျူဟာနှင့် စိန်လုံဗျူဟာစခန်းများအပါအဝင် တပ်စခန်းအားလုံးကို KIAက သိမ်းပိုက်ပြီး မြို့ကို ဝိုင်းပတ်ပိတ်ဆို့ထားခြင်းဖြစ်သည်။

မတ်လ ၂၈ရက်ကတည်းက KIAက လွယ်ဂျယ်မြို့ကို ဝိုင်းရံကာ မြို့ပေါ်ရှိ စစ်ကောင်စီတပ်သားများနှင့် စစ်ကောင်စီ ဝန်ထမ်းများ ထွက်ခွာရန် အချိန်ပေးထားခဲ့ခြင်းဖြစ်သည်။

Public Service Announcement

Public Service Announcement

တရုတ်နယ်စပ်မြို့ဖြစ်၍ လွယ်ဂျယ်အား တိုက်ခိုက်သိမ်းပိုက်ခြင်းမပြုရန် တရုတ်နိုင်ငံဘက်က ဖိအားပေးနေသည့် အခြေအနေတွင် KIA တပ်များက ကျန်နေသည့် စစ်ကောင်စီတပ်အား တိုက်ခိုက်ခြင်းမပြုဘဲ မြို့တွင်း ဝင်ရောက်နေရာယူကာ ပိတ်ဆို့ထားခဲ့ရာ ယနေ့ (ဧပြီ ၉ရက်)တွင် စစ်ကောင်စီတပ်များ တရုတ်နိုင်ငံဘက် ထွက်ပြေးသွားခဲ့ခြင်းဖြစ်ကြောင်း သတင်းရင်းမြစ်အချို့က ပြောပြသည်။

” လွယ်ဂျယ်ကို အလုံးစုံသိမ်းပိုက်လိုက်ပြီ။ စစ်ကောင်စီတွေ တရုတ်ဘက် အကုန်ထွက်ပြေးသွားတယ်။ ဒီမနက် စခန်းကို ရှင်းလင်းလိုက်ပါပြီ”ဟု စစ်ရေးသတင်းရင်းမြစ်က ပြောပြသည်။

ခမရ(၁၄၂)တပ်ရင်းသို့ KIA တပ်ဖွဲ့ဝင်များ ရောက်ရှိမှု ရုပ်သံနှင့် ဓာတ်ပုံမှတ်တမ်းများလည်း လူမှုကွန်ရက်၌ တွေ့ရသည်။

အခြားစစ်ရေးသတင်းရင်းမြစ်တစ်ဦးကလည်း စစ်ကောင်စီတပ်က အင်အား ၆၀ခန့် တရုတ်နိုင်ငံဘက်သို့ ပြေးဝင်သွား၍ KIAက အပြီးသတ် သိမ်းပြီးဖြစ်ကြောင်း ပြောပြသည်။

KIA သည် မတ်လ ၇ရက်မှစ၍ ထိုးစစ်အရှိန်မြှင့်တင်ပြီး စစ်ကောင်စီတပ်စခန်းများစွာကို တိုက်ခိုက်သိမ်းပိုက်ခဲ့ရာ တစ်လအတွင်း လွယ်ဂျယ်ဒေသ ၊ လိုင်ဇာဒေသ၊ ဝိုင်းမော်၊ မိုးမောက်မြို့နယ်များ ရှိ စစ်ကောင်စီတပ်စခန်း ၇၀ ခန့်ကို သိမ်းပိုက်နိုင်ခဲ့ပြီး မြစ်ကြီးနား- ဗန်းမော်လမ်း၊ ဗန်းမော်- လွယ်ဂျယ်လမ်းများကို ထိန်းချုပ်ထားသည်။

တိုက်ပွဲများအတွင်း စစ်ကောင်စီတပ်မှ တပ်မမှူး အဆင့်အပါအဝင် အရာရှိ၊ စစ်သည်များစွာ သေဆုံးကာ ဖမ်းဆီးခံရသူ ရာချီရှိခဲ့ပြီး လက်နက်ကြီး၊ လက်နက်ငယ်မျိုးစုံ အများအပြားကို KIAက သိမ်းပိုက်ရရှိခဲ့သည်။

ဆက်စပ်သတင်းများ

သတင်း

ဝိုင်းမော်၌ ကျန်နေသည့် စစ်ကောင်စီတပ်စခန်းများကို KIAက မေလ ၁၈ရက်တွင် တပြိုင်တည်း ထိုးစစ်ဆင်ခဲ့ခြင်းဖြစ်ပြီး ယနေ့(မေလ ၂၀ရက်)နံ နက်အချိန်ထိ စစ်ကောင်စီတပ်စခန်း ၁၂ခုထက်မနည်း ရရှိထားသည်။

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

​ခလရ ၃၂၁ အပါအဝင် ဝိုင်းမော်ရှိ စစ်ကောင်စီတပ်စခန်းများအား KIAက ​မေ ၁၈ နံနက် စတင်ထိုးစစ်ဆင်ခြင်းဖ့စ်​ကြောင်း အခြားကချင်စစ်ရေးသတင်းရင်းမြစ်ကလည်း အတည်ပြုပေးသည်။

သတင်း

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။