Connect with us

Hi, what are you looking for?

LuduNwayOo

သတင်း

မြဝတီမြို့ဦးတည်နေသည့်စစ်ကြောင်းမှ သံချပ်ကာယာဥ်တစ်စီးကို တော်လှန်ရေးအဖွဲ့များဖျက်ဆီး

“ပြည်သူတွေ စိတ်မပူပါနဲ့။ ကျွန်တော်တို့ အဲဒီစစ်ကြောင်း မြဝတီကိုမရောက်နိုင်အောင် တားဆီးပါမယ်”ဟု ကျားဖြူစစ်ကြောင်းမှ ဒုစစ်ကြောင်းမှူး ဗိုလ်မှူးကျော်ဟိန်းက ပြောသည်။

(ကော့ကရိတ်မြို့မှတဆင့် မြဝတီမြို့သို့ ဦးတည်စစ်ကြောင်းထိုးနေသော စစ်ကောင်စီတပ်သားများအား ယနေ့ ဝေဟင်မှမြင်တွေ့ရစဥ်။ ဓာတ်ပုံ - File Photo)
(ကော့ကရိတ်မြို့မှတဆင့် မြဝတီမြို့သို့ ဦးတည်စစ်ကြောင်းထိုးနေသော စစ်ကောင်စီတပ်သားများအား ယနေ့ ဝေဟင်မှမြင်တွေ့ရစဥ်။ ဓာတ်ပုံ - File Photo)

▪️တိုက်ပွဲပြင်းထန်နေပြီး သုံးရက်တာတိုက်ပွဲအတွင်း စစ်ကောင်စီတပ် ၆၀ခန့်သေဟု ကျားဖြူစစ်ကြောင်း ပြော

“ပြည်သူတွေ စိတ်မပူပါနဲ့။ ကျွန်တော်တို့ အဲဒီစစ်ကြောင်း မြဝတီကိုမရောက်နိုင်အောင် တားဆီးပါမယ်” – ကျားဖြူစစ်ကြောင်း ဒုစစ်ကြောင်းမှူး

ဒီးဒီ/People’s Spring

ကရင်ပြည်နယ်၊ ကော့ကရိတ်မြို့နယ်၌ ဆက်လက်တိုက်ပွဲပြင်းထန်နေပြီး ယနေ့တွင် မြဝတီမြို့သို့ ဦးတည်နေသည့် စစ်ကောင်စီတပ်၏ သံချပ်ကာယာဥ်တစ်စီး ဖျက်ဆီးနိုင်ခဲ့ပြီး သုံရက်တာတိုက်ပွဲအတွင်း စစ်ကောင်စီတပ်သား ၆၀ခန့်သေဆုံးကြောင်း ကျားဖြူစစ်ကြောင်းမှ ဒုစစ်ကြောင်းမှူး ဗိုလ်မှူးကျော်ဟိန်းက လူထုနွေဦးသို့ ပြောသည်။

“ပြည်သူတွေ စိတ်မပူပါနဲ့။ ကျွန်တော်တို့ အဲဒီစစ်ကြောင်း မြဝတီကိုမရောက်နိုင်အောင် တားဆီးပါမယ်”ဟု ကျားဖြူစစ်ကြောင်းမှ ဒုစစ်ကြောင်းမှူး ဗိုလ်မှူးကျော်ဟိန်းက ပြောသည်။

Public Service Announcement

Public Service Announcement

စစ်ကောင်စီ၏ အမှတ်(၅၅)ခြေမြန်တပ်မဌာနချုပ်မှ သံချပ်ကာယာဥ် ရှစ်စီးနှင့် ကားအစီးရေ ၂၂စီးဖြင့် ခန့်မှန်းအင်အား ၅၀၀ခန့်ပါရှိသော ယာဥ်တန်းသည် ကော့ကရိတ်မြို့သို့ ဧပြီ ၁၁ရက်က ရောက်ရှိလာသည်။ ဧပြီ ၁၂ရက်တွင် အင်အားအများအပြားဖြင့် စစ်ကြောင်းထိုးရောက်ရှိလာ၍ ‌တိုက်ပွဲပြင်းထန်ခဲ့ပြီး တော်လှန်ရေးတပ်ဖွဲ့များစိုးမိုးနေရာယူထားသည့် နေရာအချို့မှ ဆုတ်ခွာပေးလိုက်ရကြောင်း သတင်းရရှိသည်။

ကော့ကရိတ်မြို့မြောက်ပိုင်းရှိ တော်လှန်ရေးရဲဘော်များနေရာယူစိုးမိုးထားသော ရပ်ကွက်အချို့နှင့် ရေကူးကန်နေရာများကို ဆုတ်ခွာခဲ့ရကြောင်း စစ်မြေပြင်ရှိ တော်လှန်ရေးရဲဘော်အချို့က ပြောသည်။ ထို့အပြင် အာရှလမ်းမကြီးကိုလည်း စစ်ကောင်စီတပ်က စိုးမိုးထားသည်ဟု ဆိုသည်။

ဧပြီ ၁၂ရက်တွင် ကော့ကရိတ်မြို့အထွက်ရှိ ကော့နွဲ့ကျေးရွာတံတား၌ တိုက်ပွဲပြင်းထန်ခဲ့ပြီး စစ်ကောင်းရှေ့ဆက်မတိုးနိုင်ရန် တော်လှန်ရေးတပ်ဖွဲ့များက အဆိုပါတံတားအား ဖျက်ဆီးခဲ့သည်။

“သူတို့က တံတားထိုးတဲ့ကားတွေပါ ပါလာတာ”ဟု ကော့ကရိတ်မြို့နယ်ရှိ PDF ဒရုန်းစစ်ကြောင်းတစ်ခုမှ စစ်ကြောင်းမှူးက ပြောသည်။

ယနေ့တွင်လည်း ၃ရက်မြောက်အဖြစ် အဆိုပါ စစ်ကြောင်းအား တောင်ပိုင်းတိုင်း စစ်ဒေသအမှတ်(၃၂)ဗျူဟာမှူး ဗိုလ်ဒါဘောဦးဆောင်သော ကော်ဘရာစစ်ကြောင်းက ယာဥ်တန်းမှ သံချပ်ကာယာဥ်တစ်စီးအား ဖျက်ဆီးနိုင်ခဲ့သည်ဟု ဗိုလ်မှူးကျော်ဟိန်းက ပြောသည်။

မြဝတီမြို့သို့ ဦးတည်လာသော စစ်ကောင်စီတပ် စစ်ကြောင်းသည် သံချပ်ကာယာဥ် နှစ်စီးပါရှိပြီး တစ်စီးအား ဖျက်ဆီးခဲ့ခြင်းဟု ဆိုသည်။ ထို့အပြင် အဆိုပါ စစ်ကြောင်းအား တော်လှန်ရေးတပ်ဖွဲ့များ၏ သုံးရက်တာတိုက်ခိုက်မှုအတွင်း စစ်ကောင်စီတပ်မှ ၆၀ခန့် သေဆုံးမှုရှိသည်ဟု ဗိုလ်ကျော်ဟိန်းက ခန့်မှန်းသည်။

“သူတို့တော်တော်လေး အထိနာတယ်။ ဒီနေ့ သူတို့ ၃၀လောက်သေတယ်။ အခု ပူးပေါင်းစစ်ကြောင်းတွေ ပူးပေါင်းပြီး လုပ်ဆောင်နေပါတယ်”ဟု ဗိုလ်ကျော်ဟိန်းက ပြောသည်။

ထို့အပြင် ကော့ကရိတ်မြို့ရှိ စစ်ကောင်စီတပ်အား ပြန်လည်တိုက်ခိုက်သွားမည်ဟု PDF စစ်ကြောင်းမှူးတစ်ဦးက ပြောသည်။

ဧပြီ ၁၂ရက် ညက စစ်ကောင်စီစစ်ကြောင်းသည် မစ်ဇိုင်းဒုံးကျည်များဖြင့် မနားတမ်းပစ်ခတ်ခြင်း၊ လေကြောင်းမှ ပစ်ခတ်ခြင်းနှင့် ‌မြေပြင်မှ စစ်ကြောင်းထိုးဝင်ရောက်လာမှုကြောင့် ရဲဘော်များထိခိုက်မှုမရှိစေရန် မြို့၌ နေရာယူစိုးမိုးထားသော နေရာအချို့မှ ဆုတ်ခွာပေးရခြင်းဟု ရဲဘော်များက ဆိုသည်။

ဆက်စပ်သတင်းများ

သတင်း

KNLA နှင့် ပူး​ပေါင်းတပ်များမှာ မြန်မာနိုင်ငံ​မြောက်ပိုင်းမှ KIA နှင့် ပူး​ပေါင်းတပ်များကဲ့သို့ မတ် ၇ ရက်မှစ၍ စစ်​ကောင်စီတပ်စခန်းများအား အရှိန်မြှင့် ထိုးစစ်ဆင်တိုက်ခိုက်ခဲ့ခြင်းဖြစ်ပြီး ဧပြီလတွင်လည်း စခန်းသိမ်းတိုက်ပွဲများစွာပြုလုပ်ခဲ့သည်ကို​တွေ့ရသည်။

သတင်း

နှစ်ရက်တာတိုက်ခိုက်မှုအတွင်း စစ်ကောင်စီဘက်က ထိခိုက်သေဆုံးသူမှုများပြီး PDFရဲဘော် ၁၅ဦးခန့်လည်း မစိုးရိမ်ရ ထိခိုက်ဒဏ်ရာရရှိခဲ့ကြောင်း ဗိုလ်မိုက်ခဲက ပြောသည်။

သတင်း

KIA သတင်းပြန်ကြားရေးဌာန တာဝန်ခံဗိုလ်မှူးကြီးနော်ဘူကလည်း ဆင်ဘိုရှိ ခလရ(၁၄၁) တပ်ရင်း သိမ်းပိုက်နိုင်မှု သတင်းများ ကြားသိရသော်လည်းတရားဝင် စစ်ဘက် ဆိုင်ရာ သတင်းပေးပို့မှု မရသေးဟု ယနေ့ (ဧပြီ ၂၉ရက်) နံနက်တွင် ပြောသည်။

သတင်း

MDY-PDFသည် ယခု ဧပြီအတွင်း မန္တလေးတိုင်း ပြင်ဦးလွင်မြို့နှင့် (၁၀)မိုင်အကွာရှိ သရက်ကုန်း ကျေးရွာ စစ်စခန်း တိုက်ခိုက်သိမ်းပိုက် နိုင်မှုကို အသိပေးထားသည်။