Connect with us

Hi, what are you looking for?

LuduNwayOo

သတင်း

KIA စစ်ဦးစီးချုပ် ဗိုလ်ချုပ်ခေါင်လွန်း၏ ဈာပန အခမ်းအနား ကျင်းပပြီးစီး

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်း၏ နာ​ရေးအခမ်းအနားအတွက်ပြင်ဆင်ထားမှု

▪︎NUG နှင့် တိုင်းရင်းသားလက်နက်ကိုင်တပ်ဖွဲ့များ အပါအဝင် အဖွဲ့အစည်း ၊ ပုဂ္ဂိုလ် ၃၀ကျော် ဝမ်းနည်းကြောင်း သဝဏ်လွှာပေးပို့

ဟန်နွေ/People’s Spring

ကချင်လွတ်လပ်ရေးအဖွဲ့ / ကချင်လွတ်လပ်ရေးတပ်မတော် (KIO/KIA)စစ်ဦးစီးချုပ် ဒုတိယဗိုလ်ချုပ်ကြီး ခေါင်လွမ်း၏ ဈာပနအခမ်းအနားကိုယနေ့(မေလ ၁၆ရက်)တွင် ကျင်းပခဲ့ကြောင်း ကချင်သတင်းရင်းမြစ်က ပြောပြသည်။

အဆိုပါ အခမ်းအနားသို့ အမျိုးသားညီညွတ်ရေးအစိုးရ (NUG) အပါအဝင် တိုင်းရင်းသားလက်နက်ကိုင်တပ်ဖွဲ့များများ၊ တော်လှန်ရေးအင်အားစုများက ဝမ်းနည်းကြောင်းသဝဏ်လွှာပေးပို့ခဲ့ရာ ပေးပို့သည့် သဝဏ်လွှာ ၃၀ ကျော်ရရှိကြောင်း KIA သတင်းပြန်ကြားရေးဌာနက အသိပေးဖော်ပြထားသည်။

KIAက ဖော်ပြခဲ့သည့် သဝဏ်လွှာလက်ခံရရှိမှု ဇယားအရ NUG၊ ကရင်အမျိုးသားအစည်းအရုံး (KNU)၊ ၀တပ်(UWSA)၊ မိုင်းလားတပ်(NDAA)၊ ရှမ်းတပ်(SSPP)၊ တအာင်း(TNLA)၊ ကိုးကန့် MNDAA နှင့် ရက္ခိုင် AA တပ်များ ပါဝင်သည့် ညီနောင်မဟာမိတ် ၃ဖွဲ့၊ ချင်းတပ်ဖွဲ့(CNF) ကရင်နီတပ် KNPP၊ ကျောင်းသားတပ် ABSDF၊ ရက္ခိုင်ပြည်အမျိုးသားကောင်စီ(ANC/AA) စသည့် အဖွဲ့များ သဝဏ်လွှာပေးပို့ထားသည်ကို တွေ့ရသည်။

Public Service Announcement

Public Service Announcement

ထို့ပြင် ပြည်ထောင်စုလွှတ်တော် ကိုယ်စားပြု ကော်မတီ(CRPH)ရှမ်းတိုင်းရင်းသားများဒီမိုကရေစီအဖွဲ့ချုပ်(SNLD)မွန်ပြည်ဖက်ဒရယ်ကောင်စီ(MSFC) တို့ ကလည်း သဝဏ်လွှာပေးပို့ခဲ့ကြပြီး သဝဏ်လွှာ ၃၁စောင့် လက်ခံရရှိထားကြောင်း KIA သတင်းပြန်ကြားရေးက ဖော်ပြသည်။KNU/KNLA ဒုတိယစစ်ဦးစီးချုပ် ဒုဗိုလ်ချုပ်ကြီး ​ဘော​ကျော်ဟဲကလည်း သဝဏ်လွှာ​ပေးပို့ထား​ကြောင်းသိရသည်။

KIAဖော်ပြသည့် ဇယား၌ ပါဝင်ခြင်းမရှိသော်လည်း မွန်တော်လှန်ရေးတပ် ဖွဲ့ဖြစ်သော မွန်ပြည်သစ်ပါတီ(စစ်အာဏာရှင်တိုက်ဖျက်ရေး)-NMSP-AD တပ်ကလည်း ဝမ်းနည်းကြောင်း သဝဏ်လွှာ ပေးပို့သည်။ ဝါရင့်မွန်တော်လှရေးတပ်ဖွဲ့ဖြစ်သော NMSP တပ်က သဝဏ်လွှာပေးပို့မှုကို မတွေ့ရပေ။ NMSP-ADသည် NMSPမှ ခွဲထွက်လာသည့် တပ်ဖြစ်သည်။

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။

(KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်း၏ နာ​ရေးအခမ်းအနားအတွက်ပြင်ဆင်ထားမှုနှင့် သဝဏ်လွှာ​ပေးပို့​သော အဖွဲ့အစည်းနှင့် လူပုဂ္ဂိုလ်များစာရင်း။ဓါတ်ပုံ-ဗိုလ်ချုပ်ဂွန်​​မော်FB ၊ The Kachin Net)

ဆက်စပ်သတင်းများ

သတင်း

ဝိုင်းမော်၌ ကျန်နေသည့် စစ်ကောင်စီတပ်စခန်းများကို KIAက မေလ ၁၈ရက်တွင် တပြိုင်တည်း ထိုးစစ်ဆင်ခဲ့ခြင်းဖြစ်ပြီး ယနေ့(မေလ ၂၀ရက်)နံ နက်အချိန်ထိ စစ်ကောင်စီတပ်စခန်း ၁၂ခုထက်မနည်း ရရှိထားသည်။

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

​ခလရ ၃၂၁ အပါအဝင် ဝိုင်းမော်ရှိ စစ်ကောင်စီတပ်စခန်းများအား KIAက ​မေ ၁၈ နံနက် စတင်ထိုးစစ်ဆင်ခြင်းဖ့စ်​ကြောင်း အခြားကချင်စစ်ရေးသတင်းရင်းမြစ်ကလည်း အတည်ပြုပေးသည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။