Connect with us

Hi, what are you looking for?

LuduNwayOo

သတင်း

ထားဝယ်အခြေစိုက် စကခ(၈)ဌာနချုပ်အား ဒရုန်းဖြင့်တိုက်ခိုက်

တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။

(ထားဝယ်ခရိုင်၊ သပြေချောင်းကျေးရွာရှိ စစ်ကောင်စီ၏ အမှတ်(၈)စစ်ဆင်‌ရေး ကွပ်ကဲမှု ဌာနချုပ်(စကခ-၈)ကို ဒရုန်းဖြင့် တိုက်ခိုက်နေစဉ်။ ဓာတ်ပုံ - File Photo)
(ထားဝယ်ခရိုင်၊ သပြေချောင်းကျေးရွာရှိ စစ်ကောင်စီ၏ အမှတ်(၈)စစ်ဆင်‌ရေး ကွပ်ကဲမှု ဌာနချုပ်(စကခ-၈)ကို ဒရုန်းဖြင့် တိုက်ခိုက်နေစဉ်။ ဓာတ်ပုံ - File Photo)

▪️ဟတ်ယာဉ် နှစ်စီးရပ်ထားရာ​နေရာ ၊ဆီဂို​ဒေါင်နှင့် တိုင်းမှူးအစည်းအ​ဝေးလုပ်ရာ​နေရာ သုံးခုအားဗုံးကြဲတိုက်ခိုက်ခဲ့ဟု ​ဒေါန စစ်​ကြောင်းတာဝန်ရှိသူ​ပြော

​ကျော်​ဇော ၊ သက်ဝေ/People’s Spring

တနင်္သာရီတိုင်း၊ ထားဝယ်ခရိုင်၊ သပြေချောင်းကျေးရွာရှိ စစ်ကောင်စီ၏ အမှတ်(၈)စစ်ဆင်‌ရေး ကွပ်ကဲမှု ဌာနချုပ်(စကခ-၈)ကို ဒရုန်းများဖြင့် ဗုံးကြဲတိုက်ခိုက်ခဲ့ကြောင်း စစ်ဆင်​ရေးတွင်ပါဝင်ခဲ့​သော ​ဒေါနစစ်​ကြောင်းမှတာဝန်ရှိသူက​ပြောသည်။

မေလ ၁၆ရက် နံနက်ပိုင်းတွင် စကခ(၈)၏ စစ်တပ်အရာရှိပိုင်းများစုဝေး‌‌ရာ အဆောက်အဦးများနှင့် ရပ်နားထားသော MI-2 ရဟတ်ယာဉ် နှစ်စီးအား ဗုံးသီး ရှစ်လုံးဖြင့် ကြဲချတိုက်ခိုက်ခဲ့ခြင်းဖြစ်ကြောင်းအမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီးဌာနကလည်း သတင်းထုတ်ပြန်သည်။

(ထားဝယ်ခရိုင်၊ သပြေချောင်းကျေးရွာရှိ စစ်ကောင်စီ၏ အမှတ်(၈)စစ်ဆင်‌ရေး ကွပ်ကဲမှု ဌာနချုပ်(စကခ-၈)ကို ဒရုန်းဖြင့် တိုက်ခိုက်နေစဉ်။ ဓာတ်ပုံ - File Photo)
(ထားဝယ်ခရိုင်၊ သပြေချောင်းကျေးရွာရှိ စစ်ကောင်စီ၏ အမှတ်(၈)စစ်ဆင်‌ရေး ကွပ်ကဲမှု ဌာနချုပ်(စကခ-၈)ကို ဒရုန်းဖြင့် တိုက်ခိုက်နေစဉ်။ ဓာတ်ပုံ – File Photo)

“စကခ(၈)အဲဒီအထဲမှာ တိုင်းမှူးလာတယ်။ စစ်ကောင်စီရဲ့ ကမ်းရိုးတမ်းဒေသတိုင်းမှူးလာတယ်။ အစည်းအဝေးလုပ်ဖို့လာတဲ့အချိန်မှာ ကျနော်တို့ ဒရုန်းနဲ့တိုက်ခိုက်တယ်။ အဲဒီတော့ အဲဒီတပ်ထဲမှာရှိတဲ့ ရဟတ်ယာဥ်နှစ်စီးမှာ တစ်စီးပဲပျံတက်ပြီးတော့ ပြန်ပြေးနိုင်တယ်။ တစ်စီးကတော့ ကျနော် ရပ်သွားတယ်။ ကျနော်တို့က ရဟတ်ယာဥ်ထားတဲ့နေရာကို ဒရုန်းနဲ့သုံးစီးချတယ်။ အဲဒါပြီး ဒီဘက်ဆီဂိုဒေါင်ပေါ့နော်။ အဲဒီကိုက တစ်စီးချတယ်။ ပြီးတဲ့အခါ တိုင်းမှူးအစည်း အဝေးလုပ်မယ့်နေရာကို တစ်စီးချတယ်။ အားလုံးငါးစီးနဲ့ချတာပေါ့။ စကစ ထိခိုက်သေဆုံးကတော့ အတိအကျမသိရသေးပါဘူး။ ကျနော်တို့ ဆက်လက်စုံစမ်းဆဲပါ”ဟု ဒေါနစစ်ကြောင်းမှ စစ်ဆင်ရေးတာဝန်ခံက လူထုနွေဦးသို့ ပြောသည်။

Public Service Announcement

Public Service Announcement

ထိုသို့ တိုက်ခိုက်ခံရပြီးနောက် စစ်ကောင်စီတပ်ကလည်း လက်နက်ကြီးများဖြင့်အနီးအနား ကျေးရွာများသို့ ရမ်းသန်းပစ်ခတ်ခဲ့ပြီး MI-2 ရဟတ်ယာဉ် တစ်စီးဖြင့်လည်း လေကြောင်းမှ နှစ်ကြိမ်ရမ်းသမ်းပစ်ခတ်ခဲ့သည်ဟု ထုတ်ပြန်သည်။

တိုက်ခိုက်မှုအတွင်း စစ်ကောင်စီတပ် ထိခိုက်သေဆုံးမှုရှိမရှိ အခြေအနေကို ဖော်ပြမထားပေ။

အဆိုပါ တိုက်ခိုက်မှုကို ဒေါနစစ်ကြောင်း တပ်ခွဲ(၄) KBDF ဒရုန်းတပ်ဖွဲ့၊ ထားဝယ်ခရိုင်အမှတ်(၁)တပ်ရင်းမှ Sky Ghost Drone Force၊ ထားဝယ်ခရိုင်အမှတ်(၂)တပ်ရင်းမှ T5 Wing၊ TPLF ဒရုန်းတပ်ဖွဲ့၊ YAF ဒရုန်းတပ်ဖွဲ့တို့ ပူးပေါင်းဆောင်ရွက်ခဲ့ခြင်းဖြစ်သည်ဟု အသိပေးထားသည်။

ဆက်စပ်သတင်းများ

သတင်း

ဇွန်လ ၁၅ ရက်ကလည်း တနင်္သာရီမြို့နယ်ရှိ အောင်သာဝစစ်ကောင်စီတပ်စခန်းကို KNLA၊ PDF ပူးပေါင်းတပ်များက တိုက်ခိုက်သိမ်းပိုက်ခဲ့သေးသည်။

သတင်း

ဒေသခံများသည်၀က်ဝံအားအရှင်ဖမ်းမိရန်(သို့မဟုတ်)သစ်တောဝန်ထမ်းအကူအညီဖြင့် မေ့ဆေးသေနတ်အသုံးပြုပစ်ခတ်ဖမ်းဆီးရန် ကြိုးစားမှုမရှိခဲ့ဘဲ အသေဖမ်းဆီးရန်သာရည်ရွယ်ခဲ့သည်ဟု မြို့ခံကပြောသည်။

သတင်း

စဉ့်ကူးမြို့သည် ဧရာဝတီမြစ်ဘေးရှိ မြို့ဖြစ်ပြီး စစ်ကောင်စီသည် ထုံးကြီးရွာအပါအဝင်မြစ် အရှေ့ပိုင်းကျေးရွာအချို့၌ တပ်စွဲထားသည်။

သတင်း

မုံရွာ - မန္တလေးလမ်းပိုင်း ခရီးသွားယာဥ်များအနေဖြင့် စစ်ကောင်စီယာဥ်များနှင့် အနီးကပ်လိုက်ပါမောင်းနှင်ခြင်းများ လုံးဝမပြုလုပ်ရန် ဒေသတွင်းတော်လှန်ရေးအင်အားစုများက သတိပေးထားသည်။