Connect with us

Hi, what are you looking for?

LuduNwayOo

သတင်း

မိုးကုတ်မြို့မှထွက်ခွာလိုသည့် ​ဒေသခံပြည်သူများကိုစစ်ကောင်စီတားဆီး​နေ

ကျောက်မဲမြို့နယ်၊ နောင်ချိုမြို့နယ်နှင့် မိုးကုတ်မြို့နယ်တို့တွင် ​ဒေသခံပြည်သူ ၂၂ဦးသေဆုံးခဲ့ပြီး ဒဏ်ရာရရှိသူ ၃၀ဦးအထိ ရှိလာခဲ့ကြောင်း TNLAက ထုတ်ပြန်ထားသည်။

(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)
(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)

ဇော်ရမ်း/People’s Spring

မိုးကုတ်မြို့မှ ထွက်ခွာရန်ကြိုးစားသည့်ဒေသခံများကို စစ်ကောင်စီတပ်ကတားဆီးပြီး မြို့ထဲသို့ပြန်ဝင်ခိုင်း‌နေကြောင်း ​ဒေသခံများက​ပြောသည်။

မိုးကုတ်မြို့တွင်ဇွန်လ ၂၄ရက်ညမှစ၍ တိုက်ပွဲဖြစ်ပွားခဲ့ပြီးတိုက်ပွဲများမှာ မြို့တွင်းသို့ ​ရောက်ရှိလာကာ ပိုမိုပြင်းထန်လာသဖြင့် မြို့တွင်း၌ကျန်​နေ​သော ဒေသခံများမှာ ယနေ့ (ဇွန် ၃၀ )နံနက်အစောပိုင်းတွင်ဘေးလွတ်ရာသို့ တိမ်းရှောင်ရန်ကြိုးစား​နေကြခြင်းဖြစ်သည်။

“မြို့ခံတွေကားတွေဆိုင်ကယ်တွေနဲ့ ထွက်တာ။ မနက်မိုးမလင်းခင်ကတည်းကထွက်တဲ့သူတွေလည်းရှိတယ်။ စစ်တပ်ဘက်က မြို့ထဲအကုန်ပြန်ဝင်ခိုင်းတယ်” ဟု မြို့ခံတစ်ဦးကပြောသည်။

Public Service Announcement

Public Service Announcement

(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)
(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)

ဇွန် ၃၀ ရက်မနက်ပိုင်းတွင် မိုးကုတ်မြို့တွင်တိုက်ပွဲပြင်းထန်​နေပြီး ဒေသခံများသည် ဘေးလွတ်ရာသို့တိမ်းရှောင်လိုနေကြသည်။သို့သော် စစ်ကောင်စီက ပိတ်ဆို့ထား၍ ဒေသခံများ ထွက်မရဖြစ်နေသည်။ မနက်အစောပိုင်းထွက်ခွာသွားသည့်ကားအနည်းငယ်သာ ထွက်သွားနိုင်ခဲ့ကြောင်းသတင်းရရှိသည်။

“ကျ‌မတို့ကို ထွက်ခွာခွင့်ပေးဖို့လိုတယ်။ အခုကမြို့ခံတွေကို တည်ထားသလို စစ်တပ်က လုပ်နေတယ်။တိုက်ပွဲရပ်နေချိန်မှ နှစ်ဘက်စလုံးက ဒါကို(ဒေသခံများထွက်ခွာခွင့်) ခွင့်ပြုပေးဖို့လိုတယ်” ဟု မြို့ခံတစ်ဦးကပြောသည်။

စစ်​ကောင်စီတပ်သည် ကျန်​ဒေသများတွင်လည်း ၎င်းတို့တပ်စခန်းများတိုက်ခိုက်ခံရပါက ​ဒေသခံပြည်သူများကို ဖမ်းဆီး၍ ၊ထွက်​ပြေးခွင့်မပြုဘဲ လူသားဒိုင်းအဖြစ် ပြုလုပ်​လေ့ရှိသည်။

ဒေသခံအများအပြားသည် ​ဘေးကင်းမည်ထင်ရာသို့ ထွက်ခွာနေပြီးကျန်​နေ​သောပြည်သူများမှာလည်းထွက်​ပြေးတိမ်း​ရှောင်လို​နေကြခြင်းဖြစ်ကြောင်းလည်း သတင်းရရှိသည်။

“မြို့အပြင်ဘက်မှာရော ပြန်ဝင်လာတဲ့လမ်းမှာပါ ကားတွေအတန်းလိုက်ပိတ်မိနေတာပါ။ ဒီမနက်တိုက်ပွဲဆက်ဖြစ်နေပြီး မြို့နားမှာလူထိခိုက်မှုလည်းရှိပါတယ်”ဟု ဒေသခံတဦးကပြောသည်။

(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)
(မိုးကုတ်မြို့တွင် စစ်​ကောင်စီတပ်က ​လေ​ကြောင်းမှ ဗုံးကြဲပြီး​နောက်​ မြို့တစ်​နေရာ​ပေါက်ကွဲ​နေ​သောမြင်ကွင်း။ ဓါတ်ပုံ-File Photo)

မြို့ပေါ်တိုက်ပွဲပြင်းထန်နေချိန်တွင် စစ်​ကောင်စီတပ်သားများမှာ အရပ်ဝတ်ဖြင့် ထွက်​ပြေး​​နေကြသဖြင့် ဒေသခံပြည်သူများ နေအိမ်ထဲများတွင်သာနေထိုင်ကြရန် PDF မိုးကုတ်ဗျူဟာ က ဇွန် ၂၉ တွင်သတိ​ပေးထားသည်။

မိုးကုတ်မြို့မှစစ်ကောင်စီစခန်းများကို TNLA ၊MDY-PDF ၊မိုးကုတ်ဗျူဟာတပ်ရင်း ၁၂၂၁၊ ၁၂၂၂၊ ၁၂၂၃၊ ၁၂၂၄တို့ကဇွန်လ ၂၄ ရက်ညမှ စတင်တိုက်ခိုက်ခဲ့ခြင်းဖြစ်သည်။ မြို့အနောက်ပိုင်းရှိ ဒေါ်နန်းကြည်တောင်စခန်း၊ ဗျူဟာစခန်းကုန်း၊ ရွှေသာယာ၊ ပန်းသပြေ၊ဖြူရောင်ကုန်း၊ ရဲစခန်း ၊ အောင်သာယာနှင့် အာကာမိုး တပ်စခန်းများအား TNLA ၊PDFပူး‌ ပေါင်းတပ်ကတိုက်ခတ်သိမ်းပိုက်ထားသည်။

မိုးကုတ်တိုက်ပွဲအတွင်း အရပ်သားထိခိုက်သေဆုံးမှုများရှိနေပြီး အသေးစိတ်မသိရှိရသေးပေ။တိုက်ပွဲစတင်သည့် ဇွန်လ ၂၅ရက်မှ ၂၉ရက်အထိ စစ်ကောင်စီကလေကြောင်းတိုက်ခိုက်မှုနှင့်လက်နက်ကြီးအသုံးပြုတိုက်ခိုက်မှုတို့ကြောင့်ကျောက်မဲမြို့နယ်၊ နောင်ချိုမြို့နယ်နှင့် မိုးကုတ်မြို့နယ်တို့တွင် ​ဒေသခံပြည်သူ ၂၂ဦးသေဆုံးခဲ့ပြီး ဒဏ်ရာရရှိသူ ၃၀ဦးအထိ ရှိလာခဲ့ကြောင်း TNLAက ထုတ်ပြန်ထားသည်။

ဆက်စပ်သတင်းများ

သတင်း

ပြည်တွင်း၌ ဆေးဝါးများ ရှားပါးလာပြီး ဈေးတက်​​နေချိန်တွင် စစ်ကောင်စီက ​ဈေးကျ​စေရန် ဆိုကာ ဆေးကုမ္ပဏီများကို အရောင်းပြပွဲလုပ်၍ တိုက်ရိုက်ရောင်းချခိုင်းနေကြောင်း ဆေးကုမ္ပဏီထံမှသိရသည်။

သတင်း

မကွေးတိုင်း၊ ချောက်မြို့နယ်၊ ဆူးတောရွာ၌ တပ်စွဲထားသော စစ်ကောင်စီတပ် တိုက်ခိုက်ခံရကြောင်း သတင်းရရှိသည်။

သတင်း

မန္တလေးတိုင်း၊ သပိတ်ကျင်းမြို့နယ်၊ အင်းနက်ကျေးရွာရှိ စစ်ကောင်စီစခန်းကုန်းနှင့် စစ်ဆေးရေးဂိတ်အား တိုက်ခိုက်သိမ်းပိုက်စဉ် စစ်ကောင်စီတပ်သား ရှစ်ဦးသေဆုံးပြီး ရှစ်ဦးဖမ်းမိကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ အမှတ်(၁)စစ်ဒေသက သတင်းထုတ်ပြန်သည့်။

သတင်း

ချင်းအမျိုးသားတပ်မတော်(CNA) ပူးပေါင်းတပ်ဖွဲ့က စစ်ကောင်စီနှင့် ပူးပေါင်းပြီး ချင်းညီနောင်နှင့် မဟာမိတ်များကို ထိုးစစ်ဆင်ခဲ့ကြောင်း ချင်းညီနောင် အဖွဲ့ဝင်များက ဖမ်းမိ စစ်သုံ့ပန်း ဗိုလ်မှူးရဲမင်းထွန်း၏ ထွက်ဆိုချက်ကို ထုတ်ပြန်ခဲ့သည်။