Connect with us

Hi, what are you looking for?

သတင်း

တစ်မြို့လုံးနီးပါး ရေကြီးခဲ့တဲ့ ဘားအံမှာ သံလွင်မြစ်ရေ ထပ်တက်လာ

ဘားအံမှာပြီးခဲ့တဲ့ ဇူလိုင်လ ၂၆ ရက်က သံလွင်မြစ်ရေကြီးတာကြောင့် တစ်မြို့လုံးနီးပါး ရေဘေးရင်ဆိုင် ထားရတာပါ။

နိုင်ပကောင်း /People’s Spring

ကရင်ပြည်နယ် မြို့တော်ဘားအံမြို့မှာ သံလွင် မြစ်ရေ ထပ်မံမြင့်တက်လာနိုင်တာကြောင့် မြစ်ကမ်းအနီးနေသူ တွေနဲ့ အနိမ့်ပိုင်းမှာနေထိုင်သူတွေ သတိပြုကြဖို့ စစ်ကောင်စီထိန်းချုပ်ထားတဲ့ မိုးဇလ က ဒီနေ့ သြဂုတ် ၃ ရက်မှာ သတိပေးချက်ထုတ်ပြန်ပါတယ်။

ဘားအံမှာပြီးခဲ့တဲ့ ဇူလိုင်လ ၂၆ ရက်က သံလွင်မြစ်ရေကြီးတာကြောင့် တစ်မြို့လုံးနီးပါး ရေဘေးရင်ဆိုင် ထားရတာပါ။

Public Service Announcement

Public Service Announcement

၆ ရက်အကြာ ဇူလိုင်လ ၃၁ ရက်မှာ ရေပြန်ကျသွားပေမယ့် အခုရက်ပိုင်းမှာ မြစ်ရေပြန်တက်လာတာ ကြောင့် ကားလမ်းအချို့လည်း ရေကျော်နေပြီလို့ ဘားအံမြို့ခံတွေက ပြောပါတယ်။

“ရေပြန်တက်နေပါတယ်၊ လက်ရှိအနေအထားအရ ရေက တန့်နေဦးမယ်ထင်ပါတယ်” လို့ ဘားအံမြို့ခံက ဆိုပါတယ်။

ဒီနေ့ မိုးဇလရဲ့ တိုင်းထွာချက်အရ သံလွင်မြစ်ရေဟာ ဘားအံမြို့ စိုးရိမ်ရေမှတ်ရဲ့အထက် ၅ ပေခန့် ကျော်လွန်နေတယ်လို့ သိရပါတယ်။နောက်ရက်မှာလည်း မြစ်ရေ ကျဖို့မရှိဘဲ ၃လက်မခန့် ထပ်မြင့်တက်နိုင်တယ်လို့ သတိပေးထားတာပါ။

ကရင်ပြည်နယ်မှာ ပြီးခဲ့တဲ့ ဇူလိုင်လနောက်ဆုံးပတ်အတွင်း မိုးကြီးပြီး တောင်ကျရေ စီးဆင်းတာ ၊ မြစ်ရေ ၊ ချောင်းရေ မြင့်တက်လာလို့ ဘားအံ ၊ မြဝတီ ၊လှိုင်းဘွဲ၊ ပိုင်ကျုံ၊ ကြာအင်းဆိပ်ကြီး၊ ကမမောင်း၊ ကျိုက်ဒုံ၊ ကော့ကရိတ်နဲ့ ကျုံဒိုးမြို့တွေ မှာ ဒေသခံပြည်သူသောင်းနဲ့ချီပြီး ရေဘေး ရင်ဆိုင်ခဲ့ပါတယ်။

စစ်ကောင်စီရဲ့ စာရင်းအရတင် မြို့နယ် ၆ ခုမှာ ရေဘေးကယ်ဆယ်ရေးစခန်း ၆၀ ထိ ဖွင့်ခဲ့ရပြီး လူဦးရေ နှစ်သောင်းသုံးထောင်ကျော် ကို ကယ်ဆယ်ရေးစခန်းတွေဆီ ရွှေ့ပေးခဲ့ရတယ်လို့သိရပါတယ်။

ဒါအပြင် ရေဘေးအတွင်း ရေနစ်လို့ သေဆုံးသူ ၇ ဦးထက်မနည်းရှိခဲ့တယ်လို့ ကူညီကယ်ဆယ်ရေး လုပ်ဆောင်ပေးသူတွေထံကသိရပါတယ်။

ဆက်စပ်သတင်းများ

သတင်း

တနင်္သာရီတိုင်းသရက်ချောင်းမြို့နယ် ကညင်ချောင်းကျေးရွာကို အာဏာသိမ်းစစ်တပ်က လေကြောင်းကနေ ဗုံးကြဲခဲ့လို့ ကလေးငယ်အပါအဝင် ပြည်သူ ၄ဦးသေဆုံးပြီးဒဏ်ရာရသူတွေလည်းရှိခဲ့တယ်လို့ ကရင်အမျိုးသားအစည်းအရုံး(KNU)မြိတ်ထားဝယ်ခရိုင်ကသတင်းထုတ်ပြန်ပါတယ်။

သတင်း

ကရင်ပြည်နယ်၊ ဘားအံမြို့၊ ကြာအင်းတောင်ဆီ ဒီနေ့ (အောက်တိုဘာ ၂၆ ရက်​) သီတင်းကျွတ်လပြည့်နေ့မှာ လာရောက်လည်ပတ်တဲ့ ခရီးသွားတစ်ဦး မူးလဲပြီး အသက်ဆုံးပါးသွားတယ်လို့ ဒေသခံတွေနဲ့ လူမှုကယ်ဆယ်ရေးအဖွဲ့ဆီက သိရပါတယ်။

သတင်း

ဧရာဝတီတိုင်းအတွင်း ရေဘေးသင့်ဒေသတွေမှာပျက်စီးသွားတဲ့စပါးခင်းတွေအတွက် စစ်​ကောင်စီကပြန်လည်ထောက်ပံ့တဲ့ မျိုးစပါးတွေ အရည်အသွေးညံ့ပြီး ပျိုးမ‌အောင်တဲ့အတွက်​ရေ​ဘေးသင့်​တောင်သူ​တွေ ဆုံးရှုံးမှုတွေထပ်မံကြုံတွေ့ရတယ်လို့ဒေသခံတောင်သူလယ်သမားတွေကပြောပါတယ်။

သတင်း

ရေဘေးနဲ့ မြေပြိုဘေး ဆိုးရွားစွာကြုံတွေ့ခဲ့ရတဲ့ လောင်းလုံးမြို့နယ်၊ တောကျဲကျေးရွာမှာ ဒီကနေ့ ရုပ်အလောင်း ၁လောင်း ထပ်မံတူးဖော်တွေ့ရှိခဲ့တယ်လို့ ဒေသခံတွေက ပြောပါတယ်။

Facebook