တိုက်ပွဲမရှိဘဲ ကျောက်မဲမြို့နယ် ဟူးကွက်ရွာဘုန်းကြီးကျောင်းအား စစ်ကောင်စီလေကြောင်း တိုက်ခိုက်

ထားမြတ်/People’s Spring

တအာင်းတပ်မတော်(TNLA) သိမ်းပိုက်ထားပြီးဖြစ်သည့် ရှမ်းမြောက် ကျောက်မဲမြို့နယ်ရှိ ဘုန်းကြီးကျောင်းအား စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့၍ ကျောင်းဆောင်ပျက်စီးပြီး ကိုရင်တစ်ပါး ဒဏ်ရာရခဲ့ကြောင်း TNLAက ထုတ်ပြန်သည်။

ကျောက်မဲမြိုနယ် ဟူးကွက်ကျေးရွာတွင် တိုက်ပွဲဖြစ်ပွားခြင်းမရှိဘဲ ဩဂုတ် ၁၆ရက် နေ့လယ်ပိုင်းတွင် စစ်ကောင်စီက တိုက်လေယာဉ်ဖြင့် ဗုံးကြဲချ တိုက်ခိုက်ခဲ့ခြင်းဖြစ်သည်။

အဆိုပါ တိုက်ခိုက်မှုကြောင့် ဟူးကွက်ကျေးရွာ ဘုန်းကြီးကျောင်းဝင်းအတွင်းရှိ ကိုရင်တစ်ပါး ထိမှန်ကာ ဆွမ်းစားကျောင်းဆောင်နှင့် ဇရပ်ကျောင်းဆောင် (၂)ဆောင် ထိမှန်ပျက်စီးသွားခဲ့ဟု TNLAက ထုတ်ပြန်သည်။

Public Service Announcement

ထို့ပြင် စစ်ကောင်စီတပ်သည် TNLA သိမ်းပိုက်ထားပြီးဖြစ်သည့် နမ့်ဆန်မြို့ကိုလည်း တိုက်ပွဲမဖြစ်ဘဲ လေကြောင်းတိုက်ခိုက်လာကြောင်း ဖော်ပြထားသည်။ စစ်ကောင်စီတပ်သည် နမ့်ဖက်မြို့နယ်အတွင်း တိုက်ပွဲမဖြစ်ဘဲ လေကြောင်းတိုက်ခိုက်မှု ခပ်စိပ်စိပ်ပြုလုပ်လာခြင်းလည်းဖြစ်သည်။

TNLAနှင့် စစ်ကောင်စီတပ်သည် ယနေ့(ဩဂုတ် ၁၆ရက်) သီပေါနှင့် မိုးမိတ်မြို့၌ တိုက်ပွဲဖြစ်ပွားခဲ့ဟု TNLA ပြောရေးဆိုခွင့်ရှိသူ လွေးယေဦးက ပြောသည်။