ဟန်နွေ/People’s Spring
ကရင်အမျိုးသားအစည်းအရုံး(KNU)ဖာပွန် ခရိုင်(မူတြော်ခရိုင်)တွင် ယခု ဩဂုတ်အတွင်း တိုက်ပွဲ အကြိမ် ၆၀နီးပါးဖြစ်ပွားခဲ့ရာစစ်ကောင်စီတပ်မှ သေဆုံးထိခိုက်မှုများ ရှိခဲ့ကြောင်း KNUဗဟိုက သတင်းထုတ်ပြန်သည်။
ဩဂုတ် ၁ရက်မှ ၁၅ရက်အတွင်း တိုက်ပွဲသတင်းနှင့် စစ်ကောင်စီ၏ လူ့အခွင့်အရေးချိုးဖောက်မှု အခြေအနေများကို အသိပေးဖော်ပြလာခြင်းဖြစ်သည်။
Public Service Announcement
ယခုလဝက်အတွင်း ကရင်အမျိုသားလွတ်မြောက်ရေးတပ်မတော်(KNLA) အမှတ်(၅) တပ်မဟာနှင့် စစ်ကောင်စီအကြား တိုက်ပွဲ ၅၇ ကြိမ်ဖြစ်ခဲ့သည်ဟု ဆိုသည်။
အဆိုပါတိုက်ပွဲများအတွင်း စစ်ကောင်စီဖက်မှ ၂၀ဦးသေဆုံးပြီး လေးဦးထိခိုက်ဒဏ်ရာရရှိခဲ့ကြောင်း၊ KNLAနှင့် တော်လှန်ရေးပူးပေါင်းတပ်များဘက်က ထိခိုက်မှုမရှိခဲ့ကြောင်း ဖော်ပြသည်။
တိုက်ပွဲများဖြစ်ပွားစဉ် စစ်ကောင်စီက လေကြောင်း၊ လက်က်ကြီးပစ်ခတ်မှုများ ပြုလုပ်ခဲ့ပြီး လေကြောင်းမှ ရိက္ခာများဖြည့်တင်းခြင်း ပြုလုပ်ခဲ့ဟု အသိပေးသည်။
ထို့ပြင် စစ်ကောင်စီတပ် ပစ်ခတ်သည့် လက်နက်ကြီးကြောင့် အရပ်သား တစ်ဦးဒဏ်ရာရရှိခဲ့ပြီး အိမ်မွေးတိရိစ္ဆာန်အချို့လည်း ထိခိုက်ခဲ့သည်ဟု ထုတ်ပြန်ထားသည်။
ဖာပွန်ခရိုင်တွင် KNLAပူးပေါင်းတပ်သည် ယခုနှစ်ဆန်းပိုင်းကတည်းက ဖာပွန်မြို့သိမ်းတိုက်ပွဲဆင်နွှဲလျက်ရှိရာ စစ်ကောင်စီတပ်ရင်းအချို့ သိမ်းပိုက်ရရှိထားပြီး ဗျူဟာကုန်းအပါအဝင် လက်ကျန်စခန်းများကို ပိတ်ဆို့ဖြတ်တောက်ကာ ဆက်လက်သိမ်းပိုက်နိုင်ရေးဆောင်ရွက်လျက်ရှိသည်။
