ဇော်ရမ်း/People’s Spring
ချင်းပြည်နယ်၊ မင်းတပ်မြို့နယ်တွင် စစ်ကောင်စီက လေကြောင်းတိုက်ခိုက်မှုများဆက်တိုက်လုပ်ဆောင်နေပြီး တိုက်ပွဲပြင်းထန်လာနိုင်ကြောင်း မင်းတပ်ပြည်သူ့ကာကွယ်ရေးအဖွဲ့(CDF -Mindat)က သတိပေးထုတ်ပြန်သည်။
ဩဂုတ်အတွင်း လေကြောင်းတိုက်ခိုက်မှုများ မကြာခဏလုပ်ဆောင်နေပြီး အရပ်သားအချို့ထိခိုက်သေဆုံးမှုများရှိနေစဉ် တိုက်ပွဲများပြင်းထန်လာနိုင်ကြောင်း သတိပေးချက်ကို CDF -မင်းတပ်က ဩဂုတ်လ ၂၁ရက်တွင် ထုတ်ပြန်ခြင်းဖြစ်သည်။
Public Service Announcement
စစ်ကောင်စီက မင်းတပ်မြို့နယ်အတွင်း လေကြောင်းတိုက်ခိုက်မှုနှင့် ဒရုန်းတိုက်ခိုက်မှုများဆက်တိုက်ပြုလုပ်နေ၍ ပြည်သူများအနေဖြင့် တိုက်ပွဲသတင်းများ ၊ ထိခိုက်ကျဆုံးမှုများ၊ တိကျခိုင်လုံမှုမရှိတဲ့သတင်းများကို လူမှုကွန်ရက်ပေါ်တွင် ဖြန့် ဝေခြင်းများ လုံးဝမပြုလုပ်ကြရန်လည်း သတိပေးချက်ထုတ်ပြန်ထားသည်။
” စစ်တပ်ဖက်က လေကြောင်းတိုက်ခိုက်မှုပိုလုပ်လာတယ်။ လေကြောင်းကနေအင်အားဖြည့်တယ်။ အခြေနေတွေကတိုက်ပွဲပြင်းထန်လာဖို့ရှိတယ်။ ဒါကို နားစွင့်နေဖို့လိုတယ်”ဟု CDF မင်းတပ် ရဲဘော်တစ်ဦးက ပြောသည်။
စစ်ကောင်စီသည် မင်းတပ်မြို့နယ်အပြင် ဒေသချင်းဆက်စပ်နေသော ကန်ပက်လက်မြို့နယ်၊ ယောဒေသတို့ကိုလည်း လေကြောင်းမှ တိုက်ခိုက်နေသည်။
