ဟန်နွေ/Peopel’s Spring
ရှမ်းပြည်နယ်မြောက်ပိုင်း နောင်ချိုမြို့နယ်အတွင်း စစ်အင်အားဖြည့်တင်းလာသည့် စစ်ကောင်စီတပ်နှင့် တိုက်ပွဲဆက်လက်ဖြစ်ပွားခဲ့ဟု တအာင်းတပ်မတော်(TNLA)က သတင်းထုတ်ပြန်သည်။
၁၀၂၇ စစ်ဆင်ရေးအပိုင်း(၂) ၆၀ရက်မြောက်ဩဂုတ် ၂၃ရက် စစ်ရေးသတင်းကို အသိပေးထားခြင်းဖြစ်သည်။
Public Service Announcement
တိုက်ပွဲများ ဆက်တိုက်ဖြစ်ပွားနေသည့် နောင်ချိုမြို့နယ် တောင်ခမ်းကျေးရွာအပါအဝင် မြို့နယ်အတွင်းရှိ နားရှိုးရွာ၊ မကျီးရေရွာဘုန်းတော်ကြီးကျောင်းတို့၌ တိုက်ပွဲဖြစ်ခဲ့ကြောင်း ဖော်ပြသည်။တိုက်ပွဲအတွင်း ထိခိုက်ကျဆုံး အခြေအနေကို ဖော်ပြမထားပေ။
တောင်ခမ်းရွာ စစ်ကောင်စီ (၉၀၂)တပ်စခန်းတိုက်ပွဲအတွင်း စစ်ကောင်စီတပ်မှ Jet Fighter ဖြင့် တစ်ကြိမ် လာရောက်ဗုံးကြဲတိုက်ခိုက်ခဲ့သည်ဟုဆိုသည်။
စစ်ကောင်စီသည် ရှမ်းပြည်နယ်တောင်ပိုင်း ရပ်စောက်မြို့ ကျောက်ဂူမှ နောင်ချိုမြို့နယ်အတွင်းသို့ စစ်အင်အားပြန်လည်ဖြည့်တင်းရန် ကြိုးပမ်းလျက်ရှိရာ တိုက်ပွဲများ နေ့စဉ်နီးပါး ဖြစ်ပွားလျက်ရှိသည်ဟု ထုတ်ပြန်ထားသည်။
TNLAသည် နောင်ချိုမြို့ကို ဇူလိုင် ၁၀ရက်တွင် တိုက်ခိုက်သိမ်းပိုက်ခဲ့ပြီ ဖြစ်ရာ စစ်ကောင်စီဘက်က အဆိုပါဒေသသို့ ပြန်လည်ထိစစ်ဆင်နေ၍ တိုက်ပွဲများ ဖြစ်ပွားနေခြင်းဖြစ်သည်။
