Connect with us

Hi, what are you looking for?

သတင်း

စစ်​ကောင်စီကဆေးဝါးတင်သွင်းခွင့်ကိုတင်းကျပ်ပြီး ကုမ္ပဏီ ၁၀၀ ​ကျော်၏ ​​ဆေးဝါးတင်သွင်းခွင့်လိုင်စင်များကိုပယ်ဖျက်

စစ်​ကောင်စီက ပို့ကုန်ရငွေတင်ပြမှသာ ဆေးဝါးသွင်းကုန်လိုင်စင်ချပေးမည်ဟုဆိုကာ ဆေးဝါးကုမ္ပဏီ ၁၀၀ကျော်၏ ဆေးဝါးတင်သွင်းခွင့်လိုင်စင်များကို စစ်ကောင်စီထိန်းချုပ်ထားသည့် ကုန်သွယ်ရေးဦးစီးဌာနက ပယ်ဖျက်လိုက်သည်။

စစ်တပ်အာဏာမသိမ်းခင်က​​​ဆေဝါး အ​ရောင်းဆိုင်တဆိုင် ။ဓါတ်ပုံ-မင်းမြန်မာ​ဆေးဆိုင်

စောနွေဦး/People’s Spring

စစ်​ကောင်စီက ပို့ကုန်ရငွေတင်ပြမှသာ ဆေးဝါးသွင်းကုန်လိုင်စင်ချပေးမည်ဟုဆိုကာ ဆေးဝါးကုမ္ပဏီ ၁၀၀ကျော်၏ ဆေးဝါးတင်သွင်းခွင့်လိုင်စင်များကို စစ်ကောင်စီထိန်းချုပ်ထားသည့် ကုန်သွယ်ရေးဦးစီးဌာနက ပယ်ဖျက်လိုက်သည်။

စစ်ကောင်စီ၏နိုင်ငံခြားသုံးငွေကြီးကြပ်မှုကော်မတီက စက်တင်ဘာ ၁ ရက်ကစတင်ပြီး ပို့ကုန်ရငွေတင်ပြမှသာ ဆေးဝါးသွင်းကုန်လိုင်စင်ချပေးမည်ဟု မူဝါဒပြောင်းလဲလိုက်ခြင်းကြောင့် ဖြစ်သည်။

Public Service Announcement

Public Service Announcement

ထိုကြောင့် ၂၀၂၃အောက်တိုဘာတွင် ဆေးကုမ္ပဏီ ၁၁၆ခု ကလျှောက်လွှာတင်ခဲ့သည်ဒေါ်လာ ၁၀၃ သန်းကျော်တန်ဖိုးရှိသည့် လိုင်စင်လျှောက်လွှာ ၇၁၆ စောင်ကို စစ်ကောင်စီက ပယ်ဖျက်လိုက်ခြင်းဖြစ်သည်။

ထိုကြောင့် ဆေးဝါးကုမ္ပဏီများအနေဖြင့် ဆေးဝါးတင်သွင်းလို့ပါက လိုင်စင်အသစ်ပြန်လည်လျှောက်ထားရမည်ဟု စစ်ကောင်စီကုန်သွယ်ရေးဦးစီးဌာနက ဆေးကုမ္ပဏီများကို အကြောင်းကြားထား​ကြောင်းသိရသည်။ ပြန်လည်လျှောက်ထားရာတွင်လည်း နိုင်ငံခြားသုံးငွေကြီးကြပ်မှုကော်မတီက ခွင့်ပြုချက်ရမှာသာ လိုင်စင်ထုတ်ပေးမည်ဟုဆိုသည်။

“ဒေါ်လာလိုအပ်ချက်များနေလို့ မူဝါဒကို ခဏခဏပြောင်းနေတာပါ။အခုကန့်သတ်ချက်က ဆေးဝါးတွေ ရှေလျှောက်ဝယ်ယူဖို့ခက်ခဲသွားလိမ့်မယ်”ဟု ဆေးကုမ္ပဏီတစ်ခုမှ မန်းနေဂျင်းဒါရိုက်တာတစ်ဦးကပြောသည်။

နိုင်ငံခြားငွေသုံးငွေလိုအပ်ချက်ကြီးမားနေသည့် စစ်ကောင်စီက ဆေးဝါးတင်သွင်းမှုကို တရစ်ခြင်းကန့်သတ်နေပြီး ယခုအခါဆေးဝါးတင်သွင်းမှုကို အကြီး အကျယ်ထပ်မံကန့်သတ်ရန် ပြင်ဆင်ခြင်းဖြစ်သည်ဟု ၎င်းကဆက်​ပြောသည်။

“Export Money မပြနိုင်ရင်လိုင်စင်မပေးတော့ဘူး။မရှိမဖြစ်ဆေးတွေ၊နေ့စဉ်ဆေးသောက်နေရတဲ့လူတွေအတွက်ဆေးတွေ၊ကြိုဝယ်ထားကြပေတော့။ဈေးတက်မယ်၊ပစ္စည်း ပြတ်မယ်။မဝယ်နိုင်ရင် သေဘို့သာပြင်ရတော့မယ်”ဟု စစ်ကောင်စီ၏ ကြေညာချက်အပေါ်. ​ဆေးဝါးတင်သွင်း​ရောင်းချမှုလုပ်ငန်းစဥ်ကိုနားလည်​သော ​ဆေးဆိုင်ပိုင်ရှင်​ဟောင်းတစ်ဦးက မှတ်ချက်ပြုသည်။

စစ်ကောင်စီက ဆေးဝါးတင်သွင်းမှုကို ပိုမိုတင်းကြပ်သဖြင့် ​ ပြည်တွင်းဆေးဝါးပြတ် လပ်မှု ပိုမိုးဆိုးရွားလာ​ပြီး ​ဈေးများထိုးတက်ကုန်၍ လုပ်ငန်းရပ်တည်ရန်ခက်ခဲလာသဖြင့် အရောင်းပိတ်လိုက်ရသည့် ဆေးဆိုင်များပိုများလာ​ကြောင်း ​ဆေးဆိုပိုင်ရှင်ဟောင်းအချို့က ​ပြောသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook